Beynəlxalq kəşfiyyat qurumu İrəvandakı toqquşmaları Sarkisyanın dinc Qarabağ həllinə hazır olmaması ilə bağladı

Tarix: 03.08.2016 / 03:23
Bölmə: Gündəm

Ermənistanda silahlı qiyam sona çatdı. Şounu xatırladan həmin hadisədən sonra Sarkisyan fürsətdən istifadə edərək, Qarabağla bağlı özü üçün önəmli sayılan mesajlar verdi. Hətta bir qədər də dərinə gedərək, Qarabağın heç vaxt Azərbaycana verilməyəcəyini açıq mətnlə bəyan etdi.

ABŞ kəşfiyyatının "kölgəsi" sayılan "Stratfor" bu xüsusda qeyd edir ki, Sarkisyan çıxılmaz vəziyyətdədir: "Silahlı qrup Sarkisyana qarşı çıxmasının səbəblərindən biri kimi aprel məğlubiyyətini göstərir. Eyni zamanda, ölkədə hökumətə qarşı narazılıq insanların qrupun ətrafında toplanmasına səbəb olub. Bu isə Dağlıq Qarabağ ətrafındakı prosesə mane ola biləcək amildir. Aprel toqquşmasından sonra Rusiya və Qərb Qarabağ münaqişəsinin həlli yollarını intensiv şəkildə axtarır. Aprel müharibəsi də danışıqları dalandan çıxarmaq, həmçinin, danışıqlarda qeyri-konstruktiv mövqe sərgiləyən Ermənistana təzyiq etmək məqsədi daşıyırdı və görünən odur ki, buna nail olundu. Lakin başlanan danışıqlar Ermənistanda hökumətin mövqelərini alt-üst etdi. Bəzi ermənilər hesab edir ki, Sarkisyan Qarabağda daha genişmiqyaslı müharibənin qarşısını almaq üçün əraziləri qaytaracaq. Bu isə onun hakimiyyəti ilə vidalaşmasına səbəb ola bilər. Belə ki, Levon Ter-Petrosyanın münaqişə ilə bağlı razılığa gəlmək istəyi onu 1998-ci ildə postundan uzaqlaşdırmışdı. Qərbdən Ermənistana təzyiq olunanda bu silahlı qrup peyda oldu. Hakimiyyətin problemi sülh yolu ilə həll edə bilməməsi əhalinin küçələrə çıxaraq etiraz etməsinə səbəb oldu".

"Stratfor"un bu yanaşmasından hansı nəticələr çıxarmaq olar?

Azərbaycan Sosialist Partiyasının sədri Elşən Həsənov qəzetimizə bildirdi ki, "Stratfor" bu məsələyə təsadüfən diqqət yetirmir: "Onlar dəqiq hesablayır ki, Sarkisyan xalq arasındakı nüfuzunu itirib. Məhz bu səbəbdən də yaranan kiçik insidentə kütləvi etirazla cavab verildi.

Sarkisyanın Dağlıq Qarabağda olan hərbi qüvvələri İrəvana gətirməsi onu sübut edir ki, o, ölkəsində olan hərbi qüvvələrə, polisə güvənmir və onların hər an ona qarşı çevriləcəyini başa düşür.

Bu, eyni zamanda, Ermənistanda ordu ilə xalq arasında hər hansı bağlılığın olmadığını və bütövlükdə Ermənistan cəmiyyətinin Sarkisyana güvənmədiyini sübuta yetirir.

Bu kifayət qədər ciddi siqnaldır. Lakin yeni hadisə deyil. Çünki vaxtilə Sarkisyan hakimiyyəti zorla mənimsəyən və dinc insanları qətlə yetirən zaman da onu müdafiə etmək üçün qüvvələr məhz Dağlıq Qarabağdan gətirilmişdi.

Ümumiyyətlə, düşmən ölkə rəhbərinin fəaliyyəti boyu Dağlıq Qarabağdakı işğalçı qüvvələrdən - separatçılardan istifadə etdiyi heç kimə sirr deyil.

Son baş verənlər isə Ermənistan cəmiyyətində deqradasiyanın son həddinin yaşandığını göstərir".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...