İngiltərədən qaydasız döyüş qalibi kimi qayıtmış polis kapitanı...

Tarix: 19.09.2015 / 02:47
Bölmə: Gündəm

"Sevdiyin və seçdiyin peşədə uğur qazanmaq da Vətənə xidmətdir"

Daxili İşlər Nazirliyinin mətbu orqanı olan "Mübariz keşikdə" qəzetinin 10 sentyabr nömrəsində "İngiltərədən gələn qələbə sorağı" bağlığı altında kiçik bir xəbər paylaşmışdıq. Xəbərdə Yasamal RPİ-nin baş əməliyyat müvəkkili, polis kapitanı, qaydasız döyüş üzrə dəfələrlə dünya və Avropa çempionu İlkin Səfərovun İngiltərənin Norviç şəhərində budo döyüş növlərinin MMA və Qreplinq versiyası üzrə keçirilən yarışda növbəti dəfə də birincilik qazanmasını oxucularımızın diqqətinə çatdırmışdıq.

Həmkarımızın qələbə sevincini bir çox qəzetlər və saytlar da bölüşmüşdü. Əlbəttə, idmançımızın bu möhtəşəm uğuru bir azərbaycanlı kimi hər birimizi ürəkdən sevindirir və ona əhsən deyirik...

Vədələşdiyimiz kimi, məşq etdiyi zalda görüşdük. Daha doğrusu, o hələ məşqi bitirməmişdi. Onun məşq prosesini izlədikcə bir anlıq gözlərimin önündən Hollivudda çəkilən döyüş filmləri gəlib keçdi. Məşqçisinin verdiyi tapşırıqları dəqiqliklə yerinə yetirən, hər bir hərəkəti dəfələrlə təkrarlayan İlkinin keçirdiyi döyüşlərdən qələbə ilə ayrılmasının sirrini çözməyə başladım. Və bir daha yəqin etdim ki, qələbə qazanmaq təkcə ağır zəhmətin, gərgin məşqlərin bəhrəsi deyil, həm də idmançıdan səbr, dözüm, iradə tələb olunur.

Bu gün Azərbaycanda idmana olan dövlət qayğısı göz qabağındadır. Məhz bunun nəticəsidir ki, idmançılarımız dünyanın ən mötəbər idman arenalarında bayrağımızı ucaldır, himnimizi səsləndirirlər. İndi dünyanın hansı nöqtəsinə getsən və "Mən azərbaycanlıyam" desən, əlbəttə ki, səni hörmətlə qarşılayacaq, ölkəmizin bütün sahələrdə əldə etdiyi uğurlardan söhbət açacaqlar. Bəli, həyatın hansı sahəsində olursa-olsun, qazandığımız uğurlar Vətənimizın adına, ünvanına yazılır.

O da dəfələrlə bayrağımızı ucaldıb, himnimizi səsləndirib. Yazımın başlığı da onun fikridir...

Məşq bitdikdən sonra həmkarımı qazandığı qələbə münasibətilə təbrik etdim, sonra yarış haqqında təəssüratlarını öyrəndim.

"Yarış ölkəmizdən çox uzaqda - İngiltərədə keçirilirdi. Həmişə olduğu kimi, bu dəfə də yarışa müxtəlif çəki dərəcələrində dünyanın ən güclü idmançıları qatılmışdı. Sözün düzü, həyəcanlıydım, çünki bu gün dünyada söz sahibinə çevrilən, zəngin idman ənənələri olan pəhləvanlar yurdu Azərbaycanı təmsil edirdim. Qazandığım təcrübə və psixoloji cəhətdən hazırlıqlı olmağım rəqiblərim üzərində qələbə çalmağıma çox kömək oldu.

Əlbəttə, idmandır, qalib də olarsan, məğlub da. Ancaq mən İngiltərəyə yalnız Qələbə üçün gəlmişdim", - deyən polis kapitanı İlkin Səfərov 90 kiloqram çəkidə üç döyüş keçirdiyini və finalda İngiltərə təmsilçisi Tom Qrosby ilə qarşılaşdığını bildirdi. O qeyd etdi ki, ingiltərəli idmançı çox güclü və təcrübəli idi. Ancaq yerli idmançıya güclü azarkeş dəstəyi, mənəvi dayaq da kömək edə bilməyib və o, məğlub olub.

İlkinin peşəkarlığı, güclü zərbələri və döyüş zamanı göstərdiyi yüksək texniki ustalıq, əsl idmançılara xas olan xüsusiyyətlər çoxsaylı azarkeşlər tərəfindən alqışlarla qarşılanıb.

Həmkarımız deyir ki, hələ onu idman meydanlarında daha böyük sınaqlar gözləyir. Sınaqlardan üzü ağ, alnı açıq çıxmaq və döyüşlərdən qəlib kimi ayrılmaq üçün var gücü ilə çalışır, müntəzəm olaraq məşqlər edir.

Bu qələbə münasibətilə biz də sabitliyin keşiyində ayıq-sayıq dayanıb asayişi qoruyan, cinayətkarlığa qarşı qətiyyətlə mübarizə aparan həmkarlarımızın adından polis kapitanı İlkin Səfərovu təbrik edir və ona hər zaman üçrəngli bayrağımızı ucaltmağı, ən yüksək arenalarda himnimizi səsləndirməyi arzulayırıq.

İnanırıq ki, Azərbaycanımızın adını üçrəngli bayrağımız kimi uca tutan oğullar dövlətimizin, ölkə başçısı, möhtərəm Prezidentimiz cənab İlham Əliyevin ali diqqət və qayğısı ilə qələbədən-qələbəyə doğru bundan sonra da inamla addımlayacaq, xalqımıza sonsuz sevinc bəxş edəcəklər.

Hafiz Təmirov,

polis kapitanı

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...