Sərnişindaşıma sistemində yeni qaydalar başlayır

Tarix: 21.08.2014 / 03:09
Bölmə: İqtisadiyyat

Nazirlər Kabineti "Avtomobil nəqliyyatı ilə sərnişin və baqaj daşınması Qaydaları"nda dəyişikliklər edib. İndiyə qədər nəqliyyat vasitəsi sahibinin mülki məsuliyyətinin icbari sığortası haqqında müqavilənin bağlanmasını təsdiq edən sığorta şəhadətnaməsi sərnişin avtonəqliyyat vasitələrinin sürücülərinə dair tələblər sırasında yer alıb.
Dəyişikliyə əsasən, sərnişinlərin fərdi qəza sığortası ilə bağlı tələb müəyyənləşib. Bundan sonra avtonəqliyyat vasitəsi sahiblərinin mülki məsuliyyətinin icbari sığortası və sərnişin daşımaları xidmətini həyata keçirən avtonəqliyyat vasitələri ilə daşınan sərnişinlərin (şəhərdaxili və ya qəsəbədaxili daşınan sərnişinlər istisna olmaqla) fərdi qəza sığortası müqaviləsinin "İcbari sığortalar haqqında" Qanuna uyğun olaraq bağlanmasını təsdiq edən icbari sığorta şəhadətnaməsi tələb olunacaq. İndiyə qədər sərnişinlər qarşısında daşıyıcıların mülki məsuliyyətinin icbari sığortası, sərnişin avtonəqliyyat vasitəsinin işçi heyəti üzvlərinin həyat və sağlamlığının sığortası, habelə sərnişinlərin icbari sığortası Azərbaycan qanunvericiliyinə uyğun olaraq müvafiq sığorta müqavilələri əsasında edilib. Sərnişin avtonəqliyyat vasitəsində qanuni əsaslar olmadan gedişi həyata keçirən şəxs ona dəymiş zərərin ödənilməsini sığorta edəndən və ya avtomobil daşıyıcısından tələb edə bilməzdi. Bu tələb də yeni redaksiyada verilib. Bundan sonra avtonəqliyyat vasitəsi sahiblərinin mülki məsuliyyətinin icbari sığortası və sərnişin daşımaları xidmətini həyata keçirən avtonəqliyyat vasitələri ilə daşınan sərnişinlərin (şəhərdaxili və ya qəsəbədaxili daşınan sərnişinlər istisna olmaqla) fərdi qəza sığortası "İcbari sığortalar haqqında" Qanuna, avtonəqliyyat vasitəsinin işçi heyətinin üzvləri əmək funksiyalarının icrası zamanı bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta "İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında" Qanununa uyğun olaraq həyata keçirilməlidir. Bu icbari sığorta növlərinin həyata keçirilməsinin təmin edilməsi avtomobil daşıyıcılarının hüquq və vəzifələri sırasında yer alacaq. İndiyə qədər avtomobil nəqliyyatı ilə sərnişin daşımalarından irəli gələn tələblər üçün iddia müddəti altı ay təşkil edib. Bu müddət şəxsin ona zərər vurulmasını bildiyi və ya bilməli olduğu andan hesablanıb. Pretenziyanın verilməsi iddia müddətinin axınını pretenziyanı almış tərəfin onu təmin etməkdən imtina etməsi barədə müvafiq sənədlər əlavə edilməklə yazılı bildiriş verdiyi günədək dayandırılıb. Pretenziya qismən təmin edildikdə yalnız onun təmin edilməmiş hissəsinə dair iddia müddətinin axını təzələnib. Dəyişikliyə əsasən, "Avtomobil nəqliyyatı ilə sərnişin və baqaj daşınması Qaydaları"nda bu bənd ləğv edilib. Bu proses icbari sığorta ilə bağlı tələblərə əsasən tənzimlənəcək. İndiyə qədər Nəqliyyat Nazirliyi müntəzəm marşrutlar üzrə sərnişin daşımalarında mütəmadi olaraq hərəkət cədvəlindən normativdən artıq kənara çıxmalara yol verdikdə, habelə hərəkət sxeminə riayət etmədikdə tərtib etdiyi akt əsasında daşıyıcıya xəbərdarlıq edə və ya daşınmalardan kənarlaşdıra bilərdi. Bundan sonra daşıyıcı icbari sığorta növlərini həyata keçirmədikdə Nəqliyyat Nazirliyi bu addımları atacaq. Avtomobil nəqliyyatı ilə bağlı edilən dəyişikliklərlə bağlı münasibət bildirən iqtisadçı-ekspert Vüqar Bayramov "Bakı-Xəbər"ə açıqlamasında qeyd etdi ki, sərnişinlərin fərdi qəzadan sığortalanması təcrübəsi inkişaf etmiş dünya ölkələrində mövcuddur. Həmin ölkələrdə ictimai nəqliyyatdan istifadə edən sərnişin sığortalanması əsas tələblərdən biridir: "Sərnişin hansı nəqliyyat növündən istifadə edirsə, həmin şirkət tərəfindən sığortalanmalıdır. Qəza hadisəsi baş verərsə, sərnişin zərər çəkərsə, onun maddi ehtiyacını sığorta şirkəti ödəməlidir. Avtobus sahiblərinin icbari sığortası mühüm məsələdir. Son zamanlar baş verən qəzaların, demək olar ki, əksəriyyəti avtobus sürücüləri tərəfindən törədilir. Sürücülərin və avtobus sahiblərinin icbari sığortası vacibdir". İqtisadçı onu da əlavə etdi ki, digər sahələrdə olduğu kimi, nəqliyyat sahəsinin də sığortaya meyllənməsi müsbət addımdır. Nəqliyyat sektorunda sığorta gündəmə gələrsə, gediş haqqı yüksələcək: "Sahibkarlar sərnişinləri qəzadan sığortalayacaqsa, bu, gediş haqqının artmasına səbəb ola bilər". V.Bayramovun fikrincə, "Avtomobil nəqliyyatı ilə sərnişin və baqaj daşınması Qaydaları"nda dəyişikliklərin edilməsi müsbət qərardır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...