Azərbaycanın şimal və cənub zonasında əmlak alan əcnəbilərin şübhəli say artımı...

Tarix: 25.08.2015 / 03:58
Bölmə: Gündəm

Ölkədə daşınmaz əmlakın qiymətində xeyli ucuzlaşma qeydə alınsa da, hələ də istənilən aktivlik müşahidə olunmur. Hesab olunur ki, potensial alıcılar gözləmə mövqeyində olduğundan, mənzil və ya digər daşınmaz əmlak alışına tələsmirlər. Bu fonda maraq doğuran məqamlardan biri isə ölkə xaricində ev, kommersiya obyekti alan soydaşlarımızın sayında qeydə alınan artımlardır.
Ümumiyyətlə, son illərdə xaricdə daşınmaz əmlak alan soydaşlarımızın sayı çoxalmaqdadır. Əvvəlki kimi isə bu sırada əsas yeri Türkiyə, Rusiya, Avropa dövlətləri tutur. Məsələn, təkcə ötən ay Azərbaycan vətəndaşları Türkiyədən 68 mənzil alıb.

Türkiyə Statistika Qurumunun yaydığı məlumatda bildirilir ki, cari ilin 7 ayında isə azərbaycanlılara türklər 458 ədəd mənzil satıb. Qeyd edək ki, Türkiyə daxilində mənzil satışları 2015-ci ilin iyul ayında keçən ilin analoji dövrünə nisbətən 13,5% artaraq 96589 ədəd olub. Bu isə son beş ayın ən aşağı satış rəqəmləridir. İyulda Türkiyədən ən çox mənzili İraq, Səudiyyə Ərəbistanı və Rusiya Federasiyasının vətəndaşları alıb. Qeyd edək ki, Azərbaycan bu sırada 9-cu yerdə qərarlaşıb. Amma soydaşlarımız təkcə Türkiyədə ev almır. Yuxarıda qeyd olunduğu kimi, MDB, Avropa ölkələrində də ev alanların sayı kifayət qədərdir. Araşdırmalar göstərir ki, Azərbaycan vətəndaşları üç səbəbdən xaricdə ev alırlar. Birinci səbəb istirahətlə bağlıdır. Bura əsasən Türkiyə, Bolqarıstan, Gürcüstan aiddir. İkinci səbəb kapitalın yerləşdirilməsidir. Bura həm Türkiyə, eyni zamanda Böyük Britaniya, Almaniya, Çexiya və digər ölkələr daxildir. Üçüncü səbəb mənzil alınan ölkədə daimi yaşayış yerinin alınmasıdır. Məsələn, Macarıstanda və Portuqaliyada müəyyən məbləğə ev alanda daimi yaşayış yeri statusu verilir. Bu da vətəndaşın Şengen zonası birbaşa çıxışı deməkdir. Qərbi Avropada vətəndaşlarımızın ən çox üz tutduğu yer Böyük Britaniya və İspaniyadır. Ekspertlər azərbaycanlıların xaricdə daşınmaz əmlak sahibi olması hallarının hələ bundan sonra da artan xətt üzrə gedəcəyini proqnozlaşdırır. Amma xaricdə evi təkcə yaşamaq üçün almırlar. Orda əmlakın icarəsi yaxşı qazanc gətirir. Məsələn, Türkiyədə 70 minlik əmlak 10-12 faizlik illik gəlir vəd edir. Amma icarə bazarında qazanc hər yerdə eyni deyil. Dubay, Türkiyə və Bolqarıstanda il ərzində əmlakın dəyərinin 10-12 faizi, Almaniyada 3-4 faizi qədər pul götürmək olar. Onu da qeyd edək ki, xaricdə qiymətlərin aşağı olması ilə yanaşı, bəzi ölkələrin alıcıları cəlb eləmək üçün burdan ev alanlara müxtəlif güzəştlər etməsi də bu məsələdə az rol oynamır. Məsələn, Türkiyədə əcnəbilər üçün daşınmaz əmlak almaq məhdudiyyətinin aradan qaldırılması ölkənin turizm bölgələrində, eləcə də böyük şəhərlərdə inşa olunmuş minlərlə lüks mənzilin satılmasına imkan verib.
Bir məqamı da qeyd edək ki, xaricilərin də Azərbaycanın daşınmaz əmlak bazarına marağı artır. Belə ki, ötən il Azərbaycanda xarici ölkə vətəndaşlarına məxsus əmlakların sayı kəskin artaraq 2 850-yə çatıb. Bu, 2013-cü illə müqayisədə 53% çoxdur. Ümumilikdə, son 3 ildə ölkəmizdə xaricilərə məxsus əmlakların sayı 2 dəfədən çox artıb.
Maraqlıdır ki, xarici vətəndaşlar üçün Azərbaycanda əsas əmlak bazarı artıq Bakı deyil, regionlardır. Getdikcə daha çox xarici vətəndaş Azərbaycanın regionlarında əmlak almağa başlayıb. Ötən il xaricilərə məxsus olan 2 850 əmlakdan 1812-si və ya hər 3 əmlakdan 2-si regionların payına düşüb. Xaricilər ən çox cənub, Quba-Xaçmaz və Zaqatala-Balakən zonalarından əmlak almağa üstünlük verir. Belə ki, əcnəbilərə məxsus əmlakların sayına görə Bakıdan sonrakı yeri Cəlilabad, Lənkəran və Xaçmaz rayonları tutur. Azərbaycanda xaricilərin üstünlük verdiyi əmlakların növündə də dəyişiklik var. Belə ki, bir il əvvələ qədər ölkəmizdə xaricilərə məxsus ən çox əmlak mənzillər olduğu halda, hazırda torpaq sahələri daha böyük yer tutur. Əcnəbilərə məxsus əmlakların 1 275-i və ya təqribən 45%-i məhz torpaq sahələridir. Sonrakı yerləri mənzillər tutur. Paytaxtdan başqa, xaricilərin ən çox mənzil aldığı bölgələr Sumqayıt, Gəncə və Xaçmazdır. Xaricilərə məxsus torpaq sahələrinin isə böyük hissəsi Cəlilabaddadır.
Sonrakı yerləri Lənkəran, Şəmkir və Şirvan tutur. Xarici ölkə vətəndaşları Azərbaycanda ən çox fərdi evi Bakıda alıblar - 71 ev. Fərdi evlərin sayına görə sonrakı yeri Quba-Xaçmaz (və Zaqatala-Balakən zonaları tutur. Kommersiya obyektlərinə gəlincə, xaricilərə məxsus qeyri-yaşayış sahələrinin böyük hissəsi Bakıda yerləşir. Qarşıdakı müddət ərzində isə Azərbaycanda daşınmaz əmlak alan xaricilərin sayında daha böyük artım gözlənir.

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...