Məlum olduğu kimi, bu günlərdə Rusiyanın müdafiə naziri Sergey Şoyqu Moskvada Ermənistanın yeni təyin olunmuş müdafiə naziri Arşak Karapetyanla görüşündə bəyan edib ki, ölkəsi Ermənistan ordusunun modernləşdirilməsi və orduda islahatların aparılmasına köməyini davam etdirməyə hazırdır.
Ancaq bütün bunlara baxmayaraq, erməni mediasında, cəmiyyətində Rusiyanın Ermənistan ordusunu modernləşdirəcəyi xəbəri ikrahla qarşılanır və lağa qoyulur. Erməni siyasi şərhçi Tevos Arşakyan yerli mediyaya açıqlamasında deyib ki, Azərbaycan bütün dünya ilə dost olub ordusunu inkişaf etdirdi, Ermənistan isə həmin illər ərzində Rusiyadan “metallolom” aldı: “Üstəlik, işlək, yeni nə var idisə, onları da bizim “məğrur” əsgərlərimiz döyüş meydanında qoyub qaçdılar. Həmin hərbi texnika da Azərbaycana qaldı. Biz hazırda Rusiyaya görə bu gündəyik. Ermənistan illərdir kor-koranə Rusiyanın göstərdiyi yolla getdi və sonda hər şeyini itirdi. Elə bilirsiz Ermənistan müharibədə uduzduqdan sonra nəyisə başa düşdü? Səhv edirsiz. Ermənistan müdafiə naziri ilk rəsmi səfərini hara etdi? Əlbəttə ki, Moskvaya. İrəvan hələ də inanır ki, Rusiya onu qoruyacaq. Üzr istəyirəm, Moskva o gündədir ki, onun özünü qoruyan lazımdır. Rusiya ordusu ağlar vəziyyətdədir. Bu vəziyyətdə olan ölkə Ermənistanın ordusunu modernizə edəcək? Gülməlidir”.
Görünən odur ki, Şoyqunun məlum vədlərinə rəğmən, ermənilər buna ciddi yanaşmır. Bu isə onu göstərur ki, erməni cəmiyyəti əvvəlki illərdə olduğu kimi Rusiyaya etimad göstərmir.
“Ermənilər nə qədər xəstə millət olsalar da, Rusiyanın dünyada azalan gücünü, texnoloji baxımdan Qərbə uduzduğunu görürlər”
Məsələyə münasibət bildirən hərbi ekspert İbrahim Rüstəmlinin sözlərinə görə, indiki dövrdə Şoyqunun məlum vədi Ermənistanda revanşistlərin maraqlarına xidmət edir: “Şoyqunun Ermənistan ordusunu modernləşdirəcəyik fikirləri revanşistlərin ilhamlandırılmasına hesablanmış jestdir. Burda Rusiyanın özünün də bir revanşist mövqeyi var. Məsələ ondadır ki, İkinci Qarabağ müharibəsində Rusiya ermənilərin etimadını itirdi. Baxmayaraq ki, müharibə gedişində müxtəlif vasitələrlə işğalçı tərəfə silah yardımı etdi. Ancaq rus hərbi arsenalı Azərbaycan Ordusunun peşəkarlığına, sahib olduğu müasir silahlara uduzdu. Rusiyanın müasir PUA-ları, radioelektron sistemləri olsaydı, mütləq onları Ermənistana verəcəkdi. Ona görə də Rusiyadakı müəyyən dairələr bütün bunları həzm edə bilmir. Ermənistanda etimadı qazanmaq üçün yenidən müxtəlif vasitələrə əl atırlar. Ancaq bu elə də səmərə vermir. Ermənilər nə qədər xəstə millət olsalar da, Rusiyanın dünyada azalan gücünü, texnoloji baxımdan Qərbə uduzduğunu çox yaxşı görürlər. Rusiyanın Ermənistan ordusunu modenləşdirməyə heç bir imkanı yoxdur. Bunun üçün gərək Rusiya birinci öz ordusunu modernləşdirsin. Bu səbəbdən Rusiyanın vədlərinə qeyri-ciddi yanaşırlar. Bax, budur məsələnin əsas mahiyyəti. Ermənilər həm də onun fərqindədirlər ki, Rusiya Qarabağ məsələsinin birdəfəlik həllində maraqlı deyil. Rusiya istəyir ki, Qarabağ vasitəsilə hər iki ölkəni öz təsir dairəsində saxlasın”.
Hərbi ekspert onu da qeyd etdi ki, Rusiyanın əvvəlki kimi Ermənistanın etimadını qazanacağı real deyil.
Vidadi ORDAHALLI
