ABŞ prezidenti Barak Obama Amerika tarixində ilk dəfə ordu nazirliyinin rəhbərliyinə homoseksualisti təyin edə bilər. Belə bir xəbərlə The Washington Post qəzeti çıxış edib. Belə ki, qəzetin xəbərinə görə, ölkənin müdafiə naziri vəzifəsinə özünün qeyri-ənənəvi seksual orientasiyasını gizlətməyən Erik Fenninq gətirilə bilər. Analitiklər gözlənən bu addımı həm də Amerika administrasiyasının geylərin irəli çəkilməsində növbəti addımı sayır. Ümumiyyətlə, Obama administrasiyası qeyri-ənənəvi orientasiyaya malik şəxsləri icra strukturlarında vəzifələrə təyin etməklə, onların orduda xidmət keçməsinə 18 illik qadağanı aradan qaldırmaqla və eynicinsli partnyorlara güzəştlər tanımaqla artıq bu istiqamətdə daxili siyasətini kökündən dəyişdiyini ortaya qoyub.
Fenninqə gəldikdə, namizədliyinin Senatda təsdiq olunması gözlənən bu şəxs 25 ildir Konqresdə və Pentaqonda milli təhlükəsizlik və müdafiə sahəsində vəzifə tutur. "Erikin müstəsna lider xüsusiyyətlərinə malik olması və çoxillik təcrübəsi onu bu vəzifə üçün ideal namizəd edir və mən səbrsizliklə onunla birgə işləməyi gözləyirəm ki, ordumuz həmişəki kimi dünyada birinci olsun ”- deyə Obama bəyan edib. Klinton administrasiyasında müdafiə nazirinin müavini postunu tutan Rudi de Leon isə deyib ki, Fenninq ordunun böhran keçirdiyi indiki dövrdə ona uğurla başçılıq edə bilər, çünki, onun sözlərinə görə, ordu hələ də Reyqan dövrünün silahlanması ilə fəaliyyət göstərir.
Baki-xeber.com
