Azərbaycanla İran bir peykdə...

Tarix: 05.08.2015 / 03:05
Bölmə: Gündəm

Şahin Muradov: "İranın bu istiqamətdə bir qədər gec qərar verməsi təbiidir ki, ölkəyə tətbiq olunan embarqo ilə bağlı idi"

"İranın böyük dövlət olduğunu nəzərə alsaq, onda onların peykdən maksimum istifadəsi meyli ortaya çıxacaq"

"İran Azərbaycan peyklərindən istifadə sahəsində Azərbaycanla əməkdaşlıq edə bilər". Bunu Azərbaycan Respublikası ilə İran İslam Respublikası arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının həmsədri Şahin Mustafayevin Tehrana səfəri (3-4 avqust) öncəsi müsahibə verən İran-Azərbaycan hökumətlərarası komissiyasının katibliyinin rəhbəri Mehdi Möhtəşəmi bildirib.

O deyib ki, Azərbaycan Rabitə və Yüksək Texnologiyalar Nazirliyi ilə İran Rabitə və İnformasiya Texnologiyaları Nazirliyi arasında əlaqələr yüksək səviyyədədir: "Ötən il cənab Mahmud Vaezi "BakuTel-2014" sərgisində iştirak etdi. Həmçinin Əli Abbasov Tehrana səfər etmişdi. Səfər zamanı onu Azərbaycanın müxtəlif qurumlarından və şirkətlərindən nümayəndələr müşayiət edirdi. İndi də cənab Şahin Mustafayevin başçılıq etdiyi nümayəndə heyətinin tərkibində rabitə və yüksək texnologiyalar nazirinin müavini cənab İltimas Məmmədovu da dəvət etmişik. Onun üçün xüsusi görüşlər proqramlaşdırmışıq. Belə görüşlərdən biri "Pardis" texnoparkında, digəri isə İran Televiziyasında olacaq".

Onun sözlərinə görə, İran şirkətləri rabitə və informasiya texnologiyaları sahəsində Azərbaycanla əməkdaşlıq etməkdə maraqlıdır.

M.Möhtəşəmi qeyd edib ki, İran Televiziyasının proqramlarının Azərbaycan peykində yayımlanması ilə bağlı yalnız Rabitə və İnformasiya Texnologiyaları Nazirliyi qərar vermir. İranın bəzi təşkilatları, o cümlədən Dövlət Televiziyası yayım haqqında rəyini bildirməlidir və birgə rəy əsasında qərar veriləcək: "Hazırda biz məlumatları toplayırıq və peykin potensialından nə dərəcədə istifadə edəcəyimizi dəyərləndiririk. Sevindirici haldır ki, bu səfərdə cənab İltimas Məmmədov İran Dövlət Televiziyasının rəsmiləri ilə görüşəcək və bu sahədə danışıqlar aparacaq. İndiyədək danışıqlar yaxşı səviyyədə aparılıb, layihələr müəyyən olunub. Texniki məsələlər də öz həllini tapmalıdır ki, bu sahədə saziş imzalansın".

İKT üzrə ekspert Şahin Muradov qəzetimizə açıqlamasında bildirdi ki, İranın Azərbaycan peyklərindən istifadə etmək niyyətini bəyan etməsi sevindirici haldır: "Çünki Azərbaycan həmin layihəyə külli miqdarda vəsait ayırıb. Məqsəd həm öz ehtiyaclarımızı ödəməklə yanaşı, həm də layihənin rentabelliyindən qazanc əldə etməkdir. Azərbaycanın orbitə çıxardığı peyklərin buna tam imkanı çatır. Bir neçə ölkə bizim bu xidmətimizdən yararlanır. İranın bu istiqamətdə bir qədər gec qərar verməsi təbiidir ki, ölkəyə tətbiq olunan embarqo ilə bağlı idi. İndi həmin istiqamətdə yaşanan problemlər yoluna düşüb. İran müxtəlif istiqamətlər üzrə əməkdaşlıq etməkdə maraqlı olduğunu bəyan edib. Bu sahədə əməkdaşlığın başlaması hər iki ölkə üçün faydalıdır. Xüsusilə də İranın böyük dövlət olduğunu nəzərə alsaq, onda onların peykdən maksimum istifadəsi meyli ortaya çıxacaq".

Məhəmmədəli QƏRİBLİ

DİGƏR XƏBƏRLƏR

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Prezidentin aqrar müşavirəsi liberal iqtisadiyyat yolunda yeni mərhələ açır...