15/11/2019 04:41
728 x 90

Ermənilər növbəti yalanlarına “Bellingcat” saytını necə ortaq etdilər...

img

Erməni yalanlarının sərhəd tanımadıqı iki vur iki qədər aşkar bir gerçək olsa da, bu bədnam qonşularımız hər fürsətdə daha ağlasığmaz yalanları ilə bizi təəccübləndirməyi bacarır. 

Məsələ burasındadır ki, uzun illər dünyanı öz çirkin yalanlarına bir şəkildə inandırmağa nail olmuş ermənilər son illərdə Azərbaycanın məqsədyönlü diplomatiyası sayəsində dünyanın gözündəki “pənbə pərdə”nin düşməsini heç cür həzm edə bilmir, daha dərin yalanlara baş vururlar. Maraqlıdır ki, onlar bu yalanlarına bir çox hallarda əsl gerçəklərdən xəbərsiz şəxs və ya şəxsləri, media qurumlarını ortaq etməyi də bacarırlar. Bu dəfə isə erməni yalanının “qurbanı” qismində, təcavüzkar ölkənin lragir.am saytının xəbərinə görə, “Bellingcat” adlı sayt çıxış edib.

Xəbərə görə, guya sayt yazıb ki, bu günlərdə Azərbaycan Ordusu Gürcüstan ərazisinə daxil olaraq 200 ha ərazini zəbt edib! Hətta bildirilir ki, hazırda Gürcüstanın Kvemo-Kartli bölgəsində “hərbi sursatla təchizat baxımından Milli Ordu bölmələrindən heç də geri qalmayan” Sərhəd Qoşunları keşik çəkir. Sayt növbəti feyk xəbərini əsaslandırmaq üçün Azərbaycanla Gürcüstan arasındakı mübahisəli “Keşikçidağ” ərazisini misal göstərir və qeyd edir ki, guya Azərbaycan tərəfi mübahisəli ərazini “özününküləşdirə” bilmədiyi üçün elmi cəhətdən əsaslandırmaları məqsədilə indi də alimləri irəli verib. Üstəlik, erməni saytı daha da irəli gedərək, Prezident Administrasiyasının sabiq rəhbəri Ramiz Mehdiyevin məhz bu səbəbdən Azərbaycan Milli Elmlər Akademiyasının rəhbərliyinə gətirildiyini bildirir. Bu günə qədər bundan daha ağlasığmaz yalan eşitdinizmi? Məgər “Keşikçidağ” Məbəd Kompleksinin bir hissəsinin Azərbaycan ərazisi olduğu gerçəyini isbat etmək bu qədərmi çətindi ki, qosqoca Prezident Administrasiyasının rəhbəri AMEA rəhbərliyinə gətirilsin? Və yaxud həmin işi AMEA rəhbəri olmadan görmək çətin idimi?

Təbii, ermənilər bilməmiş deyil ki, sözügedən ərazi ilə bağlı məsələlər diplomatik qaydada çözüləcək və onlardan fərqli olaraq, Azərbaycan heç bir zaman özünün olmayana iddia etməyib. Özünün olandan isə vaz keçmək niyyəti yoxdur. O üzdən də aranı qatmaq, dost ölkələrlə münasibətlərimizi korlamaq üçün əllərindən gələni etməkdən çəkinmirlər. Lakin bir şeyi unudurlar – erməni təcavüzündən onillərdir əziyyət çəkən Azərbaycanı dünyaya təcavüzkar obrazında təqdim etmək illüziyaları keçməyəcək...

SAMİRƏ

Son xəbərlər