Dövlət Neft Fondu jurnalistlər üçün növbəti seminara başladı

Tarix: 20.11.2015 / 01:42
Bölmə: Gündəm

Noyabrın 19-da Azərbaycan Dövlət Neft Fondunda jurnalistlər üçün "Azərbaycan Respublikası Dövlət Neft Fondu: Vəsaitlərin idarə edilməsi prosesi və investisiyalar" mövzusunda 2 günlük seminar başlayıb.

Seminardan əvvəl jurnalistlər Azərbaycan Respublikası Dövlət Neft Fondunun inzibati binası ilə tanış oldu. Binanın xarici görkəmi müasir memarlıq üslubunda olsa da, daxili milli memarlıq dəst-xəttində inşa olunub. Fond binasının foyesi, zalları, giriş hissəsi milli xalça elementləri ilə süslənib. Azərbaycan mədəniyyətinə, xalq sənətinə məxsus olan 9 xalçaçılıq məktəbinin hər birinin ornamentlərindən istifadə edilib. Fondun işçilərinin istirahət vaxtını keçirdiyi geniş zalın divarları, o cümlədən tavan və döşəməsi Şirvan xalçaçılıq elementləri ilə bəzədilib. Dövlət Neft Fondunun giriş hissəsində isə Təbriz xalçaçılıq məktəbi üçün xas olan və xalçalarımızın şah nümunəsi sayılan, 1539-cu ildə Səfəvi hökmdarı I Təhmasib tərəfindən Şeyx Səfi məscidi ilə toxudulan Şeyx Səfi xalçasının bənzəri müxtəlif təbii daşlarla divara həkk edilib. Təsvirin üzərindən isə su axıb gedir. Fondla tanışlıq media mənsublarında xoş təəssürat yaratdı desəm yanılmaram. Sonra bizi Fondun kitabxanası ilə tanış etdilər. Bu otaq isə Qazax xalçaçılıq məktəbinin elementləri ilə bəzədilib. Jurnalistlərə məlumat verildi ki, kitabxanada 300-400 nüsxə fiziki kitab var. Fond əməkdaşları internet vasitəsilə 11 mindən artıq virtual kitabla tanış ola bilir. Kitabxana bütövlükdə elektron çıxışla təmin edilib. Fondun şəffaf otağı da diqqətimizi çəkdi. 40 nəfərlik iclas zalının tavanı şəffafdır və onun rəngi həm günəş şüası, həm də daxildən idarəetmə ilə dəyişə bilir. Fondun muzeyində də olduq. Bu barədə ətraflı şəkildə növbəti yazılarımızda tanış olacaqsınız.

Tanışlıqdan sonra ARDNF-nin binasında KİV nümayəndələri üçün "Azərbaycan Respublikası Dövlət Neft Fondu: Vəsaitlərin idarə edilməsi prosesi və investisiyalar" mövzusunda seminar təşkil olundu. Seminarı Risqlərin idarə edilməsi departamenti və İnvestisiya departamentinin rəhbəri Bəhruz Bəhramov açaraq iştirakçıları salamladı və qeyd etdi ki, artıq üçüncü dəfədir Fond jurnalistlər üçün seminar təşkil edir. Sözügedən departamentin əməkdaşı Cəlal Baxşiyev Dövlət Neft Fondu haqqında məlumat verərək suveren fondlar haqqında danışdı. Təsnifat, hüquqi baza, idarəetmə anlayışlarına aydınlıq gətirildi.

Fondun büdcə proqnozlaşdırma və layihələndirmə departamentinin rəhbəri Müşfiq Bayramov isə çıxışında Dövlət Neft Fondunun icmal büdcədə iştirakı, ölkə iqtisadiyyatında yeri, Neft Fondunun büdcəsi və onun tətbiqi prosesi, Fondun gəlir və xərclərinin proqnozlaşdırılması, makroiqtisadi təhlil, strateji təhlil və hesabatların hazırlanması, Neft Fondunun maliyyələşdirdiyi layihələrin tənzimlənməsi prosesi, Neft Fondunun maliyyələşdirdiyi layihələr haqqında ətraflı söhbət açdı.

Fondun İnformasiya departamentinin əməkdaşı Elnur Babayev də jurnalistlər qarşısında çıxış etdi. E.Babayev "İnvestisiya və maliyyə alətləri" mövzusunda çıxışında investisiyaların mahiyyəti, gəlirlilik və risq, əsas maliyyə bazarları və fəaliyyət mexanizmləri, müxtəlif maliyyə alətlərinin əsas xüsusiyyətləri və Fondun investisiyaları barədə danışdı.

Seminar noyabrın 20-də başa çatacaq və iştirakçı jurnalistlərə sertifikatlar təqdim ediləcək.

İradə SARIYEVA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...