ABŞ Dövlət Departamenti Azərbaycanda maliyyə şəffaflığına daha bir qiymət verdi

Tarix: 03.08.2016 / 03:17
Bölmə: Gündəm

Aydın Hüseynov: "Bütün bunlar, öz növbəsində, ölkədə maliyyə şəffaflığının təmin olunması istiqamətində müsbət nəticəsini verir"

"Maliyyə şəffaflığının qorunmasında Maliyyə Nazirliyinin də rolu böyükdür"

ABŞ Dövlət Departamenti 2016-cı il üçün Maliyyə Şəffaflığı Hesabatını açıqlayıb. ABŞ-ın Azərbaycandakı Səfirliyindən mətbuata bildiriblər ki, hesabatda Azərbaycanın büdcəsinə dair məlumatlar və həmçinin, təbii sərvətlərin işlənməsi üçün dövlət müqavilələrinin və lisenziyaların verilməsi prosesləri əksini tapıb.

Hesabatda Azərbaycanın maliyyə şəffaflığının təminatı istiqamətində etdiyi mühüm irəliləyişlər qeyd edilir və ABŞ hökumətinin Azərbaycanın sözügedən sahədə etdiyi səylərə yüksək qiymət verdiyi vurğulanır. Sənəddə bildirilir ki, maliyyə şəffaflığı vətəndaşlara büdcə barədə məlumat verərək hökumətin məsuliyyətinə və daha fəal ictimai müzakirələrin gücləndirilməsinə təkan verir: "İctimai maliyyə idarəçiliyinin vacib bir elementi olan maliyyə şəffaflığı bazarda etimadın gücləndirilməsi və iqtisadi davamlılığın möhkəmlənməsində vacib rol oynayır.

Hesabat ilində Hesablama Palatası tərəfindən hazırlanmış rəy hesabatlarında planlaşdırılan xərclər, o cümlədən dövlət müəssisələrinə ayırmalar haqqında müfəssəl məlumatlar dərc etməklə Azərbaycan əhəmiyyətli tərəqqi əldə edib.

Hesabat müddətində büdcə sənədləri ictimaiyyətə təqdim olunub və burada hökumətin gəlirləri, o cümlədən təbii sərvətlərdən daxil olan gəlirlər haqqında əhəmiyyətli dərəcədə dolğun məlumat öz əksini tapıb. Büdcə sənədlərində dövlət müəssisələrinə ayırmaların və yaxud bu müəssisələrin gəlirlərinin tam olaraq təfsilatı ilə təqdim olunmamağına baxmayaraq, Azərbaycanın ali yoxlama qurumu olan Hesablama Palatası dövlət müəssisələrinə ayırmalar haqqında daha ətraflı məlumatı dərc etməyə başlayıb. Bütün dövlət müəssisələrinin audit yoxlamasından keçmiş hesabatları internet vasitəsilə geniş ictimaiyyətə təqdim olunub".

Ümumən bu hesabat necə dəyərləndirilir?

Sözügedən məsələ ilə bağlı fikirlərini "Bakı-Xəbər"lə bölüşən millət vəkili Aydın Hüseynovun sözlərinə görə, ABŞ Dövlət Departamentinin Azərbaycandaki maliyyə şəffaflığı ilə bağlı hesabatının əsası var: "Əsası odur ki, cənab Prezident İlham Əliyev xüsusi olaraq 2016-cı ili iqtisadiyyatda dönüş ili adlandırdı. Eyni zamanda, Prezidentin tapşırığına əsasən, sahibkarlıq sahəsində yersiz yoxlamalar aradan qaldırıldı. Ölkədə maliyyə təminatının daha da gücləndirilməsi üçün bir sıra mütərəqqi qanunlar qəbul olundu. Qanunvericilikdə təkmilləşdirmə işləri aparıldı. Bu isə ölkədə biznes mühitinin, sahibkarlığın inkişafı üçün yeni bir təkan demək idi. Bununla yanaşı, Prezident hər zaman korrupsiyaya qarşı kəskin mübarizə aparılması ilə bağlı mövqeyini bildirir. Bütün bunlar, öz növbəsində, ölkədə maliyyə şəffaflığının təmin olunması istiqamətində müsbət nəticəsini verir. Bu sahədə bütün maliyyə qurumlarının, maliyyə sferasını əhatə edən mərkəzi icra orqanlarının da fəaliyyətini müsbət qiymətləndirməliyik. Maliyyə şəffaflığının qorunmasında Maliyyə Nazirliyinin də rolu böyükdür.

Büdcənin səmərəli formalaşdırılması, xərclərin şəffaflığının təmin olunması mühüm faktordur. Bütün bunlar ölkə iqtisadiyyatının səmərəli idarə olunması ilə yanaşı, həm də birbaşa Azərbaycan vətəndaşlarının maraqlarının qorunması deməkdir".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...