22/11/2019 19:29
728 x 90

“Xaos müxalifəti: Kərimli və onun çağırışına qoşulanlar məsuliyyətə cəlb olunacaq

img

Son günlər sosial şəbəkələr üzərindən özünü Demokratik Qüvvələrin Milli Şurası adlandıran quruma daxil olan partiya və birliklər, eləcə də özünü Azərbaycan Xalq Cəbhəsi Partiyasının sədri kimi təqdim edən Əli Kərimli, həmin qurumun rəhbərliyində təmsil olunan şəxslər, habelə əvvəllər müxtəlif cinayətlər törətməklə saxta yollarla xarici ölkələrdə sığınacaq almış sosial şəbəkə istifadəçiləri tərəfindən oktyabrın 19-da “Sərbəst toplaşmaq azadlığı haqqında” Azərbaycan Respublikası Qanununun tələblərinə zidd olaraq Bakı metropoliteninin “28 May” stansiyasının önündə qanunsuz aksiya keçirilməsinə çağırışlar edilib.

Əslində, Milli Şuranın oktyabrın 19-da mitinq keçirilməsi ilə bağlı müraciətinə Bakı Şəhər İcra Hakimiyyəti tərəfindən baxılıb və təmin edilib. Söhbət Lökbatan qəsəbəsi, 28 May küçəsi, “Neftçi” idman klubunun idman bazasından gedir. Amma Kərimli yenə təxribat məqsədilə adı gedən metrostansiya qarşısında qanunsuz aksiya keçirəcəklərini bəyan edib.

Bu arada, Daxili İşlər Nazirliyi və Baş Prokurorluq bəyan edib ki, qanunsuz kütləvi aksiyaya çağırış edən AXCP rəhbərliyi, həmin aksiyanın təşkilatçıları və iştirakçıları tərəfindən Bakı şəhər İcra Hakimiyyətinin təklif etdiyi yerdən kənar ictimai qaydanı pozmaqda və hakimiyyət nümayəndələrinin qanuni tələblərinə tabe olmamaqda ifadə olunan, əhalinin rahatlığını, müəssisə, idarə və təşkilatların normal fəaliyyətini və nəqliyyatın işini pozan qanunsuz hərəkətlərə yol veriləcəyi təqdirdə bütün məsuliyyət onların üzərinə düşəcək.

Sərbəst toplaşma haqqında qanuna görə, kütləvi aksiya keçirilirsə, onun təhlükəsizliyini təmin etməklə bağlı müvafiq orqanlara müraciət etmək tələb olunur və müraciətə cavab verilir.

İndiki halda insanları icazəsiz mitinqə səsləmək çox ciddi xoşagəlməz proseslərə gətirib çıxara bilər. Söhbət 3 milyon insanın yaşadığı paytaxtdan, daha dəqiqi, onun mərkəzindən gedir.

Söhbət təkcə mitinqçilərin yox, mitinq təyin olunan yerdə çalışan, oradan təsadüfən keçən insanların təhlükəsizliyindən gedir həm də. Əhalinin təhlükəsizliyi təmin olunmalıdır, nəqliyyatın hərəkətinə maneə törədilməməlidir. Necə deyərlər, bir konstitusion hüququn həyata keçirilməsi digər konstitusion hüququn həyata keçirilməsinə mane olmamalıdır. Aksiya qanunvericiliyin tələblərinə uyğun olmalıdır. Əks halda müvafiq olaraq məsuliyyət yaradacaq. Nəticədə belə bir təşəbbüslə çıxış edən Əli Kərimli və onun qanunsuz çağırışına qoşulanlar məsuliyyətə cəlb olunacaq.

Və nəhayət, niyə məhz “28 may”. Məqsəd aydındır, insanların kütləvi olduğu yerlərdə şüar qışqırmaqla diqqət cəlb etmək istəyir, yoldan keçən adamları da özlərinin sıralarına saymaq istəyirlər.

“Mən hesab etmirəm ki, Lökbatan uzaqdır. Xüsusilə qeyd etmək istəyirəm ki, biz YAP olaraq vaxtı ilə həmin stadionda mitinqlər keçirmişik”.

Bu sözləri isə Baş nazirin müavini, hakim Yeni Azərbaycan Partiyası (YAP) sədrinin müavini-icra katibi Əli Əhmədov AXCP və Milli Şuranın hələ oktyabrın 8-də Bakı Şəhər İcra Hakimiyyətinin qarşısında planlaşdırdığı aksiyaya münasibət bildirərkən demişdi. Və onu da qeyd etmişdi ki, icazəsiz hər hansı hərəkətə yol vermək olmaz. “Lökbatan Bakı şəhərinə daxildir. Yəqin ki, bunu özləri də bilirlər. Sadəcə, onlar mitinqi insanların kütləvi olduğu yerdə keçirmək, bununla da özlərinin sosial bazalarının guya çox olduğunu göstərmək istəyirlər. Mitinq keçirmək üçün ən yaxşı yer stadion olar... Nə qədər adamları var, Lökbatana stadiona dəvət etsinlər, mitinqlərini keçirsinlər”.

Hə, sadə və dəmir məntiq. Amma Kərimli mahiyyəti ilə məntiqdən uzaq adamdır. Adam radikal müxalifət statusunu, “ xaos müxalifəti”ylə əvəzləmək istəyir. Amma unudur, burası Suriya deyil, burası Azərbaycan!

S.MƏMMƏDLİ

Son xəbərlər