Avropada müsəlman miqrantların yeni təqib dövrü başladı

Tarix: 30.07.2016 / 01:27
Bölmə: Gündəm

Dünyanın üzləşdiyi miqrant problemi Qərb ölkələrində özünü daha qabarıq büruzə verir. Bu fonda diqqət çəkən məqamlardan biri isə Avropada miqrantlara, xüsusən də müsəlmanlara qarşı ayrıseçkilik siyasətinin getdikcə daha geniş vüsət almasıdır. Belə görünür ki, Avropa daha çox müsəlman miqrantın Qərb dünyasına üz tutmasından narahatdır və bu fonda onlara qarşı ayrıseçkiliyi nəzərdə tutan çağırışlar da artır.

Hələlik isə savaş və ziddiyyətlər üzündən öz yerlərindən didərgin düşənlərin sayı artır. BMT-nin qaçqınlar üzrə ali komissarı Filippo Qrandi qeyd edir ki, müharibə və təqiblər getdikcə çoxlu sayda insanı didərgin salır və bu özlüyündə narahatedici haldır, amma qaçqınlara təhlükə yaradan amillər də çoxalır: "Dənizdə hər il narahatlıq doğuran sayda qaçqın və miqrantlar ölür, quruda isə müharibədən qaçan insanların yolunu qapalı sərhədlər bağlayır. Bəzi ölkələrdə siyasət sığınacaq vermənin əleyhinə yönəlib. Xalqların təkcə qaçqınlar naminə deyil, insanların ümumi maraqları naminə birgə işləməyə hazır olması bu gün sınağa çəkilir və bu birlik ruhunun üstünlük təşkil etməsinə bu gün hədsiz dərəcədə ehtiyac var".

Bu arada xatırladaq ki, Avropa Komissiyası Avropaya gələn qaçqınları kvotalara uyğun olaraq yerləşdirməkdən imtina edən ölkələr üçün maliyyə sanksiyalarının tətbiq olunacağını bildirmişdi. Qeyd olunurdu ki, cərimələrin məbləği adambaşına 250 min avroya qədər ola bilər. Amma artıq bu cərimələr tətbiq olunmur. Səbəb isə miqrant axınının çoxalması ilə izah olunur. Xatırladaq ki, Avropada II Dünya Müharibəsindən bəri ən böyük miqrasiya böhranı yaşanır. Bu, Yaxın Şərq və Şimali Afrika ölkələrində hökm sürən bir sıra hərbi münaqişələr və iqtisadi problemlərlə bağlıdır. "Frontex" agentliyinin məlumatına əsasən, təkcə 2015-ci ildə Avropa İttifaqına 1,8 milyon mühacir gəlib. Onların böyük əksəriyyəti Türkiyədən Yunanıstana, oradan isə Avropa İttifaqının digər ölkələrinə keçib. Belə vəziyyətdə, yuxarıda qeyd olunduğu kimi, miqrantlara qarşı ayrıseçkilik çağırışları Avropa ölkələrində sürətlə artır. Məsələn, Danimarka Xalq Partiyasının təmsilçisi Syoren Espersen "Berlingske" qəzetinə müsahibəsində bildirib ki, krallıq müsəlman ölkələrindən immiqrasiya praktikasını müvəqqəti olaraq dayandırmalıdır. Siyasətçi öz təklifini islam ekstremistləri tərəfindən yaranan təhlükə ilə izah edib: "Müsəlman miqrantlarına Danimarkaya immiqrasiya növbəti dörd və ya altı ildə qadağa edilməlidir. Çünki biz Avropada son terror hücumlarından sonra vəziyyəti araşdırmalıyıq".

Düzdür, deputatın təklifi sərt tənqidlə qarşılanıb. Sosial-Demokratlar Partiyasının simasında müxalifət nümayəndələri bildiriblər ki, bütün müsəlman qaçqınlarını islam ekstremistləri ilə eyniləşdirmək düzgün deyil. Onlar deputatın bəyanatını ABŞ-da müsəlmanların gəlməsinə qadağa təklifi ilə çıxış etmiş Respublikaçılar Partiyasından prezident postuna namizəd Donald Trampın planı ilə müqayisə ediblər. Qeyd edək ki, Danimarka Xalq Partiyası immiqrasiya əleyhinə olması və özünün millətçilik mövqeyi ilə tanınır. Amma miqantlara qarşı bu mövqe təkcə Danimarkada sərgilənmir. Belə ki, artıq heç kimə sirr deyil ki, Böyük Britaniya miqrant məsələsində Brüssellə məsuliyyəti bölüşmək istəmir. Bu səbəbdən London Şengen zonasından qaçır, Şərqi Avropa ölkələrindən olan işçilərə sosial təminat məsələsindən yayınır və təşkilatda inteqrasiya proseslərinin bir sıra aspektləri ilə razılaşmır. Almaniyadan isə qovulanların sayı artır. Hazırda Almaniyanın federal və əyalət ekspertləri ölkənin hüquq sistemində qəbul edilməmiş qaçqınların deportasiyası ilə bağlı ciddi problemlərin olduğunu bildirir. Lazımi sənədləri olmadığı üçün çox vaxt qeyri-leqal miqrantları deportasiya etmək mümkün olmur. Ekspertlərin fikrincə, Almaniyada sığınacaq almaq istəyən adamlar bir çox hallarda qəsdən sənədlərin yoxluğu strategiyasından yararlanırlar ki, deportasiya haqqında qərar çıxsa, Almaniya hüdudlarından kənara çıxarılmalarını ya çətinləşdirsinlər, ya da bunu qeyri-mümkün etsinlər. Amma artıq sərt davranışlar və artan ziddiyyətlər fonunda mirqantlar bəzən lazımi sənəd olmadan da Almaniyadan çıxarılır. Fransa və İtaliyada da miqrantların durumu getdikcə pisləşir. Bu isə Avropada həm də demokratiyaya ciddi zərbə vurulduğunu, bu zərbəni vuranların avropalıların özləri olduğunu aydın nümayiş etdirir.

Nahid SALAYEV

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...