Leyla və Arif Yunusların cinayət əməlləri məhkəmədə tam sübuta yetirildi

Tarix: 07.08.2015 / 03:38
Bölmə: Gündəm

Dünən Bakı Ağır Cinayətlər Məhkəməsində hakim Əfqan Hacıyevin sədrliyi ilə müxtəlif cinayət əməllərində şübhəli bilinən Sülh və Demokratiya İnstitutunun direktoru Leyla Yunus və onun həyat yoldaşı Arif Yunusun məhkəmə prosesi davam etdirilib.

Proses başladıqdan sonra dövlət ittihamçısı geniş ittiham nitqi ilə çıxış edərək ibtidai istintaq zamanı L.Yunus və A.Yunusun cinayət əməllərinin tam təsdiqini tapdığını bildirib. Qeyd edilib ki, L.Yunus Azərbaycan Qadınları Ön Qafqazda Sülh və Demokratiya Uğrunda təşkilatına sədr müavini təyin olunmasına dair hər hansı rəsmi sənədi müvafiq orqanlara təqdim etmədən qurumun "Unibank"dakı hesablaşma hesabları üzrə əməliyyatları həyata keçirməyə səlahiyyət verən 04 iyun və 21 noyabr 2002-ci il tarixli "İmza və möhür nümunələri vərəqəsi"ndəki şəxsi imzasını notarial qaydada təsdiqlədib. Daha sonra isə o, çek kitabçasının verilməsinə dair rəsmi sənədin məzmununa guya həmin QHT-nin direktoru olması barədə yalan məlumatlar daxil edib, imzalayıb və banka verərək çek kitabçaları alıb. Təsisçisi və sədri olduğu, lakin dövlət qeydiyyatına alınmamış Sülh və Demokratiya İnstitutunun layihələri üzrə bir neçə donor təşkilatı ilə qrant müqaviləsi bağlayan L.Yunus onları müvafiq icra hakimiyyəti orqanında qeydiyyata aldırmayıb və görülmüş işlərə görə vergiləri ödəməmək üçün Azərbaycan Qadınları Ön Qafqazda Sülh və Demokratiya Uğrunda təşkilatının adına rəsmiləşdirməklə 159.842,29 manat, 580.978,94 ABŞ dolları, 241.338,49 avro məbləğində pul vəsaitlərinin qurumun bank hesablarına köçürülməsini təmin edib. Daha sonra isə o, "Mühasibat uçotu haqqında" Qanunun tələblərini kobud şəkildə pozaraq həmin pul vəsaitlərinin konvertasiya nəzərə alınmaqla 172.959 manat, 596.990 dollar, 262.432,5 avro məbləğində hissələrini kassa çek vərəqləri ilə nağdlaşdırıb və çıxarıb. Bununla da L.Yunus dövlət orqanlarında qeydiyyata alınmayan qrant müqavilələri üzrə 526.943 manat məbləğində gəlir əldə edib. Lakin o, Vergi Məcəlləsinin 83.9, 101.1, 150.1.7, 159.1, 161.1-ci maddələrinə uyğun olaraq 369.378 manat (136.727,15 manat əlavə dəyər vergisi, 25.319,84 manat mənfəət vergisi, 207.331,52 manat ödəmə mənbəyində tutulan vergi) miqdarında vergiləri ödəməkdən yayınıb. Dövlət ittihamçısı bildirib ki, L.Yunus qanunsuz sahibkarlıq fəaliyyəti göstərməklə dövlətin və Azərbaycan Qadınları Ön Qafqazda Sülh və Demokratiya Uğrunda təşkilatının mənafelərinə zərər vurub.

Eyni zamanda, L.Yunus əri Arif Yunusla əlbir olaraq 3 xarici donor təşkilatı tərəfindən 2009-2012-ci illər ərzində Azərbaycan Qadınları Ön Qafqazda Sülh və Demokratiya Uğrunda təşkilatının "Unibank" ASC-də yerləşən 2 hesablaşma hesablarına köçürülmüş 88.910 ABŞ dolları məbləğində pul vəsaitinin 88.468 ABŞ dolları məbləğində hissəsini saxta sənədlərlə nağdlaşdırıb. Bundan sonra L.Yunus həmin pulu 3 dəfəyə (20.000, 31.000 və 20.000 dollar - cəmi 71.000 dollar) özünün həmin bankdakı iki hesabına mədaxil edib. 2014-cü il aprelin 14-də isə üzərinə gələn faizlərlə birlikdə 78.130,42 ABŞ dolları məbləğində nağd pulu şəxsi hesablarından çıxararaq A.Yunusun "Unibank"dakı hesabına mədaxil edib və dərhal da Praqa şəhərində yerləşən "Sberbank CZ" kommersiya bankındakı şəxsi bank hesabına köçürüb. Beləliklə, L.Yunus donor təşkilatların Azərbaycan Qadınları Ön Qafqazda Sülh və Demokratiya Uğrunda təşkilatının hesabına köçürdüyü 78.130,42 dolları etibardan sui-istifadə etməklə ələ keçirib. Məhkəmə araşdırması zamanı L.Yunusun bu dələduzluq əməlləri faktlarla sübuta yetirilib.

