Moskvada Azərbaycanın sərgi-ticarət mərkəzi...

Tarix: 22.09.2015 / 03:08
Bölmə: Gündəm

"İki dövləti bir-birinə bağlayan faktorlar çoxdur"

Arzuxan Əlizadə: "Rusiyada Azərbaycana aid sərgi-ticarət mərkəzinin yaradılması iki ölkə arasında əlaqələrin daha da dərinləşməsinə xidmət edəcək"

Xəbər verildiyi kimi, Prezident İlham Əliyev Azərbaycan Respublikası Hökuməti ilə Rusiya Federasiyası Hökuməti arasında Moskva şəhərində Ümumrusiya Sərgi Mərkəzinin ərazisində Azərbaycan Respublikasının Sərgi-Ticarət Mərkəzinin yaradılması haqqında 15 sentyabr 2014-cü il tarixli Sazişdə dəyişikliklər edilməsi barədə 2015-ci il iyulun 31-də Bakı şəhərində və 2015-ci il iyulun 22-də Moskva şəhərində imzalanmış Protokolun təsdiq edilməsi haqqında Sərəncam imzalayıb.

İqtisadiyyat və Sənaye Nazirliyinə bu Sərəncamda göstərilən Protokolun müddəalarının həyata keçirilməsini təmin etmək, Xarici İşlər Nazirliyinə isə həmin Protokolun qüvvəyə minməsi üçün zəruri olan dövlətdaxili prosedurların yerinə yetirildiyi barədə Rusiya Federasiyası Hökumətini xəbərdar etmək tapşırılıb.

Rusiyanın böyük dövlət olmaqla yanaşı, Azərbaycanla geniş əlaqələrə malik olduğunu nəzərə alsaq, belə bir Sərgi-Ticarət Mərkəzinin yaradılması mühüm əhəmiyyət kəsb edir. Məsələ ondadır ki, iki dövlət arasında iqtisadi-sosial, mədəni əlaqələr uzun illərdir mövcuddur. Bu əlaqələrin daha da dərinləşdirilməsi, keyfiyyət baxımından dövrün tələblərinə uyğunlaşdırılması hər iki tərəfin maraqlarına uyğundur. Eyni zamanda, bu, tərəflər arasında iqtisadi-ticarət əlaqələrinin daha da genişlənməsinə gətirib çıxaracaq.

Ümumilikdə, qonşu ölkədə sözügedən sərginin açılması Rusiya-Azərbaycan əlaqələrində nə kimi rol oynayacaq?

Məsələyə münasibət bildirən AMİP-in baş katibi Arzuxan Əlizadənin sözlərinə görə, bu tip tədbirlərin keçirilməsi iki ölkə arasında əlaqələrin hərtərəfli inkişafına xidmət edir: "Azərbaycanla Rusiya arasında əlaqələr çoxşaxəlidir. İstər ikitərəfli münasibətlər, istərsə də MDB çərçivəsində ticarət-iqtisadi, mədəni və s. əlaqələr var. İki dövləti bir-birinə bağlayan faktorlar çoxdur. Ən başlıcası, nəzərə almalıyıq ki, Azərbaycan 200 il şimal qonşumuzun təsiri altında olub. Azərbaycan müstəqillik əldə etdikdən sonra əlaqələr keyfiyyətcə yeni mərhələyə qədəm qoyub. Buna rəğmən, bir sıra sahələrdə daha çox yaxınlıq var. Bunun da bir sıra obyektiv və subyektiv səbəbləri var. Qeyd etmək lazımdır ki, bu gün Rusiyada Azərbaycan vətəndaşı olan çoxsaylı əmək miqrantı var. Hər il həmin vətəndaşlar ölkəyə müəyyən həcmdə vəsait göndərir. Digər tərəfdən, Rusiyada yaşayan azərbaycanlıların bir qismi bu ölkənin vətəndaşlığını qəbul edib. Son illər Qərblə Rusiyanın münasibətlərinin kəskinləşməsi fonunda, Azərbaycanın əhəmiyyəti daha da artıb.

Tərəflər arasında qarşılıqlı sanksiyalar Azərbaycanın Rusiyanın kənd təsərrüfatı bazarında daha aktiv iştirak etməsinə zəmin yaradır. Bütün bu deyilənlərin fonunda, Rusiyada Azərbaycana aid sərgi-ticarət mərkəzinin yaradılması iki ölkə arasında əlaqələrin daha da dərinləşməsinə xidmət edəcək".

Vidadi ORDAHALLI

DİGƏR XƏBƏRLƏR

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...