16/10/2019 14:15
728 x 90

Azərbaycanın neft gəlirlərinin bundan səmərəli xərclənmə variantları var idimi...

“Əgər neftdən gələn gəlirlərin daha başqa istiqamətlərə yönəldilməsinə ehtiyac olacaqsa, buna zərirət yaranacaqsa, bu da, təbii ki, öz həllini tapacaq, hazırda isə neftdən gələn gəlirləri dövlət daha vacib istiqamətlətə yönəldir”

img

“Bu gün sadə bir azərbaycanlı ailəsinin sosial rifah halının yüksəlməsi, yeni məktəblər, xəstəxanalar, kəndlər, yaşayış yerləri salınması, kəndlərin, qəsəbələrin, şəhərlərinin simasının dəyişməsi, inkişaf etməsi neft gəlirlərinin düzgün istiqamətdə xərcləndiyini təsdiqləyir”

“Neftdən gələn gəlirlərin düzgün istiqamətdə xərclənməsi göstərdi ki, bəli, bu vəsait Azərbaycanın yalnız milli maraqlarına, insan resurslarına, insanın əqli mülkiyyətinin inkişafına xərclənib”

Azərbaycan dövlətinin və xalqının həyatını müsbət istiqamətdə kökündən dəyişən “Əsrin müqaviləsi”nin imzalanmasından 25 il ötdü. Məlum olduğu kimi, “Əsrin müqaviləsinin” 25 illiyinə və Neftçilər gününə həsr edilən tədbirdə Prezident İlham Əliyev çıxış edərək, “Əsrin kontraktı”nın icrasının uğurlu nəticələrindən danışıb. Ölkə başçısı qeyd edib ki, neftdən əldə edilmiş gəlirlər ölkəmizin sürətli inkişafına şərait yaratdı, ümumi inkişafımıza sərmayə kimi qoyuldu, sosial məsələlərin həlli üçün şərait yaratdı, ölkəmizin beynəlxalq mövqelərinin möhkəmləndirilməsi üçün imkan yaratdı. Prezident İlham Əliyev eyni zamanda bildirib ki, müasirləşən şəhərlər, abadlaşan kəndlər, ölkədə gedən quruculuq, abadlıq - bütün bunların təməlində bizim neft sənayemiz dayanır. Bundan başqa, neftdən gələn gəlirlər hesabıba məcburi köçkünlər üçün yüzdən çox şəhərcik salınıb, çadır şəhərcikləri 2007-ci ildə ləğv olunub, yüz minlərlə köçkünə yeni evlər verilib, yeni mənzillər təqdim edilib, şəhid ailələrinə, müharibə veteranlarına güzəştlər, müavinətlər, mənzillər, minik avtomobilləri verilib, sosial infrastruktur tamamilə yenidən quruldu, 3200-dən çox məktəb, 640-dan çox xəstəxana tikildi və təmir olundu, idman qurğuları inşa edildi, Azərbaycan kosmik dövlətə çevrildi. Bizim 3 peykimiz var və s.

Əlbəttə, Prezidentin qeyd etdiyi kimi, bütün bunlar Azərbaycan neftindən əldə edilən gəlir hesabına baş verib. Sözsüz ki, bu da neftdən gələn gəlirlərin səmərəli və ünvanlı xərcləndiyi deməkdir.

Bəzən müəyyən neft gəlirlərinin xərclənməsi istiqamətlərini tənqid edənlər də tapılır, onlar qeyd edirlər ki, neft gəlirləri başqa yerlərə yönəldilməliydi və s. Ölkə başçısının neftdən gələn gəlirlərin xərcləndiyi istiqamətləri konkret olaraq açıqladığı məlumdur. Bu halda müəyyən insanlar neft gəlirləri ilə bağlı bəzi təftişçi mövqe sərgiləməyə cəhd edirlər.

Azərbaycanın neft gəlirlərinin bundan səmərəli xərclənmə variantları var idimi?

