Pandemiya dövründə Azərbaycanda gerçəkləşdirilən bütün tədbirlər, o cümlədən də başqa ölkələr üçün də gerçək nümunəyə çevrilə biləcək sosial-iqtisadi layihələr vətəndaşların təhlükəsizliyinin, sağlamlığının, həyat şəraitinin və güzəranının təmin edilməsinə yönəlib.
Prezidentin tapşırıqlarına əsasən koronavirus pandemiyasının vətəndaşlara təsirlərinin minimuma endirilməsi ilə bağlı ardıcıl olaraq gerçəkləşdirilən tədbirlər vətəndaş məmnunluğu ilə müşayiət olunur.
Şamaxı rayonu, Şəhriyar qəsəbəsindən hərbi qulluqçu Quliyev Vüqar Çingiz oğlu Prezidentə məktubunda “Hazırda dünyanı bürüyən koronavirus pandemiyasının Azərbaycana da təsirsiz ötüşmədiyi vaxtda Sizin yürütdüyünüz qabaqcıl və düzgün siyasət, vaxtında elan edilmiş karantin və aparılan islahatlar bu qlobal problemin ölkəmizə vurduğu zərərin minimuma endirilməsinə zəmin yaratdı. Sizin insanlara göstərdiyiniz qayğı, diqqət və dəstək sayəsində bu problemin tezliklə bitəcəyinə inanır və bu yolda atılan hər bir addımınızı dəstəkləyirik. Xalqımız hər zaman Sizin yanınızdadır. Vətənini, millətini sevən hər bir azərbaycanlı Sizi örnək götürərək, bu çətin məqamda maddi və mənəvi dəstəyə ehtiyacı olan ailələrə yardım edir” - deyə V.Quliyev qeyd edir.
O, həmçinin Azərbaycan dövlətinə xidmət edən hərbi qulluqçu kimi Prezidentin həyata keçirdiyi məqsədyönlü tədbirləri izlədiyini və bununla fəxr etdiyini yazır.
Azərbaycanın qonşu dövlətlərlə sərhəd rayonlarında koronavirus təhlükəsinin tam nəzarətə götürüldüyünü və bunun nəticəsində də bu bəlanın daha geniş yayılmasının qarşısının alındığını yazan hərbi qulluqçu xalqımızın birlikdə bütün çətinliklərin öhdəsindən üzüağ və şərəflə gələcəyinə əmin olduğunu da yazır.
Baki-xeber.com
