11/12/2019 23:28
728 x 90

Azərbaycanlı deputat Zoqrab Mnatsakanyanı necə özündən çıxardı... - VİDEO

img

Deputat Asim Mollazadə İsveç beynəlxalq münasibətlər Universitetində təşkil olunan görüşdə Ermənistanın xarici işlər naziri Zoqrab Mnatsakanyanı pis vəziyyətdə qoyub.

Baki-xeber.com-un xəbərinə görə, Asim Mollazadə görüş iştirakçılarına Ermənistanın Azərbaycana təcavüzü və torpqalarımızı onillərdir işğal altında saxlamasından, nəticədə 1 milyondan artıq soydaşımızın qaçqın və məcburi köçkün vəziyyətinə düşməsindən danışıb. Hər zaman dünyaya özünün məzlum obrazını sırımağa çalışan Ermənistanın xarici işlər naziri isə bundan təlaşa düşərək, dərhal ənənəvi erməni həyasızlığını işə salıb və yenidən görüş iştirakçılarının gözünə kül üfürməyə çalışıb. Həyasızcasına “Bakı və Sumqayıt hadisələri”nin azərbaycanlılar tərəfindən törədildiyini, üstəlik Azərbaycanın Marağanı (!), Şaumyan və Martuni rayonlarının bir hissəsini işğal etdiyini iddia edib, bildirib ki, Bakının bugünkü “maksimalist yanaşması ilə sülh mümkün deyil”. Azərbaycanın hərbi ritorika ilə danışmasının da sülhə əngəl olduğunu bildirən erməni nazir yenə də qondarma rejimin danışıqlarda iştirakı məsələsini zəruri saydıqlarını deyib.

Xəbəri erməni saytlarından aldığımızdan Asim Mollazadənin ona hansı cavabı verdiyi və bu cavabın nə dərəcədə uğurlu alındığını deyə bilmərik. Lakin erməni nazirin isterik reaksiyası düşünməyə əsas verir ki, verilən cavab yetərincə sərt olub. Əks təqdirdə Mnatsakanyan qırıq val kimi onillərdir təkrarladıqları cəfəngiyatı yenidən səsləndirməzdi.

Görüşün videosunu təqdim edirik:

SAMİRƏ

Son xəbərlər