“Səs” qəzeti və eyni adlı informasiya agentliyinin rəhbəri Bəhruz Quliyev baki-xeber.com-a bildirdi ki, Azərbaycan neftindən gələn gəlirlər tam olaraq vacib istiqamətlərə xərclənib. B.Quliyevin sözlərinə görə, 1993-cü ildə Heydər Əliyev hakimiyyətə gəldikdən sonra neft istehsalı və neft sənayesinin inkişafı baş verdi və ölkəmizdə neft strategiyası həyata keçirildi. “Neftdən gələn gəlirlərin düzgün istiqamətdə xərclənməsi göstərdi ki, bəli, bu vəsait Azərbaycanın yalnız milli maraqlarına, insan resurslarına, insanın əqli mülkiyyətinin inkişafına xərclənib. Cənab Preizdent qeyd etdi ki, bizim həyata keçirdiyimiz siyasətin əsasında vətəndaş amili dayanır. Çıxışlarından birində isə demişdi ki, bizim məqsədimiz qara qızıldan gələn gəlirlərin insan kapitalına çevrilməsidir. Baxın, cənab Prezident də çıxışlarında qeyd edir, ekspertlər də, iqtisadçılar da sosioloqlar da bildirirlər ki, həqiqətən də neftdən gələn gəlirlər səmərəli şəkildə xərclənib. Neft xalqın, dövlətin sərvətidir və bu sərvətdən məharətlə istifadə olunur, eyni zamanda Azərbaycanın vətəndaşı da dövlətin sərvətidir. Bu iki sərvət bir-birini tamamlamalıdır. Neftdən gələn gəlirlər qeyri-neft sektoruna, turizmə, idmanın inkişafına, idman qurğularına, idman arenalarının inşasına yönəldildi. Bu gün 25-26 yaşlı gənc idmançı Azərbaycanı böyük nüfuzlu yarışlarda təmsil edə bilirsə, uğur qazanırsa bu neftdən gələn gəlirlərin düzgün xərclənməsi deməkdir. Bu gün əgər Azərbaycan əqli məhsullar inkişaf edib dünyaya ixrac edirsə bu bizim uğurumuzdur. “ASAN” Xidmət və digər təsisatlar var ki, Azərbaycan onları bir model kimi dünyaya ixrac edir. Bu da Azərbaycanın neftdən gələn gəlirləri düzgün istiqamətə yönəltməsidir. Sözümün canı odur ki, neftdən gələn gəlirlərin həm mənəvi, həm iqtisadi, həm sosial, həm insan resurslarına, həm də digər sahələrə yönəldilməsi  onu göstərir ki, bəli, Azərbaycan bu istiqmaətdə düzgün yol tutub. Bu gün “Əsrin müqaviləsi” Azərbaycanın beynəlxalq nüfuzuna müsbət təsir göstərir. Təkcə 1994-cü ildən, yəni “Əsrin müqaviləsi” bağlandığı dövrdən bu müqavilə ilə dünyaya yenidən təsdiq olundu ki, Azərbaycan de-yure, de-fakto müstəqildir. Yəni onun hüquqi müstəqilliyi ilə yanaşı əsas müstəqilliyi də var. “Əsrin müqaviləsi”nin imzalanması bir daha Azərbaycanın beynəlxalq imicinin formalaşdırılmasına xidmət etdi, Azərbaycan sabit, təhlükəsiz dövlət kimi investorların cəlb edilməsinə nail oldu, xarici investorlar Azərbaycana sərmayə qoydular. Azərbaycan müxtəlif danışıqlarda masa ətrafında əyləşəndə, beynəlxalq tədbirlərdə iştirak edəndə ona nüfuzlu neft ölkəsi kimi yanaşılır, tərəfdaş kimi baxılır. Bu gün Azərbaycan Qafqazda ən möhtəşəm dövlətlərdən biridir ki, dünya miqyaslı iri layihələrdə tərəf kimi çıxış edir. Həyata keçirilən transmilli layihələrin birbaşa təşəbbüskarı və təşkilatçısı Azərbaycandır. “Bakı-Tiflis-Ceyhan”, “Cənub Qaz dəhlizi” və başqa dünya əhəmiyyətli layihələrə Azərbaycan uğurla ev sahibliyi, təşkilatçılıq, təşəbbüskarlıq edirsə bu da neftdən gələn gəlirlərin düzgün istiqamətdə xərclənməsi deməkdir”.

Bu gün Azərbaycan neftinin Azərbaycan vətəndaşının sosial rifah halının yüksəlməsinə xidmət etdiyini qeyd edən B.Quliyevin sözlərinə görə, hər bir vətəndaş neftdən gələn gəlirin faydasını görə bilir. Hazırda Azərbaycan idmançısının, Azərbaycan məktəblisinin, sadə vətəndaşının sosial rifahının yüksəlməsi onu deməyə əsas verir ki, neft gəlirləri düzgün istiqamətə yönəldilib:”Bu gün sadə bir azərbaycanlı ailəsinin sosial rifah halının yüksəlməsi, yeni məktəblər, xəstəxanalar, kəndlər, yaşayış yerləri salınması, kəndlərin, qəsəbələrin, şəhərlərinin simasının dəyişməsi, inkişaf etməsi neft gəlirlərinin düzgün istiqamətdə xərcləndiyini təsdiqləyir. Azərbaycan ailəsinin sosial rifahı yaxşılaşırsa və o bunu öz həyatında hiss edirsə bu neftdən gələn gəlirlərin insanların həyatının, rifahının inkişafına yönəlməsidir.

Bəziləri iddia edir ki, neftdən gələn gəlirlər daha başqa istiqamətlərə xərclənsəydi daha səmərəli olardı. Onlar “başqa istiqamətlər” deyəndə nəyi nəzərdə tuturlar, bilmirəm. Ancaq dövlətin strateji xətti, məqsədi, pioritet isrtiqaməti aydındır. Cənab prezident dəfələrlə çıxışlarında qeyd edib ki, neftdən gələn gəlirlərimiz inkişafa, milli maraqlara, insan resurslarına, vətəndaşın sosial-iqtisadi inkişafına xidmət edir. Bu da bu gün özünü göstərməkdədir. “Əgər neftdən gələn gəlirlərin daha başqa istiqamətlərə yönəldilməsinə ehtiyac olacaqsa, buna zərirət yaranacaqsa, bu da, təbii ki, öz həllini tapacaq, hazırda isə neftdən gələn gəlirləri dövlət daha vacib istiqamətlətə yönəldir. Bilirsiz ki, dünya inkişaf edir, modern tələblər müasirləşmə, modernləşmə, yeniliklər kimi məsələləri özündə ehtiva edir. Azərbaycan dövlətinin hədəfi yeniləşmək, dünyaya inteqrasiya etməkdir. Hesab edirəm ki, zərurət yaranarsa, neftdən gələn gəlirlər bu istiqamətə də yönəldiləcək. Fikrimcə, Azərbaycanın neft siyasəti düzgün siyasətdir. Cənab Prezidentin apardığı çox uğurlu siyasət sözün əsl mənasında Azərbaycanın milli maraqlarına, Azərbaycan vətəndaşının inkişafına yönəldilib. Dövlətin ən əsas vəzifəsi onun sərvətini-vətəndaşını qorumaqdır ki, dövlətimiz də neft gəlirlərini bu istiqamətə, onun sosial-iqtisadi və intellektual inkişafına yönəldib”-deyə B.Quliyev bildirdi.

İradə SARIYEVA

Son xəbərlər