Prezident Volodimir Zelenski, ABŞ prezidenti Donald Trampın administrasiyasının Ukraynaya Rusiyanın neft emalı zavodlarına zərbələri dayandırmayacağı təqdirdə kəşfiyyat məlumatlarının mübadiləsini dayandıra biləcəyi barədə xəbərdarlıq etdiyini təsdiqləyib.
Zelenski qeyd edib ki, o şəxsən belə bir xəbərdarlıq almayıb, lakin bu barədə Ukrayna generallarına məlumat verilib.
Zelenskidən sitat: "Onlar mənə yox, generallarıma dedilər. Amma düzünü desəm, bunun dayandırıla biləcəyi barədə hər hansı bir mesaj aldıqmı? Generallarım mənə, hərbçilər səviyyəsində bu məlumata sahib olduqlarını dedilər. Bunun dayandırıla biləcəyi barədə məlumat var".
Tahir TAĞIYEV
