Ermənistandakı hərbi təhlilçi David Arutyunov erməni mediasına bildirib ki, ölkəsi hərbi hazırlığı gücləndirir:
“Ermənistanda hərbi hazırlıqlar gücləndirilir. Ermənistan tərəfi ehtiyatda olan 2000-dən artıq hərbi qulluqçunu orduya çağırmağı planlayır. Bura həm sıravi, həm yüksək rütbəli zabitlər, raket, artilleriya, havadan müdafiə sistemi və s. sahələr üzrə mütəxəssislər daxildir”.
Ekspert deyib ki, bu hazırlıqlar o demək deyil ki, irimiqyaslı müharibə gözlənilir: “Amma sərhəddəki gərginliyin artması onu göstərir ki, qarşıdurma qaçılmazdır”.
Onun sözlərinə görə, 44 günlük müharibədən sonra Azərbaycan Zəngəzur dəhlizi, sərhədlərin delimitasiya və demarkasiyası barədə iddialar səsləndirir: “ Ehtiyatda olan hərbi qulluqçuların döyüş vəziyyətinə gətirilməsinə Azərbaycanın addımlarına cavab kimi baxmaq olar”.
Ermənistanın bu addımlarını yeni müharibəyə hazırlıq kimi qiymətləndirmək olarmı?
Hərbi-siyasi ekspert, ehtiyatda olan polkovnik-leytenant İbrahim Rüstəmli “Bakı-Xəbər”ə açıqlamasında bildirdi ki, üçtərəfli saziş imzalanandan sonra da bu müharibənin bitdiyinə inanlara bunun tam əksini söyləyib: “Müharibə istəməyən dövlətlər hər zaman müharibəyə hazır olmalıdır. Qarabağda müharibə ocağını körükləyənlər sakitləşməyib, əksinə, revanşist fikirlər səsləndirirlər. Rusiya müdafiə nazirinin Ermənistanda verdiyi bəyanat isə ümumiyyətlə qəbuledilməzdir. Bu bəyantala onlar yeni bir münaqişənin başlanacağınıa mesaj verir. Ermənistandakı qüvvələr və onların havadarları münaqişənin sülh yolu ilə bitməsində maraqlı deyillər. Onlar çalışırlar ki, Qarabağ problemi daima aktiv fazada qalsın və dünya ictimaiyyəti konfliktin hələ tam həll edilmədiyini görsün. Bununla bağlı ciddi cəhdlər görürük. Ermənilərin ehtiyatda olan hərbçiləri xidmətə çağırması da təsadüfi deyil. Məsələ burasındadır ki, 44 gün ərzində Azərbaycan Ermənistanın bütün ordusunu sıradan çıxarıb. İndi yeni bir oyanış başlayır. Bu revanşa dəstək verən başlıca ölkə Rusiyadır. Münaqişənin qısa müddətdə alovlanmasına zəmin yaradır. Mən fikirləşirdim ki, münaqişənin yenidən alovlanmaı üçün kifayət qədər tətikləyici məqamlar var. Bu qədər tez baş verəcəyini isə təxmin etmirdim. Fikirləşirdim ki, 40-50 ildən sonra nəsə baş verə bilər. Ermənistan mənəvi, psixoloji cəhətdən tam məhv olub. Onlar bu məğlubiyyətlə barışmaq istəmir. Ermənilərin bu vəziyyətindən bəzi ölkələr istifadə etməyə çalışır. Bütün bunların qarşılığında tam məsuliyyətilə deyirəm ki, Ermənistan yenə də məğlubiyyətə uğrayacaq. Beyni yuyulmuş bir millətin çox az bir qismi var ki, onları da qırdırmayana kimi bunlar sakitləşməyəcək. Azərbaycan daima müharibəyə hazır vəziyyətdə olmalıdır. Ən yaxşı silahları almalıyıq. Onlar bizdən qorxmayınca sakitləşməyəcəklər. Sıraya qoyulmağa adam tapmaqdıları üçün səfərbərliyə ehtiyac duyurlar”.
Məhəmmədəli QƏRİBLİ
