Yalançı saytların işinə Baş Prokurorluq da qarışdı

Tarix: 24.11.2015 / 02:23
Bölmə: Gündəm

Yadigar Məmmədli: "İstənilən əməl qanunun pozulmasına yönəlibsə, təbii ki, burda qanun öz sözünü deməlidir"

"O baxımdan son xəbərdarlığı müsbət dəyərləndirirəm"

Azərbaycanın Baş Prokurorluğunda aparılmış araşdırmalarla müəyyən edilib ki, son dövrlərdə bir sıra KİV-də "Kütləvi informasiya vasitələri haqqında" Qanunun 10 və 11-ci maddələrinin tələbləri kobud surətdə pozularaq müxtəlif dövlət strukturları, onların rəhbərləri və əməkdaşları haqqında, eləcə də Baş Prokurorluqda istintaq olunan cinayət işləri üzrə həqiqətə uyğun olmayan, böhtan xarakterli informasiyalar düzgünlüyü yoxlanılmadan yayımlanıb.

Bu barədə Baş Prokurorluğun mətbuat xidmətindən daxil olan məlumatda bildirilir. Məlumatda deyilir ki, göstərilənlərlə əlaqədar Müstəqil İnformasiya Agentliyi (Mia.az), "Cumhuriyyət", "Qaynarinfo", "Gündəminfo", "Kriminal.az", "Strateq.az", "İstiqlal.az", Jurnalist Araşdırma Mərkəzi (JAM.az) və digər KİV rəhbərləri Baş Prokurorluğa dəvət edilərək, "Prokurorluq haqqında" Qanunun 22-ci maddəsinə müvafiq olaraq reallığa uyğun olmayan, qərəzli və böhtan xarakterli məlumatların yayılmasına son qoyulması tələb edilməklə, gələcəkdə bu xarakterli məlumatların yayılmasını davam etdirəcəkləri təqdirdə barələrində qanunvericilikdə nəzərdə tutulmuş daha ciddi tədbirlər görüləcəyi barədə onlara rəsmi xəbərdarlıq olunub.

Bütövlükdə, istənilən informasiya orqanı xəbər yayarkən diqqətli olmalıdır. Çünki bəzən hansısa yoxlanılmayan informasiyanın yayılması xoşagəlməz fəsadların yaranmasına gətirib çıxarır. O baxımdan Baş Prokurorluğun bəzi saytlara xəbərdarlıq etməsini media ekspertləri necə dəyərləndirir?

Məsələyə münasibət bildirən media eksperti Yadigar Məmmədli bu istiqamətdə bəzi informasiya vasitələrinə müəyyən xəbərdarlığın olunmasını müsbət dəyərləndirdi: "İstənilən əməl qanunun pozulmasına yönəlibsə, təbii ki, burda qanun öz sözünü deməlidir. Bu baxımdan Mətbuat Şurasının Şikayətlər Komissiyasında dəfələrlə bu kimi məsələlərə baxılıb. Son zamanlar çoxalan bəzi saytlar əvvəlki yeri-yurdu məlum olmayan qəzetlərin funksiyasını yerinə yetirir. Bu da ictimaiyyətdə birmənalı qarşılanmır. Görürsən ki, dəqiqləşdirilməmiş və daha çox kompromat xarakterli məlumatlar yayırlar. Aydın məsələdir ki, belə vəziyyət çox uzun müddət davam edə bilməzdi. Məsələ ondadır ki, son vaxtlar Milli Təhlükəsizlik Nazirliyi ətrafında yaranan vəziyyətdən həmin saytlar sui-istifadə etməyə başlayıb. Bu da uzun müddət davam edə bilməzdi. Həmçinin, müvafiq qurumlar və o cümlədən Baş Prokurorluq buna biganə qala bilməzdi. Tək bu yox, bütün hallarda, saytlar öz fəaliyyətinə diqqət etməlidir. Fəaliyyəti zamanı mövcud qanunvericiliyə riayət etməlidir. Heç kim burada sığortalanmayıb. Kimsə qanunu pozacaqsa, təbii ki, müvafiq cəzanı alacaq. O baxımdan son xəbərdarlığı müsbət dəyərləndirirəm".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...