“Dövlətimiz Qoşulmama Hərəkatına üzv dövlətlərin rəhbərlərinin zirvə görüşünün Bakıda keçirilməsi ərəfəsində ilk dəfə olaraq Qoşulmama Hərəkatının Gənclər Sammitinin keçirilməsi təşəbbüsü ilə çıxış etdi”
Bir sıra beynəlxalq tədbirlərə ev sahibliyi edən Azərbaycan bu sahədə böyük təcrübəyə malikdir. Məlum olduğu kimi, oktyabrın 25-də Bakıda Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşü öz işinə başlayıb. “Bandunq Prinsiplərini rəhbər tutmaqla müasir dünyanın çağırışlarına birgə və adekvat cavab verilməsini təmin etmək” mövzusunda keçirilən XVIII Zirvə Görüşündə 60-a yaxın ölkənin dövlət və hökumət başçıları, həmçinin beynəlxalq təşkilatların rəhbərləri iştirak edir. Ümumilikdə, Zirvə Görüşünə 160-a yaxın ölkənin və beynəlxalq təşkilatın nümayəndələri qatılıb.
Qeyd edək ki, Azərbaycan növbəti üç ildə Qoşulmama Hərəkatına sədrlik edəcək. Tədbirdə çıxış edən Prezident İlham Əliyev bir sıra vacib məsələlərə toxunub, eyni zamanda da Azərbaycanın Qoşulmama Hərəkatına üzv olan dövlətlərin vətəndaşlarına ölkəmizin ali məktəbləridə təhsil almaq məqsədilə təaüdlər verildiyini qeyd edib:”Azərbaycan 2018-ci ildən etibarən Qoşulmama Hərəkatına üzv dövlətlərin vətəndaşlarına ölkəmizin ali məktəblərində təhsil almaq məqsədilə tam ödənişli təqaüdlər verir. Bu gün 31 üzv dövlətdən 37 gənc bu proqramdan faydalanır. Azərbaycanda gənclər siyasəti prioritet sahə kimi müəyyən edilmişdir. Azərbaycan gəncləri milli ruhda, ənənəvi dəyərlərlə, Vətənə bağlı və vətənpərvər ruhda tərbiyə alırlar. Buna görədir ki, Qoşulmama Hərəkatı tarixində ilk dəfə olaraq Gənclər Sammitinin keçirilməsi təşəbbüsü ilə çıxış etmişik. Hazırkı Zirvə Görüşü ərəfəsində keçirilmiş Gənclər Sammitində 40 dövlətdən ölkəmizə gəlmiş gənclər iştirak etmişlər”.
Gənc Alim, Aspirant və Magistrlər Cəmiyyətinin sədri, Təhsil Nazirliyi yanında İctimai Şuranın məsul katibi, fizika-riyaziyyat üzrə fəlsəfə doktoru İlqar Orucov baki-xeber.com-a bildirdi ki, bu, Azərbaycanın yüksək iqtisadi, mədəni inkişafının və dövlətimizin həmin ölkələrə dəstəyinin təzahürüdür. İ.Orucovun sözlərinə görə, Azərbaycan üzv olduğu bütün qurum və təşkilatlara hər zaman öz dəstəyini göstərir. “Azərbaycan dövlətinin Qoşulmama Hərəkatına üzv dövlətlərin ölkəmizin ali məktəblərində təhsil alan vətəndaşlarına təqüdlər verməsi bütövlükdə Azərbaycanın ali təhsilinin inkişafı və dünyada tanındılması baxımından olduqca əhəmiyyətlidir. Qoşulmama Hərəkatına üzv dövlərindən olan 37 tələbəyə Azərbaycanın təqaüd verməsi çox müsbət bir haldır və bu, ölkəmizin həmin dövlətlərə dəstəyinin təzahürüdür. Tədbirdə cənab Prezident ölkəmizin gənclər siyasətilə bağlı çox mükəmməl fikirlər ortaya qoydu. O qeyd etdi ki, müasir dünyada gedən qloballaşma trendləri milli dəyərlərin sıradan çıxmasına gətirib çıxarır, Azərbaycanda həyata keçirilən gənclər siyasəti olduqca pioritetdir. Bu siyasətin başlıca istiqamətlərindən biri Azərbaycan gənclərinin milli ruhda tərbiyə almasıdır. Düşünürəm ki, hər bir dövlətin gənclərinin milli ruhda tərbiyə alması vacibdir, hər bir xalqın milli identikliyinin itməməsi, milli dəyərlərə bağlı gəncliyin inkişafı gərəkliidr. Bu baxımdan da, Azərbaycanda gənclər siyasəti sahəsində həyata keçirilən, eyni zamanda da Qoşulmama Hərəkatına üzv olan dövlətlərin özləri üçün də bir mükəmməl modeldir. Təsadüfi deyil ki, dövlətimiz Qoşulmama Hərəkatına üzv olan dövlətlərin rəhbərlərinin zirvə görüşünün Bakıda keçirilməsi ərəfəsində ilk dəfə olaraq Qoşulama Hərəkatının Gənclərinin Sammitinin keçirilməsi təşəbbüsü ilə çıxış etdi. Bu sammit Bakıda keçiridli. Keçirilən zirvə görüşü sammitində 40 dövlətdən ölkəmizə gələn gənclər iştirak etdilər, onlar bir platformada birləşdilər. Nəzərə alaq ki, Qoşulmama Hərəkatı dünyada Birləşmiş Millətlər Təşkilatından sonra dövlət başçılarını bir araya gətirən ikinci ən böyük platformadır. Bu platforma çərçivəsində ilk dəfə Bakıda keçirilən sammitdə məhz gənclər üçün belə bir imkanın yaradılması, gənclər sammitinin keçirilməsi Azərbaycan Prezidentinin gənclərə münasibətinin göstəricisidir. İndiyə qədər bu görüşlər çox ölkələrdə keçirilib, burada müxtəlif mövzular diskussiya predmeti olub. Amma ilk dəfə olaraq Qoşulmama Hərəkatına üzv dövlətlərin XVIII zirvə görüşündə gənclər sammiti keçirilib”.
İ.Orucovun sözlərinə görə, bu da birbaşa ölkə başçısının gənclərə verdiyi önəmlə bağlıdır. Ölkə başçımızın gənclərə çox böyük önəm verdiyini zirvə görüşündə də bir daha bəyan etdiyini deyən İ.Orucovun bildirdiyinə görə, Qoşulmama Hərəkatına üzv dövlətlərin vətəndaşları olan tələbələrin Azərbaycanda təhsil alması üçün şərait yaradılması və onlara təqaüd verilməsi də bunun təzahürüdür. “Əlbəttə, Qoşulmama Hərəkatına üzv dövlətlərin vətəndaşı olan gənclərin Azərbaycanda ali təhsil alması, onlara təqaüd verilməsi dövlətimizin inkişafının, o dövlətlərə dəstəyinin nəticəsi olmaqla yanaşı, həm də Azərbaycanın beynəlxalq aləmdə müsbət imicini formalaşdıran amillərdən biridir”-deyə İ.Orucov vurğuladı.
İradə SARIYEVA
