Respublikanın daxili işlər orqanları tərəfindən srağagün keçirilən uğurlu əməliyyat tədbirləri nəticəsində qanunsuz dövriyyədən külli miqdarda narkotik vasitə çıxarılıb.
Belə ki, Ağcabədi Rayon Polis Şöbəsi əməkdaşlarının əldə etdiyi məlumat əsasında həyata keçirdiyi əməliyyat tədbirləri nəticəsində narkotik vasitələrin alqı-satqısında şübhəli bilinən şəhər sakini, əvvəllər məhkum olunmuş Hüseyn Əhmədov saxlanaraq Polis Şöbəsinə gətirilib. Onun üzərinə baxış zamanı 0,110 qram heroin aşkar edilib.
Tədbirlərin davamı olaraq onun yaşadığı evə də baxış keçirilib və oradan əlavə olaraq ümumi çəkisi 9 kiloqram 230 qram olan qurudulmuş marixuana aşkar edilərək götürülüb.
Növbəti uğurlu tədbir Beyləqan Rayon Polis Şöbəsinin əməkdaşları tərəfindən həyata keçirilib. Daxil olan əməliyyat məlumatı əsasında polis əməkdaşlarının şəhər sakini, əvvəllər məhkum olunmuş İlkin Fərəcovun evinə keçirdiyi baxış zamanı oradan ümumi çəkisi 1 kiloqramdan artıq olan marixuana aşkar edilərək götürülüb.
Hər iki faktla bağlı cinayət işləri başlanıb, istintaq aparılır.
Natiq Cavadov DİN mətbuat xidmətinin əməkdaşı
