Mərhələli Qarabağ həllinə Ermənistanda oxşar reaksiya - 1999-cu il ssenarisi qayıdır

Tarix: 30.07.2016 / 01:03
Bölmə: Gündəm

Qabil Hüseynli: "Təbii ki, Ermənistana bu variant sərf etmir. Bu səbəbdən də ölkə daxilindəki prosesləri qarışdırmaqla fikri yayındırırlar"

"1999-cu ildə baş verən hadisəyə gəldikdə isə, bənzərlik çoxdur"

Ermənistan bir-birinə qarışıb. Ölkədə bəzi qruplar hakimiyyətlə silahlı terror dili ilə danışır. Sanki dövlətin qatında olan bir dərin qruplaşma dünyaya mesaj verir ki, Dağlıq Qarabağla bağlı hansısa güzəştdən söhbət belə gedə bilməz. Hadisələrin vaqe etdiyi vaxt çox maraqlı dövrə təsadüf edir.

Fikir verək, bu qarmaqarışıqlıq Qarabağla bağlı danışıqların həlledici məqama qədəm qoyduğu dövrə təsadüf edir. Artıq dünyanın bəzi gücləri əvvəl demədiklərini dilə gətirir və status-kvonun dəyişilməli olduğunu deyir. Ortada mərhələli həll deyilən bir variant var. Tərəflərin ona çox yaxın olduğu nəzərə çarpır. Bənzər hadisələr 1999-cu ildə də yaşanmışdı. Onda da danışıqlarda hansısa uğurun əldə olunacağının gözlənildiyi ərəfədə bir qrup millətçi parlament binasına daxil olaraq ölkənin rəhbər şəxslərini qətlə yetirdi. Ermənistanda hazırda yaşananlar 1999-cu ildəki hadisələrə nə dərəcədə bənzərdir?

Politoloq Qabil Hüseynlinin sözlərinə görə, Ermənistanda süni surətdə qızışdırılan qarşıdurmalar uydurulmuş məsələlərdir: "Sarkisyan ölkəni məhz Qarabağa görə bir-birinə qatır. Ermənistanda belə bir fikir formalaşıb ki, guya danışıqlar prosesində Rusiyanın təklif etdiyi yol xəritəsi Azərbaycan üçün xeyli güzəştlər vəd edir. Ancaq sözügedən güzəştlərin nədən ibarət olduğunu açıqlaya bilmirlər.

NATO-nun son sammitində qeyd edildi ki, postsovet dövlətlərinin ərazi bütövlüyü Helsinki Yekun Aktının müddəalarına uyğun surətdə həyata keçirilməlidir. Yəni hər hansı bir ərazi, sərhəd dəyişikliyinə gedilə bilməz. Beləliklə, Dağlıq Qarabağın taleyi də öz həllini tapmış olur. Güman edirəm ki, prezidentlərin Paris görüşündə Qarabağ məsələsi daha ciddi və sərt şəkildə qoyulacaq. Çünki Fransa nə qədər ermənipərəst dövlət olsa da, NATO-nun üzvüdür və sammitdə qəbul edilmiş qərarlara tabe olmaq məcburiyyətindədir. Helsinki Yekun Aktının müddəalarının nizamlanma prosesinə tətbiq edilməsi üçün həmsədr ölkə kimi Fransa da səy göstərməlidir.

Danışıqlar prosesinin əsas məğzini erməni qoşunlarının işğal edilmiş ərazilərimizdən çıxarılması, Azərbaycanın ərazi bütövlüyünün tanınması və Ermənistan ətrafında yaradılmış blokadanın götürülməsi, yəni kommunikasiya vasitələri, dəmir yolu və qaz kəmərlərinin açılması, həmçinin, Türkiyə tərəfdən də blokadanın qaldırılması, Sürix protokollarının işə düşməsi təşkil edəcək. Hətta danışıqlar uğurlu gedərsə, Ermənistanla diplomatik münasibətlər də yaradılacaq. Sarkisyan bütün bu müddəalara əməl etsə və sülhyaratma prosesində müəyyən kompromislərə getsə, Ermənistan bölgədəki irimiqyaslı layihələrə qoşula, iki ölkə arasında düşmənçilik aradan qalxa bilər. Bu, hər iki ölkəyə sərf edən ən yaxşı variantdır. Hazırda Ermənistana təzyiq böyükdür, İrəvanın qarşısına beynəlxalq hüquq normalarına əsaslanan faktlar qoyulub və Azərbaycanın ərazi bütövlüyünə hörmət göstərilməsi tələb olunur. Təbii ki, Ermənistana bu variant sərf etmir. Bu səbəbdən də ölkə daxilindəki prosesləri qarışdırmaqla fikri yayındırırlar. 1999-cu ildə baş verən hadisəyə gəldikdə isə, bənzərlik çoxdur. Ermənistan terrora meylli dövlətdir. Onlarda milli terror təşkilatları hər zaman olub. Həmin təşkilatlar lazım gələndə dövlətlə də zor gücü ilə danışmağı bacarır. Apardığımız analogiyanı da məhz bu qəbilə aid edə bilərik".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...