Yeni Milli Məclisdə qadınların sayı 80 və 85-ci illər səviyyəsində - 39 faiz...

Tarix: 20.08.2015 / 03:04
Bölmə: Gündəm

Ənvər Fərəcov: "Qadınların parlamentdə təmsil olunmaq nisbətinin artımına nail olmaq üçün onların ictimai fəallığının artmasına ehtiyac var"

"Bəzi stereotiplər var ki, buna müəyyən qədər maneçilik törədir"

"Hər bir kişinin arxasında güclü qadın dayanır" fikri artıq müasir zamanın tələblərində özünü doğrultmur. İndi qadınlar kişinin arxasında deyil, onunla birgə addımlayır. Kişilərlə yanaşı, qadınlar da idarəetmədə birgə fəaliyyət göstərir, yüksək postlar tuturlar.

Əvvəllər zərif cinsin cəmiyyətdə əldə etdiyi nailiyyətlər həkim və müəllim peşəsinə yiyələnməklə məhdudlaşırdısa, zaman keçdikcə müxtəlif peşə sahələri üzrə qadınların cəmiyyətdəki rolu artmağa başladı. Bununla da qadın tək həkim və müəllim sənətinə yiyələnmək deyil, həmçinin millət vəkili, təşkilat rəhbəri, başçı, müavin kimi vəzifələrə sahib olmaq şansı qazandı. Ümumiyyətlə, icra strukturlarında çalışan xanımların say göstəricisi yüksəkdir. Belə ki, 35 icra hakimiyyəti başçısının müavini qadındır. Bundan başqa, digər sahələrdə yüksək vəzifə tutan qadınların sayı üstünlük təşkil edir. Ölkənin sosial-iqtisadi həyatında fəal iştirak edən Azərbaycan qadınlarının məşğul əhalinin ümumi sayındakı xüsusi çəkisi 48,4 faizdir. Ümumtəhsil müəssisələrində müəllimlərin 76,3 faizi, orta ixtisas təhsil müəssisələrində 77,4 faizi, ali təhsil müəssisələrində 49 faizi, həkimlərin isə 63,9 faizi qadınlardır.

Bu il parlament seçkilərinin keçirildiyini nəzərə alsaq, qadınların orada təmsil olunma səviyyəsi aktuallaşır. Müşahidələr göstərir ki, Milli Məclisdə qadın millət vəkillərinin sayı seçkidən-seçkiyə artır. Əgər 1990-cı ildə bütün deputatların 4,3 faizini, 2000-ci ildə 10,7 faizini qadınlar təşkil edirdisə, bu gün ölkə parlamentində qadınların xüsusi çəkisi 16 faizə çatıb. 4-cü çağırış Milli Məclisə keçirilən seçkilərin nəticələri parlamentdə qadın deputatların sayının artdığını deməyə əsas verir. 3-cü çağırış Milli Məclisdə xanım millət vəkillərinin sayı 14 nəfər idi. Ancaq qeyd edək ki, 1980-1985-ci illərdə ovaxtkı Ali Sovetdə təmsil olunan deputatların 40 faizə qədəri qadın idi. Görünən odur ki, həmin dövrdən sonra qadınlar böyük faiz nisbəti ilə parlamentdə təmsil olunmayıb. Bütövlükdə, bu nisbəti artırmaq üçün nə etmək lazımdır?

Məsələyə münasibət bildirən sosioloq Ənvər Fərəcovun fikrincə, bu il qadınların parlamentdə təmsil olunma nisbətinin bir az da artacağı gözlənir: "Doxsanıncı illərin əvvəllərinin qarmaqarışıq dövrə təsadüf etməsi, müəyyən hadisələr səbəbindən qadın deputatların sayı az oldu. Digər tərəfdən, millət vəkili olmaq bir qədər çətin peşədir. Bəzi stereotiplər də var ki, buna müəyyən qədər maneçilik törədir. Söhbət qadınlardan gedirsə, məsələyə bir qədər həssas yanaşmaq tələb olunur. Bundan başqa, yerli mental xüsusiyyətlər də buna öz təsirini göstərir. Qadınların parlamentdə təmsil olunmaq nisbətinin artımına nail olmaq üçün onların ictimai fəallığının artmasına ehtiyac var.

Müşahidələr göstərir ki, ilbəil bu istiqamətdə vəziyyət müsbətə doğru dəyişir. İcra strukturlarında təmsil olunan qadınlar artır. Bu da, öz növbəsində, digər dövlət strukturlarında təmsil olunan qadınların sayının artmasına öz müsbət təsirini göstərir. O baxımdan bütün bunlardan çıxış edərək güman edirəm ki, budəfəki parlament seçkilərində əvvəlkinə nisbətən daha çox qadın millət vəkili seçilə bilər".

Vidadi ORDAHALLI

DİGƏR XƏBƏRLƏR

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Tarix: 18.06.2026 / 11:35

Tramp dünyanı yenə heyrətləndirdi...

Prezidentin aqrar müşavirəsi liberal iqtisadiyyat yolunda yeni mərhələ açır...