İrəvandakı Yerablur hərbi məzarlığının betonla örtülməsinin qalmaqallı pərdəarxası məqamları ortaya çoxıb. Bəlli olur ki, orada dəfn edilən əsgərlərin DNT analizləri reallığı əks etdirmir. Bununla belə, Ermənistan bu minvalla 44 günlük müharibədəki itkilərini gizlətməyə şalışır.
Sözügedən məsələ elə bağlı erməni mediasında yayılan məlumatlar bununla bağlı biabırçı məqamlardan xəbər verir: “Sizdə belə bir sual yaranmadımı ki, niyə? Amma mən nəyə görə olduğunu sizə deyəcəm. Şəxsən övladları itkin düşmüş valideynlərlə söhbət etmişəm, bilirəm. Bu insanları 30%-lik DNT ilə inandırmağa çalışırlar ki, övladlarının nəşini tanısınlar və dəfn etsinlər. Məlum hallar var ki, dəfndən bir müddət sonra dəfn edilənin onların uşağı olmaması bəlli olur. Dəfndən sonra onlar öyrənirlər ki, basdırdıqları başqa şəxsdir. Nəticədə başıpozuq identifikasiyaya görə valideynlər ekshumasiya tələb edirlər. Gec-tez bu cür tələblərin sayı artacaq. İndi də hakimiyyət (Yerablurda) hərbçi məzarlarını betonlamağa başlayıb ki, ekshumasiya tələblərini yerinə yetirmək mümkün olmasın”.
Göründüyü kimi, Paşinyan hakimiyyəti ağılagəlməz vasitələrə əl ataraq, 44 günlük müharibədə itkiləri ört-basdır etməyə çalışır. Vəziyyət o yerə çatıb ki, məzarları betonlayırlar.
“Paşinyan ictimai narazılıqları önləməkdən ötrü həlak olanların DNT analizlərini saxtalaşdırır”
Sözügedən məsələ ilə bağlı fikirlərini “Bakı-Xəbər”lə bölüşən hərbi ekspert İbrahim Rüstəmlinin sözlərinə görə, 44 günlük hərbi əməliyyaytlar çox sürətlə getdiyi üçün Ermənistan bu müddət ərzində böyük itkiyə məruz qalıb: “Nə Ermənistanın, nə də dünya ictimaiyyətinin gözləmədiyi halda ildırım sürətli əməliyyatlar baş verdi. Düşmən tərəfi pərakəndə formada geri çəkildiyi üçün əsgəri itkilərini əksər hallarda toplamadılar. Döyüş əməliyyatları nə qədər dinamik və sürətli həyata keçirilirsə, o zaman itkilərin sayı da buna münasib olaraq artır. Ermənilər döyüş əməliyyatlarının belə sürətlə davam edəcəyini təsəvvür etmədikləri üçün itkilərin də bu səviyyədə olacağını gözləmirdilər. O üzdən, prosesləri ardıcıl izləmək Ermənistan tərəfi üçün mümkündsüz hala gəldi. Nəticədə döyüş meydanlarında, meşələrdə qalan erməni əsgərlərinin cəsədlərini vəhşi heyvanlar parçalayıb. Bununla bağlı çoxsaylı faktlar var. Baxın, 9 aydan çoxdur müharibə başa çatıb, amma bəzən hər gün erməni əsgərlərin qalıqları aşkar olunur. Bu baxımdan erməni tərəfində itkin düşənlər çoxluq təşkil edir. Paşinyan ictimai narazılıqları önləməkdən ötrü həlak olanların DNT analizlərini saxtalaşdırır. Ancaq bu saxtakarlıqları uzun müddət gizli saxlamaq mümkün olmur. Belə olan halda Yerablur məzarlığı betonlanır ki, müharibədə övladlarını itirən valideynlər bunun üzərinə gedə bilməsin. Bax, məsələnin əsas mahiyyəti bununla bağlıdır. Nəzərə almaq lazımdır ki, 44 günlük müharibədə Ermənistan ordusunun bütün infrastrukturu sıradan çıxdı. Bu isə o deməkdir ki, həm də nəzarət sıradan çıxdı. Nəticədə belə bərbad vəziyyət yarandı. Fikrimcə, Ermənistanın real itkilərini müəyyən etmək üçün hələ çox şeylərin üstü açılacaq”.
Hərbi ekspert hesab edir ki, Paşinyan məzarları betonlamaqla bu kimi həqiqətləri gizlədə bulməyəcək.
Vidadi ORDAHALLI
