Hacı İbrahim oktyabrda Çində "Xəzər adaları" barədə üç saziş imzalayacaq

Tarix: 19.09.2015 / 03:06
Bölmə: Gündəm

İş adamı oktyabrın ilk günlərində Çin səfərinə hazırlaşır

Bu ilin may ayında banklarla iş adamlarının kredit mübahisələri ilə bağlı olaylar yaşananda möcüzəli "Xəzər adaları"nın tikintisini aparan "Avesta" şirkəti və onun prezidenti Hacı İbrahimlə ilgili media çevrəsində kimin ürəyində nə var idisə, qıcqırmış səxavətlə çölə tökdü. Təbii ki, əksəriyyət təşkil edən təəssübkeşlər Xəzər dənizinin içində yaradılan və Bakıya əlavə şan-şöhrət gətirə biləcək belə gözəl tikintinin həmişəlik davam edə bilməyəcəyindən xeyli narahat olmuşdu.

Az sayda olan başqa media mənsubları isə şəxsi qısqanclıqdan, bəzən açıq düşmənçilikdən, bəzən isə nə vaxtsa Hacı İbrahimin onun hansısa təmənnasına fikir verməməsindən qəzəblənərək qələmini bəlli istiqamətdə itiləmişdi.

Nələr demədilər?

"Milyardlar yeyilib, əvəzində Xəzər dənizində heç bir iş görülməyib" və sair və ilaxır... Qərəz və təmənna gözləri o qədər tutmuşdu ki, Xəzər dənizinin içində artıq başa çatdırılmış restoranları, körpüləri, kanalları, başa çatmaq üzrə olan bir neçə yaşayış binasını, qiymətli daşlar döşənmiş yolları da görə bilmədilər. Belə ziddiyyətli baxışların üzərində "Avesta" şirkəti ilə bankın kredit probleminin həlli barədə razılıq əldə olunanda məlum oldu ki, Hacı İbrahimin bankdan götürdüyü kreditin məbləği hazırda "Xəzər aylənd"də aparılmış tikinti-abadlıq işlərinin dəyəri ilə müqayisədə "dəryadan bir damcı da deyilmiş"...

Bir həftə əvvəl başqa bir xəbər də yayıldı. İş adamının özünün yaydığı məlumatda deyilirdi ki, "Xəzər adaları"nın tikintisi tezliklə bərpa olunacaq və bu məqsədlə əcnəbi investorlar artıq cəlb olunub. "Avesta" sahibi bildirdi ki, kreditlərlə bağlı bütün mübahisəli məsələlər razılaşdırılıb və Çin şirkəti ilə "Xəzər aylənd" tikintisini davam etdirmək üçün böyük həcmli sazişlərə imza atmağa hazırlaşır. Elə bu sözlərdən sonra mediadakı azsaylı bədxah çevrələrin yeni antikampaniyası başladı. Məqsəd və hədəf bəlli idi. Tikintinin davam etdiriləcəyi ilə bağlı "Avesta" şirkəti sahibinin fikirlərini sağa-sola fırlatmaqla yeni sazişlər söhbətinin əsassız olduğunu sübut etməyə, bununla da ya başlanmış yeni layihəyə şübhə oyatmaq, seçilmiş yeni əcnəbi tərəfdaşlarda "Xəzər aylənd" tikintisinin perspektivinə inamsızlıq yaratmaq, onları əməkdaşlıqdan çəkindirmək və beləliklə də ya işlərin yarımçıq saxlanmasına nail olmaq, ya da öz təmənnalarını gerçəkləşdirmək məqsədi güddülər. Ancaq artıq prosesə start verilib və Hacı İbrahimin mətbuat açıqlamalarına görə, oktyabrın ilk günlərində Çində bu ölkənin iri şirkətlərindən biri ilə üç müqavilə imzalanacaq. Onlardan biri satışla, ikisi isə investisiyaların qoyulması ilə bağlı olacaq.

Həm satışı, həm də investisiyaları özündə cəmləşdirən sazişlər deməyə əsas verir ki, "Xəzər aylənd" layihəsinin həm tikinti, həm də oradakı əmlakların satış perspektivi böyükdür.

Bundan başqa, məsələnin bütün Azərbaycan üçün də əhəmiyyətli olmaq aspektləri var. Belə ki, qlobal böhranın nəticələrindən biri olaraq hazırda bütün dünya ölkələri xarici investisiya cəlb etmək məsələsində durğunluq yaşadığı halda, Azərbaycana bir neçə milyard xarici investisiya gətirilə bilər.

"Xəzər aylənd"in yeni mərhələsi də məhz real xarici investisiyaları cəlb etmək baxımından olduqca cəlbedicidir.

Tahir TAĞIYEV

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...