Məlum olduğu kimi, Azərbaycan Prezidenti İlham Əliyev rusiyalı həmkarı Vladimir Putinlə "Valday" Beynəlxalq Diskussiya Klubunun 16-cı toplantısı çərçivəsində görüşüb. Görüşdə iki ölkə arasında münasibətlər və iqtisadi perspektivlər müzakirə olunub. Rusiya prezidenti bəyan edib ki, iki ölkə arasında münasibətlər uğurla inkişaf edir: “Bizim şəxsi əlaqələrimizdə fasiləyə baxmayaraq, ölkələrimiz arasında münasibətlər uğurla inkişaf edir. Ticari-iqtisadi əlaqələr möhkəmlənir, ölkələr arasında ticarət dövriyyəsi ötən il 2,5 milyard dollar olub”.
Rusiya prezidentinin fikrincə, bu istiqamətdə ölkələrin çox yaxşı perspektivləri var: “Müəllifi Azərbaycan prezidenti olan planları nəzərdə tuturam. Biz isə bu konkret böyük layihələrin reallaşması üçün bizdən asılı olan hər şeyi edirik”. O vurğulayıb ki, bu layihələrin üzərində ikitərəfli hökumətlərarası komissiya da işləyir: “Digər istiqamətlər üzrə münasibətlərimizin necə inkişaf etməsinə dair informasiya mübadiləsi aparmağımıza ehtiyac var”. Görünən odur ki, Putin təşəbbüskarı İlham Əliyevin olduğu layihələrə xüsusi işarə vurub.
“Rusiya bu layihələrin perspektivli və səmərəli olacağının fərqində olduğu üçün səylərini əsirgəmir”
Vidadi ORDAHALLI
