23/11/2019 00:04
728 x 90

Bir türk diplomatı Vaşinqtonda Mlli Şura radikallarından daha artlq Azərbaycan təəssübkeşi olduğunu göstərdi

Elman Nəsirov:“Milli Şura təmsilçiləri Azərbaycanın əleyhinə, ermənilərin isə leyhinə mövqe sərgiləyərkən, türk diplomat əsl vətənpərvərlik nümunəsi ortaya qoydu”

img

“Biz deyəndə ki, radikal müxalifət bir çox hallarda öz davranışı ilə ermənidən çox erməni olmaq istəyir...”

Məlum olduğu kimi, oktyabrın 31-də ABŞ-da “Milli Mətbuat Klubu” adı ilə fəaliyyət göstərən təşkilatda “Azerbaijan: Peaceful protests and torture” adlı tədbir keçirilib. Tədbirdə Milli Şuranın sədri Cəmil Həsənli iştirak və çıxış edib. Ondan başqa panelçilər arasında Amnesty İnternational təşkilatının Avropa və Mərkəzi Asiya üzrə direktoru Daniel Balson, Women Media Watch-Azerbaijan təşkilatının rəhbəri, hazırda ABŞ-da yaşayan jurnalist Sevinc Osmanqızı olub. Tədbirə Amnesty İnternational təşkilatının nümayəndəsi Aleks Raufoğlu moderatorluq edib. Tədbir bəzi maraqlı məqamlarla yadda qalıb. İlk növbədə Azərbaycanı kəskin tənqid edən tədbir iştirakçılarının Türkiyənin ABŞ-dakı səfirliyinin nümayəndəsinin kəskin etirazı ilə qarşılaşmasını qeyd etmək olar. Səfirliyin əməkdaşı Cəmil Həsənlinin və digər iştirakçıların Azərbaycanın torpaqlarının Ermənistan tərəfindən işğal olunması faktına toxunmamasına və Azərbaycanın FETO-ya dəstək verməsi barədə iddialara kəskin etirazını bildirib. O, FETO ilə bağlı ittihamları rədd edərək, Azərbaycanın Türkiyənin yanında olduğunu, ən birinci dəstək göstərənlərdən biri olaraq müvafiq məktəbləri bağladığını qeyd edib və bu dəstəyə görə Azərbaycan hökumətinə təşəkkürünü ifadə edib. Türkiyə diplomatı deyib ki, Azərbaycan üçün əsas təhdid torpaqların Ermənistan tərəfindən işğal olunmasıdır. Bütün bunlar əslində bu gün dövlətlərarası qardaşlıq əməkdaşlığı müstəvisində Türkiyənin diplomatlarının Milli Şura nümayəndələrindən, ümumiyyətlə radikal müxalifətdən Azərbaycan üçün daha vətənpərvər davrandığının nümunəsi deyilmi?

Məsələyə münasibət bildirən millət vəkili Elman Nəsirovun sözlərinə görə, sözügedən hadisə türk diplomatın radikal müxalifət təmsilçilərindən daha vətənpərvər olduğunu ortaya qoydu: “Biz deyəndə ki, radikal müxalifət, Milli Şura, AXCP bir çox hallarda öz davranışı ilə ermənidən çox erməni olmaq istəyir, bizi qərəzli mövqe sərgiləməkdə ittiham edirlər. Belə olan halda Vaşinqtonda son yaşananlara nə ad verəsən? Vaşinqtonda Milli Şura anti-Azərbaycan toplantı keçirir, eyni vaxtda separatçı rejimin qondarma “xarici işlər naziri” ölkəmizin əleyhinə eyni məzmunlu kampaniya aparır. Hesab edirəm ki, bu sinxron fəaliyyətin özü də bir sıra mətləblərdən xəbər verir. Milli Şura təmsilçiləri Azərbaycanın əleyhinə, ermənilərin isə lehinə mövqe sərgiləyərkən, türk diplomat əsl vətənpərvərlik nümunəsi ortaya qoydu. Azərbaycan-Türkiyə dostluq və qardaşlıq münasibətlərinin ruhundan irəli gələn mövqe sərgilədi. Haqlı olaraq bildirib ki, daxili məsələləri qabardıb Azərbaycanı ləkələmək olmaz. Bizim daha ciddi problemlərimiz var. O da torpaqlarımızın bir hissəsinin erməni işğalı altında olması ilə bağlıdır. Gəlin bundan danışaq. Ona görə də Türkiyəni təmsil edən diplomat bununla əsl dostluq nümunəsi ortaya qoyub. Təəssüf ki, satqın radikal müxalifət davranışı ilə ermənipərəst mövqe sərgiləyib. Bütün bunları xalq görür və radikal müxalifətin hansı xislətə malik olduğunu bir daha dərk edir. Bu onu göstərir ki, radikal müxalifətlə ermənilər arasında əqidə birliyi var”.

Vidadi ORDAHALLI

Son xəbərlər