12/12/2019 10:32
728 x 90

O, gəncləri əzir, onlara qul kimi baxır: və ya siyasi hoqqabazın iflasa uğrayan “gənclər siyasəti”

img

Adam zatən komfort həyat tərzinə öyrəşib, özü və övladları zənginlər kimi yaşayır. Və özü də harada? Avropa və ABŞ-da. Tənqid etdiyi hakimiyyətin dövründə bir dəfə də həbsə düşməmiş AXCP sədri hər dəfə deyir ki, partiyada minlərlə gənc var.

Rəqəm sizi güldürəcək. Amma belə deyir, reallıq hissini itirdiyindən. Amma reallığa gələndə, ətrafında olan və hələ də aldadıldıqları, bu siyasi dəllalın onlardan istifadə etdiyini başa düşməmiş gənclərin sayı çox azdır, lap az.

Kərimli XXIi əsrin 19-cu ilinin 11-ci ayında hələ də anlamır ki, onun kimi siyasi dəllallardan fərqli olaraq, Azərbaycan gəncləri sağlam düşüncəni, məntiqi dünyagörüşü, qlobal maarifçiliyi və milli dəyərləri əsas meyarlar kimi qəbul edirlər

Kərimli hələ də başa düşmür ki, Azərbaycan gəncliyi onu çoxdan boykot edib.

Bir dəfə millət vəkili, həmkarımız Hikmət Babaoğlunun bir yazısına rast gəlmişdim. Hikmət müəllim yazırdı:

“Əli Kərimlinin bu gün gəncləri onların özü tərəfindən belə tam dərk edilməyən siyasi aksiyalara təhrik etməsi məhz siyasi məsuliyyətsizlik və demokratik dəyərləri və demokratik sistemi istismar etməkdir. Ona görə ki, demokratik cəmiyyətdə və hüquqi dövlətdə mənəvi - siyasi cinayətləri cəzalandırmaq olduqca çətindir. Əli Kərimli də bunu bildiyi üçün Azərbaycan gəncliyinin siyasi hesiyyəti ilə oynayır və hüquqi dövləti istismar edərək özü məsuliyyətdən yayınır. Öz siyasi məqsədlərinə alət etdiyi gənc isə hüquq tərəfindən cəzalandırılır! Bunun adı siyasət yox, siyasi avantürizmidir! Ona görə də bu gün gəncliyə ən doğru şəkildə yol göstərməklə onları həm qlobal imperializmin öz dövlətinə qarşı düşmənçilik siyasətindən, həm də ölkə daxilindəki Əli Kərimli kimi siyasi aktyorların siyasi avantürasından qorumaq hər bir Azərbaycan ziyalısının, hər bir valideynin, hər bir ictimai-fəal fərdin ümdə vəzifəsidir”.

Əli Kərimlinin yanında indi bir neçə troldan başqa kimsə qalmayıb. Bu siyasi Ostap Benderin tələsinə düşənlər tədricən ondan ayrılmaqdadır. Heç kimə sirr deyil ki, dünənədək Kərimli sosial şəbəkələr vasitəsilə gənclərimizi zəhərləyir, toruna salırdı. O, gənclərə şirnikləndirici vədlər verərək sosial şəbəkələrdə iqtidar gəncləri ilə həmin gənclərin qarşıdurmasını yaradırdı. Söyüş mexanizmi qurmuşdu. Gənclərimiz anlamalı, bilməlidir ki, Əli Kərimli onlardan öz mənafeyi üçün istifadə edir. Niyə ona sual verilmir ki, Əli Kərimlinin öz oğlu hardadı? Haqlı mesajdır: biri Əli Kərimliyə sual verməlidir ki, İngiltərədə yaşayan oğlun ali təhsilini başa vurduğu halda, niyə gəlib öz əsgərlik xidmətini yerinə yetirmir? Qışqıra-qışqıra deyir ki, sizi qələbəyə aparacam. O gəncləri qələbəyə yox, həbsxanalara göndərəcək. Və buna nail olur da.

Çox uzağa getməyək, bir vaxtlar fəal cəbhəçi olmuş Dəyanət Babayevin mətbuata verdiyi açıqlamasına fikir verin: Sitat:

“Hazırkı AXCP rəhbərliyi dəyişməli, gəncləşməlidir. Biz istəyirik ki, AXCP demokratik təşkilat olsun. 20 il bir partiyanın rəhbəri qalmaq olmaz. Buna görə də Əli Kərimli etiraf etməlidir ki, bacarmır və yerini gənclərə verməlidir. Hakimiyyətə gənclərlə bağlı mesajlar göndərməkdənsə, öz partiyasında olanlara baxmalıdır. Əli Kərimli özü gəncləri əzir".

Siyasi fəaliyyətlə məşğul olan hər kəs yaxşı bilir ki, Əli Kərimli qədər Milli Azadlıq hərəkatının lideri Əbülfəz Elçibəyə xəyanət edən ikinci bir adam yoxdur. Bu adam öz ətrafında olan adamlara qul və onunla rəqib olan siyasi şəxslərə düşmən kimi baxır. Əli Kərimli öz şəxsi maraqları üçün istənilən adamı qurban verir.

Bir qədər əvvəl AXCP Nəzarət Təftiş Komissiyasının (NTK) sədri Aydın Əliyevin Kərimliyə qarşı bəyanatı necə, yadınızdadırmı? “O, xaricdən gələn qrantlar hesabına ərəb şeyxləri kimi həyat tərzi sürür. Partiya daxilində diktatura rejimi qurub. Fərqli düşünənləri, onun antidemokratik hərəkətinə etiraz edənləri ən çirkin üsullarla ləkələyib, böhtanlara məruz qoyub partiyadan uzaqlaşdırıb. Əli Kərimli bir siyasi dələduz olaraq bizi aldadıb. Bu gün də gəncləri aldadaraq öz çirkli oyunlarına qurban vermək istəyir”.

Bunu partiya rəhbərliyində olan birisi deyir, gənc dostlarım. Yəni əlavə şərhə də ehtiyac yoxdur.

S.MƏMMƏDLİ

Son xəbərlər