Kənan Hacını xəstəxanada yad etdik...

Tarix: 26.08.2015 / 02:42
Bölmə: Gündəm

"Mənə əməyi keçən hər bir insana minnətdaram"

Tanınan yazar bu gün xəstəxanadan evə buraxıla bilər...

Avqustun 17-dən yazıçı, jurnalist, tərcüməçi, başlacası isə, görkəmli ədəbiyyat adamı Kənan Hacı 1 saylı Şəhər Klinik Xəstəxanasına yerləşdirilib. 8 ildir hepatit C xəstəliyindən əziyyət çəkən yazarın səhhətini artıq Azərbaycan Respublikası Səhiyyə Nazirliyi nəzarətə götürüb.

Kənan Hacı on gündür 1 saylı Şəhər Klinik Xəstəxanasında müalicə alır. Kənan uzun illərdir bu xəstəliklə mübarizə aparır, maddi imkansızlıq ucbatından hepatit C-dən canını qurtara bilmir. Elə qarayaxa xəstəlikdir ki... Dəfələrlə müalicəyə başlasa da, müalicəsini yarımçıq qoymalı olub. Bu dəfə isə nazirliyin xəttilə xəstəxanaya yerləşdirildiyindən, ümid edir ki, tam sağalacaq.

Dünən 1 saylı Şəhər Klinik Xəstəxanasına gedib Kənan Hacıya baş çəkdim. Bir neçə gün əvvəlkindən fərqli olaraq xeyli gümrah görünürdü, dedi ki, artıq yaxşılaşmaq üzrədir. On günlük müalicə müddətində özündə xeyli irəliləyiş hiss etdiyini deyən Kənan bəy müalicə götürməsi üçün ona yaradılan şəraitə görə xeyirsevər insanlara minnətdarlığını bildirdi: "Bura gələndə vəziyyətim çox pis idi. Həkimimin davamlı müalicəsi sayəsində ayağımdakı ağrılar aradan qalxıb, artıq yeriyirəm.

Həkimim Xatirə xanım Əliyevadır. Mənə çox ciddi qayğı və diqqətlə yanaşır, müalicəm dəqiqliklə aparılır. Səhhətimdə yüngülləşmə hiss edirəm. Çox sağ olsun, həkimlər mənə yaxşı baxırlar. Səhiyyə Nazirliyinin xəttilə müalicə alıram.

Dövlət yaradıcı adamlara böyük qayğı göstərir. Mənə əməyi keçən hər bir insana minnətdaram. Bilirsiz ki, bu xəstəxanaya yerləşdirilməyim üçün millət vəkili Qənirə xanımın və Kamal Abdullanın böyük rolu olub. Onların qayğısı keçib mənə. Var olsunlar! İnanın ki, hər gün yanıma yazıçılar, jurnalistlər gəlir. Həmkarlarım məni hər gün yoxlayır".

K.Hacı bildirdi ki, xəstəliyi ilə bağlı qan analizi verib və qanı əkiblər, artıq cavablar hazırdır. Həkimi dedi ki, virusun artmaması üçün təcili olaraq aidiyyəti preparatlar qəbul edilməlidir.

Hazırda qara ciyərin bərpası ilə məşğul olunduğunu deyən K.Hacının sözlərinə görə, bu müalicə tam başa çatdıqdan sonra viruslar əleyhinə müalicə başlanmalıdır. Çünki immunitet yüksəlməlidir ki, xəstəliyə davam gətirib onunla mübarizə apara bilsin: "Virusların hər an yüksəlmə ehtimalı var. Ona görə də müalicə davam etməlidir.

Məni evə buraxacaqlar, ancaq mütəmadi olaraq həkimlə əlaqə saxlayacağıq. Həkimim çox yaxşı insandır, gülərüz, mehriban. Bilirsiniz ki, bu günlərimdə, ağır vaxtlarımda həyat yoldaşım həmişə yanımda olub. Onun da qayğısından razıyam. Mənə qayğı göstərən hər kəsə təşəkkür edirəm".

Kənan Hacı ilə söhbət etdiyimiz vaxt tibb bacısı Səmayə Vəliyeva içəri girdi və xəstənin qoluna sistem birləşdirdi. Sonra həkimi Xatirə xanım xəstəyə baş çəkməyə gəldi. O, Kənan bəyi yoxladı, tövsiyələrini verdi. Bildirdi ki, həmkarımızın müalicəsi və tam olaraq ayağa qalxması üçün əlindən gələni edəcək.

Kənan Hacı xəstəxanada arabir şeir də yazır.

Hava o qədər sakitdi ki,

söykənmək istəyirsən ona,

Tanrının qamçısı kimi

kürəyinə dəyən ağrıları

ovutmaq istəyirsən,

Səni qarabaqara izləyən

ölümün üstünə üfürmək üçün

qəzəb körüyünün

təzə oksigenə ehtiyacı var...

Kənanın nə təsəlliyə, nə də könlünün ovunmasına ehtiyacı var, yalnız sağalmaq istəyir. Axı onun görəcəyi əsas işlər, yazacağı yeni əsərlər qarşıda, həyatının davamında onu gözləyir. Vəfalı həyat yoldaşı İlhamə xanımın Kənana böyük ehtiyacı var. Kənan sağalmalıdır ki, İlhamə xanımın yanında olsun. Səmimi deyirəm, Kənanın xanımı sədaqətli, fədakar bir qadındır. 7 ildən artıqdır onunla bir damın altında yaşayır, onun hər əzab-əziyyətinə dözür, dostumuzun nazını çəkir. Əlbəttə, bu hər qadının işi deyil. Sağ olun, İlhamə xanım, Allah sizi bir-birinizə çox görməsin! Kənan Hacı həyatda çox çətinliklərlə üzləşib, çox əziyyət çəkib, amma onlara qalib gəlib. Ümid edirəm ki, o, mənfur xəstəliyin də kürəyini yerə vurmağı bacaracaq. Əminəm ki, o gün uzaqda deyil. Hələlik, Kənan Hacı!

İradə SARIYEVA

DİGƏR XƏBƏRLƏR

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...