Dövlət ittihamında Leyla və Arif Yunusların cinayət əməllərini təsdiq edən sənədlərin siyahısı isə həqiqətən də baş gicəlləndirir:

- onlarla şahid ifadələri;

- məhkəmə-xətşünaslıq, məhkəmə-mühasibatlıq və məhkəmə-sənədlərin texniki ekspertizasının rəyləri;

- bütün fəaliyyət dövrləri üzrə donor təşkilatları tərəfindən ayrılmış qrant vəsaitlərinə dair aparılmış əməliyyatların qanunsuz olduğunu təsdiq edən sənədlər;

- vergi qanunvericiliyinin tələblərinin kobud şəkildə pozulması faktları və buna dair Vergilər Nazirliyinin, Qeyri-hökumət Təşkilatlarına Dövlət Dəstəyi Şurasının səlahiyyətli nümayəndələri ilə birlikdə Maliyyə Nazirliyi Dövlət Maliyyə Nəzarəti Xidməti tərəfindən yoxlamasının nəticələrinə dair akt;

- məhkəmə qərarları əsasında "Unibank"dan götürülmüş Azərbaycan Qadınları Ön Qafqazda Sülh və Demokratiya Uğrunda Cəmiyyətinin, Leyla Yunus və Arif Yunusun bank hesablarının açılma ərizələri, imza və möhür nümunəsi vərəqləri, məxaric orderləri, çek kitabçaları barədə ərizələr, müqavilələr, çeklər, fərdi sahibkarların (fiziki şəxslərin) imza nümunələri vərəqləri, L.Yunusun Azərbaycan Qadınları Ön Qafqazda Sülh və Demokratiya Uğrunda Cəmiyyətinin direktoru və rəhbəri kimi "Unibank" ASC-nin "STB" filialına ünvanlanan müraciətləri, hesablardan çıxarışlar, "Accessbank" Açıq Səhmdar Cəmiyyətindən L.Yunus və A.Yunusun şəxsi hesablarına dair müqavilələr, ödəmə tapşırıqları və digər bank sənədləri;

- Azərbaycan Qadınları Ön Qafqazda Sülh və Demokratiya Uğrunda Cəmiyyətinin təsis, qeydiyyat və qeyri-hökumət təşkilatı kimi fəaliyyətinə dair sənədlər, baxış, axtarış və götürmə protokolları;

- Vergilər Nazirliyinin Azərbaycan Qadınları Ön Qafqazda Sülh və Demokratiya Uğrunda Cəmiyyətinin vergi ödəyicisi kimi uçotda durmaqla VÖEN-ə malik olması və öz fəaliyyəti barədə vergi orqanına "sıfır" hesabatlar təqdim etməsinə dair, o cümlədən L.Yunus və A.Yunusun vergi ödəyicisi kimi uçotda durmamasına dair sənədlər;

- təqsirləndirilən şəxslərin 2014-cü il mayın 28-də Bakı-Doha aviareysi ilə uçmaq istəyərkən saxlanan zaman hər ikisinin ölkəni tərk etmək niyyətini təsdiqləyən yeni pasportlar, 5 illik "Şengen" vizası, Moskva şəhərindən alınmış elektron biletlər;

- Arif Yunusun mülkiyyətində Türkiyənin Antalya ilə Manavgat ilçəsi Örenşehir kəndində 3.539,07 kvadratmetr ölçüyə malik daşınmaz əmlak və torpaq sahəsinin mövcudluğunu təsdiqləyən mülkiyyət şəhadətnaməsi;

- Bakı şəhəri, Yasamal rayonu, Nərimanov prospekti, 125 saylı evin 4 nömrəli mənzilinə dair dövlət reyestrindən çıxarış;

- Çexiya Respublikasının Praqa şəhəri Letnani küçəsi 5057 ünvanda yerləşən mənzilə dair sənədlər;

- Arif və Leyla Yunusların Almaniyanın "Volksbank", Çexiyanın "Sberbank", Türkiyənin "Yapı Kredi" bank, Azərbaycanın "Accessbank", "Unibank" banklarında hesablarına dair maliyyə sənədləri;

- daşınmaz əmlakın dövlət reyestrindən çıxarışlar;

- həmçinin istintaq qurumuna ünvanlanmış və məhkəmədə tədqiq edilən sair sənədlər L.Yunus və A.Yunusun əməllərində cinayət tərkibinin olduğunu təsdiq edən faktlar və sənədlərdir. Bütün bunlar Yunusova Leyla İslam qızının əməlində Azərbaycan Respublikası CM-nin 178.3.2, 192.2.2, 213.2.2, 320.1 və 320.2-ci, Yunusov Arif Seyfulla oğlunun əməlində isə CM-nin 178.3.2-ci maddəsinin tərkib əlamətlərinin mövcud olmasını tam təsdiq edir.

