Dünya Karapapak Türkləri Birliyi (KARPAT) adınandan təşkilatın sözçüsü Muhsin Şaşmaz Azərbaycan dövlətinə, ordusuna dəstək bəyanatı yayıb. KARPAT-dan baki-xeber.com-a daxil olan bəyantda bildirilir. “ 28 ildir işğal etdiyi Azərbaycanın Dağlıq Qarabağ bölgəsinə tamamilə yerləşmək üçün hər fürsətdə təxribata və ağıl xaricində davranışlara baş vuran Ermənistan yenə də şiddətli bir şəkildə tək tərəfli atəş açaraq savaş fitilini alışdırıb.
Bilinməlidir ki Ermənistan üç milyondan az əhali sayı, çökən iqtisadiyyatı, Rusiyadan üçüncü dərəcəli köhnə silah yardımı almadan nəfəs belə ala bilməz. Anlamsız bir şəkildə hər zaman olduğu kimi İran və Rusyanın gah açıq, gah gizli dəstəyini alan sözdə əməllərinə çatmaları üçün əllərindən gələn hər cür mənfur oyunları təkrar səhnələmə cürətində bulunan Ermənistan bu dəfə qardaş Azərbaycanın həm hərb, həm də əsgəri gücü qarışında çarəsiz qalaraq beynəlxalq birliyin dəstəyini almaq üçün ağababalarına (havadarlarına) yalvarma vəziyyətinə düşüb. Bilinməlidir ki, Türkiyə və Azərbaycan əbədi olaraq iki dövlət, bir millət şüarından vaz keçməyəcək. Şübhəsiz, bu gün Azərbaycan Azərbaycana edilən hər cür çirkin təxribatlara cavab vermək gücünü bütün dünyaya göstərir. Ermənilər bilməlidir ki, Azərbaycan onların hər cür hücumlarının, təxribatlarının qarşısını silah gücünə almaq, bu yolda şəhid olmaq üçün sırada gözləyən cəsarətli, vətənpərvər, düşmənə layiqli cavab verən Vətən övladlarına sahibdir.
28 il öncəyə qədər Qarabağ Azərbaycanın öz topraqlarıykən nə oldu ki, bu topraqlar “Ermənistan topraqları oldu”. Ermənistan Azərbaycan torpaqlarını işağl edib. Xatırladım ki, erməni əsgərləri vəhşicəsinə qatillik edərək qaranlıq və şaxtalı bir gecədə 83 uşaq, 106 qadın, 70-dən çox yaşlı olmaq üzrə 613 azərbaycanlının canına qəsd edərək dünyanın gözü qarşısında Xocalı soyqırımını həyata keçirib. Dünya isə ermənilərin azərbaycanlılara qarşı törətdiyi vandalizmə, qətliama seyrçi qaldı (Srebrenitsada olduğu kimi). Artıq bıçaq sümüyə dayanmışdır, artıq hesab günü gəlmişdir.
Allahın izniylə və hərb gücü ilə Azərbaycan ordusu hər keçən gün iləriləməkdə və işğal altında olan topraqlarını geri almaqdadır. Azərbaycanda könüllü orduya getmək üçün saysız gənclər, insanlar var və hazırda cəbhədə olanlar isə cəbhədə qəhrəmanlıq dastanları yazır. Ya Ermənistan ağlını başına toplayıb daha çox qan tökülmədən geri çəkiləcək, ya da Azərbaycan, gərəkdirsə, o torpaqları şəhid qanı ilə sulayıb geri alacaq.
Ermənistan, sən hüququn, haqqın olmayan, səninlə yaxından uzaqdan bağlılığı ümumiyyətlə olmayan Azərbaycan ərazilərini işğalda saxlamaqdan əl çək və hər hansı bir sızma nəticəsində 100 milyon insanın həyatını təhlükətə ata biləcək 47 illik nüvə elektrik stansiyanı yenilə, ya da bağla, iqtisadi vəziyyəti acınacaqlı olan xalqının rifahı ilə məşğul ol. Ermənistan, sənin əli iş tutan vətandaşların ya Türkiyədə, ya da Rusiyadadır. Ağababalarına (havadarlarına) güvənərək xam xəyal ardınca qaçmaqdansa öz pərişan, ümidsiz, ac-yalavac xalqına dərman ol.
Burdan bildirmək istərdim ki, Azərbaycan yalnız deyil, bizlər ,bundan öncə Alparslanın yanında olduğumuz kimi, Fatehin yanında olduğumuz kimi, Qazi Mustafa Kamal Atatürkün yanında olduğumuz kimi, qanımızın son damlasına qədər bu gün də Azərbaycanın, cənab Prezident İlham Əliyevin , Azərbaycan əsgərinin yanındayıq!”
İradə SARIYEVA
