Əfqanıstanda “Taliban”ın hakimiyyəti ələ keçirməsini ermənilər xüsusi coşqu ilə qeyd edirlər, sosial şəbəkələrdə “Taliban”ı dəstəklədiklərini yazırlar, dəstək statusları paylaşırlar.
Hətta Rusiyada fəaliyyət göstərən erməni jurnalist və mediamenecer Marqarita Simonyan da sosial şəbəkədə “Taliban”ın qələbəni haqq etdiyini qeyd edib və Rusiya qanunlarına görə qadağan olunmuş “Taliban” Hərəkatının bayrağını tapacağı halda maşınına taxaraq Moskvada şütüyəcəyini yazıb.
Ermənilərdə, xüsusən də Simonyan kimilərində bu “Taliban” “sevgisi” hardandır?
“Terrorçu ermənilərin terrorçu “Taliban”ı dəstəkləməsində təəccüblü heç nə yoxdur”
Siyasi şərhçi Azər Həsrət bizimlə söhbətində bildirdi ki, ermənilərin “Taliban”ın qələbəsinə sevinməsi təəccüblü deyil: “Bu da ondan irəli gəlir ki, ermənilər bir qayda olaraq terrora köklənmiş bir toplumdur. Yəni bütün mövcudluqları dövründə yalnız terror yolu ilə öz istəklərinə çatmağa çalışıblar. Zəka, ağıl, dinc mübarizə, yaxud da danışıqlar yolu ilə heç bir məsələnin həlli üçün can atmayıblar. Yalnız partlatmaq, öldürmək, oğurlamaq, dağıtmaq yolu ilə öz məqsədlərinə nail olmaq istəyiblər. “Taliban” da eyni qaydada terror törədir, öldürür, dağıdır, dünyanın rəsmən tanıdığı bir terrorçu təşkilatdır. “Taliban”la ermənilərin xisləti eynilik təşkil etdiyi, niyyətləri üst-üstə düşdüyü üçün ermənilər “Taliban”a rəğbət bəsləyirlər. Baxmayaraq ki, “Taliban” özünü müsəlman bir qurum adlandırır, ermənilər isə xristian dinidir, arada din ayrılığı var. Amma gördüyünüz kimi, ermənilər “Taliban”ın “qələbə”sindən vəcdə gəliblər. Hətta Simoyanın Talibanpərəstlikdə bu qədər irəli getməsi də təsadüfi deyil. Çünki “Taliban” terror təşkilatına, ermənilərlə yanaşı, Rusiya dövlətinin də çox loyal yanaşdığını müşahidə edirik. Yəni bu hadisələr baş verdiyi günlərdə görürük ki, Rusiya dövləti “Taliban”la danışılar haqda məlumatlar verir. Hətta həftənin bu günü Rusiyanın Əfqanıstandakı səfirliyinin nümayəndələrinin “Taliban”la görüşü nəzərdə tutulub. Yəni bu nə deməkdir? O deməkdir ki, Rusiya dövləti “Taliban”a hüquqi cəhətdən tanınma bəxş edir. Bir növ, “biz sizi terrorçu kimi tanıyırıq” məsələsi öz yerində, amma danışıqlara da gedilir”.
A.Həsrətin sözlərinə görə, əslinə qalanda terrorçu ilə danışığa gedilməməlidir. O hesab edir ki, bu həm də Rusiyanın siyasətidir. “Təbiidir ki, Rusiyanın əlaltısı olan Ermənistan da belə bir mərhələdə öz xislətinə uyğun olaraq terrorçulara öz müsbət münasibətini ifadə etməli idi. Yəni biz buna təəccüblənmədik, terrorçu terrorçunu sevər, dəstəkləyər, onun “qələbə”lərinə sevinər. Terrorçu ermənilərin terrorçu “Taliban”ı dəstəkləməsində təəccüblü heç nə yoxdur. “Taliban” hazırda Əfqanıstanda hakimi-mütləqdi, terror yolu ilə dövləti, dövlət idarəetməsini ələ keçirib, ermənilər də buna sevinirlər. Necə ki, vaxtilə ermənilər terror yolu ilə Qarabağ torpaqlarını ələ keçirmişdilər, Azərbaycanın müyyən qədər ərazisində hakimi-mütləq idilər, indi də “Taliban” terror yolu ilə Əfqanıstan kimi 35 milyon əhalisi olan bir ölkədə hakimi-mütləqdi. Ermənilər ona sevinirlər ki, hətta terror yolu ilə bütöv bir ölkəni işğal etmək mümkündür. Bax, ona görə toy-bayram edirlər. “Taliban”la erməniləri terror və işğalçılıq xislətləri birləşdirir” - deyə A.Həsrət qeyd etdi.
İradə SARIYEVA