Dövlət ittihamçısı CPM-nin 38-ci maddəsinə əsasən, Yunusova Leyla İslam qızının Azərbaycan Respublikası CM-nin 178.3.2, 192.2.2, 213.2.2, 320.1 və 320.2-ci maddələri ilə təqsirli bilinərək, CM-nin 178.3.2-ci maddəsi ilə 9 il müddətinə azadlıqdan məhrum etmə, CM-nin 192.2.2-ci maddəsi ilə 4 il müddətinə azadlıqdan məhrum etmə, CM-nin 213.2.2-ci maddəsi ilə 3 il müddətinə dövlət və yerli özünüidarə orqanlarında rəhbər və maddi məsul vəzifə tutmaq hüququndan məhrum edilməklə 5 il müddətinə azadlıqdan məhrum etmə, CM-nin 320.1-ci maddəsi ilə 1 il 6 ay müddətinə azadlıqdan məhrum etmə və CM-nin 320.2-ci maddəsi ilə 9 ay müddətinə azadlıqdan məhrum etmə cəzasına məhkum edilməsini, CM-nin 66-cı maddəsinə əsasən təyin edilmiş cəzaların toplanması aparılmaqla üzərində qəti olaraq 3 il müddətinə dövlət və yerli özünüidarə orqanlarında rəhbər və maddi məsul vəzifə tutmaq hüququndan məhrum edilməklə 11 il müddətinə azadlıqdan məhrum etmə cəzasının saxlanmasını istəyib. Dövlət ittihamçısı həm də Yunusov Arif Seyfulla oğlunun CM-nin 178.3.2-ci maddəsi ilə təqsirli bilinərək 9 il müddətinə azadlıqdan məhrum etmə cəzasına məhkum edilməsini, ibtidai istintaq zamanı üzərinə həbs qoyulmuş əmlakların iş üzrə vurulmuş ziyanın ödənilməsinə yönəldilməsini məhkəmədən xahiş edib.

Bundan sonra zərərçəkmiş şəxsin nümayəndəsi Şöhlət Allahmanov çıxış edərək dövlət ittihamçısının çıxışı ilə razı olmasını, sübutlarla yanaşı, L.Yunusun məhkəmə baxışı zamanı qeyri-etik davranışlarının da onun şəxsiyyətini mənfi xarakterizə edən hal kimi nəzərə alınmasını istəyib.

Bundan sonra məhkəmə təqsirləndirilən şəxslərin müdafiəçilərinə çıxış etmək üçün söz verib. Müdafiəçilər müdafiə çıxışına hazırlaşmaq üçün vaxt verilməsini xahiş etdiklərinə görə növbəti iclas avqustun 10-na saat 10:00-a təyin edilib.

Qeyd edək ki, ötən məhkəmə proseslərində L.Yunus bir neçə dəfə hay-küy salaraq məhkəmə prosesini pozmağa çalışıb. O, həmçinin, dövlət ittihamçısının çıxışına mane olmağa cəhd edib, hətta ona qarşı təhqiramiz ifadələr işlədib. Buna münasibət bildirən Strateji Araşdırmalar İnstitutunun (SAİ) rəhbəri, politoloq Ramiz Alıyev deyib ki, Leyla Yunus və onun kimi ölkəmizin imicinə və nüfuzuna xələl gətirmək üçün görəvləndirilən şəxslərin nə Azərbaycan qanunlarına, nə də dövlətimizin rəmzlərinə hörməti var.

Leyla Yunusun bundan öncə polis əməkdaşının üzərində Azərbaycan gerbi olan papağına əl ataraq yerə atdığını xatırladan politoloq deyib ki, bu qadın bütün hərəkətləri, fikirləri ilə Azərbaycanın dövlət rəmzlərinə, dövlətçiliyimizə hörmətsiz yanaşdığını ortaya qoyur: "Əlbəttə, bütün bunlar onları xaricdən idarə edən, maliyyələşdirən təşkilatlara, erməni lobbisinə və xarici xidmət orqanlarına hesablanmış addımlardır. Leyla Yunus kimiləri də bu cür addımları ilə göstərmək istəyirlər ki, onlar üçün nə qanun, nə də ölkə maraqlı deyil.

Əslində bu insanlar anlamır ki, məhkəməni və dövlət rəmzlərimizi təhqir etməklə nüfuzlarını bir az da düşürmüş olurlar. Guya bu insanlar qanunun aliliyini istəyir. Amma özləri qanunu pozur, qanunu tənzimləyən orqanları təhqir edirlər. Demokratiyadan danışırlar. Hansı demokratik cəmiyyətdə, dövlətdə qanunu təmsil edən qurumları və dövlət qulluqçularını təhqir etmək olur? Bu adamların əməlləri ilə bəyanatları üst-üstə düşmür".

Politoloq Leyla Yunusun narahatlığına səbəb olan amili də açıqlayıb: "Əslində Leyla Yunusun narahatlığı bu il ölkəmizdə keçiriləcək parlament seçkiləri ilə əlaqədar himayədarları tərəfindən təxribatlara ayrılacaq maliyyə vəsaitindən kənarda qalması ilə bağlıdır".

Xəbər xidməti

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...