Korinavirus pandemiyasının yayılması nəticəsində, demək olar ki, bir sıra ölkələrdə vətəndaşların sosial rifahının yaxşılaşdırılması məsələsi arxa plana keçdi. Azərbaycanda isə, əksinə, bu ağır dövrdə də dövlət vətəndaşların sosial rifah halının yüksəldilməsi üçün bir sıra yeni sosial paketlər qəbul etdi. Respublika ictimaiyyəti tərəfindən məmnunluqla qarşılanan bu layihələr xüsusən də aztəminatlı ailələrin sosial-iqtisadi dayanıqlığının təmin olunmasında mühüm rol oynadı.
Qusar rayonundan Səbinə Hüseynova bu və digər istiqamətlərdə həyata keçirilən işlərə, vətəndaşların sağlamlığı, təhlükəsizliyi və sosial rufahı naminə dövlət tərəfindən atılan addımlara görə öz məktubunda ölkə başçısına təşəkkür edir. “Bu gün Azərbaycan xalqı çətin bir sınaq qarşısındadır. Xalqımız bütün dünyanı cənginə almış pandemiya ilə mübarizə aparır. Sizin özünütəcrid çağırışlarınıza əməl edərək, xəstəliyin yayılmasının qarşısının alınması üçün hər birimiz daha intizamlı olmağa, qoyulan qaydalara əməl etməyə çalışırıq. Çünki bu xəstəliyin dünya ölkələrində səbəb olduğu itkiləri görürük. Pandemiyanın yayılmağa başladığı ilk günlərdən bu məsələyə göstərdiyiniz xüsusi diqqət, çevik münasibət, səhiyyə sisteminin, həmçinin, bütün dövlət qurumlarının səfərbər olunması və digər qabaqlayıcı tədbirlər xalqımızı ağır itkilərlə üzləşməkdən xilas etdi. Pandemiyaya qarşı mübarizə, eləcə də adət etdiyi həyat tərzini dəyişərək təcrid şəraitində yaşayan xalqımıza sosial xidmətlərin, maddi dəstəyin göstərilməsi ilə bağlı sərəncamların imzalandığını, sosial paketlərin icra edildiyini görürük”. S.Hüseynova, həmçinin, bildirir ki, Qusar rayonunda yaşayan aztəminatlı ailələrə, imkansız və işsiz vətəndaşlara, yaşlı nəslin nümayəndələrinə müxtəlif yardımlar göstərilməsi qusarlıları çox sevindirir. Qusardan yazan vətəndaş vurğulayır ki, ölkə başçısının atdığı bütün addımlar, xalqla birgə olması, insanların qayğı və problemlərinin həllinə cəld reaksiya verməsi, vətəndaşların qayğısına qalması cəmiyyət tərəfindən təqdir edilməklə yanaşı, həm də gənclər üçün böyük bir örnəkdir.
