Sumqayıtda bank-kredit sektorunun media, debitor və ictimaiyyətlə əlaqələri müzakirə edildi

Tarix: 05.08.2015 / 03:10
Bölmə: Gündəm

Fərqlənənlərə "Kred Aqro" BOKT-un və ZMM-in diplomları təqdim olunub

"Bakı-Xəbər" ilk beşlikdə yer aldı

Zərdabi Mətbuat Mərkəzi və "Kred Aqro" Bank Olmayan Kredit Təşkilatı Sumqayıtda "Azərbaycanda bank-kredit sektorunun media, debitor və ictimaiyyətlə əlaqələri təcrübəsindən, mövcud durum və həllini gözləyən vəzifələr" mövzusunda Dəyirmi masa keçirib, "Kred Aqro" BOKT-un şəhərdəki filialında düzənlənən tədbiri Sumqayıt Şəhər İcra Hakimiyyətinin nümayəndəsi Seyfəddin Rəhimov açıb.

O, iki qurumun "Bank-kredit sektorunun media, debitor və ictimaiyyətlə əlaqələrinin artırılmasında stimullaşdırıcı tədbirlərin rolu və onun həyata keçirilməsi yolları" layihəsi çərçivəsində keçirdiyi Dəyirmi masanın kimyaçılar şəhərində də hər üç cinah arasında əlaqələrin inkişafına təsirsiz ötüşməyəcəyini deyib.

Sonra Zərdabi Mətbuat Mərkəzinin sədri Rəhim Hüseynzadənin məruzəsi dinlənib. Jurnalist təşkilatının rəhbəri dördüncü ilə qədəm qoyan qarşılıqlı əməkdaşlığı ölkədə media və bank-kredit sektorunun birgə tərəfdaşlığına dair ən uzunmüddətli nümunə adlandırıb. Bunun davamını şərtləndirən cəhətlərin təhlilini verib: "2012-ci ili əhatə edən ilk layihəmizə Bakıda gündəlik çıxan, ictimai fikrə təsir edən kütləvi informasiya vasitələri daxil idi. Layihələrimiz bir il sonra regional KİV-ləri, 2014-cü ildən isə debitorları əhatə etdi. Cari ildə "Kred Aqro"nun 15 yaşı tamam olduğundan, bütün tədbirlərimizdə fərqlənənlərin mükafatlandırılması qərarlaşdırılıb".

Məruzəçi layihələrin davamını şərtləndirən əsas səbəblər sırasında kredit təşkilatı rəhbərlərinin media ilə qarşılıqlı tərəfdaşlığa daim diqqətlə yanaşmasını da göstərib. Eyni zamanda qeyd edib ki, bu öz müsbət nəticələrini monitorinqi aparılan KİV-lərdə sahəyə aid yayımlanan materialların sayında, keyfiyyətində göstərməkdədir: "Müqayisə üçün deyim ki, əgər layihəyə başladığımız 2012-ci ilin aprelində monitorinqi aparılan 31 KİV-də sahəyə dair cəmi 200 yazı verilmişdisə, 2013-cü ilin müvafiq dövründən indiyədək müsbət fərq bundan azı iki dəfə çoxdur. 2013-cü ildə mövzuya aid 8840 material yayımlanmışdısa, 2014-cü ilin 9 ayında bundan çox yazının (9874) təqdimatı qeydə alınıb.

R.Hüseynzadə cari ildə medianın baş mövzusunun I Avropa Oyunlarının olmasına baxmayaraq, inkişaf tendensiyasının davamını müsbət hal kimi dəyərləndirib. Son iki ilin 4 aylıq müqayisəsində sahəyə aid informasiyaların, maarifləndirici yazıların artmasını misal çəkib.

2015-ci ilin 4 ayında ümumilikdə ötən ilin müvafiq dövrünə nisbətən 148 çox material verildiyini vurğulayan məruzəçi (4096-3916) bu rəqəmin yarıdan çoxunun cəmi 7 informasiya agentliyinin payına (2221) düşdüyünü söyləyib. Burada ilk üçlüyün "Trend" (537), "Azeri-press" (APA) informasiya agentliklərinə (538) və "AzərTAc"a (512) məxsus olduğunu, qəzetlərdən isə ilk beşliyə "Bakı-Xəbər"in, "Həftə içi"nin, "Mövqe"nin, "İqtisadiyyat"ın və "Yeni Müsavat"ın daxil olduğunu bildirib.

"Kred Aqro" BOKT-un təchizat və təbliğat üzrə mütəxəssisi Asif Həmzəyev öncə tədbir iştirakçılarına təmsil etdiyi qurum barədə məlumat verib: "Kred Aqro" BOKT 2000-ci ildə ABŞ-ın qeyri-hökumət beynəlxalq inkişaf təşkilatı ACDİ/VOCA tərəfindən təsis olunub. Məqsəd Azərbaycanın bütün bölgələrində fəaliyyət göstərən mikro və kiçik biznes nümayəndələrinə maliyyə xidmətləri etməkdir. Missiyamız regionlarda fəaliyyət göstərən fermer təsərrüfatlarına maliyyə xidmətləri göstərməklə müştərilərimizin həyat səviyyəsini, iqtisadi imkanlarını yüksəltmək, bununla da yerli icmaları inkişaf etdirməkdir.

2008-ci ildə şirkət kənd təsərrüfatı sektoruna verdiyi töhfələrə görə UĞUR milli mükafatına layiq görülüb. 2012-ci ildə isə bank olmayan kredit təşkilatları arasında "İlin şirkəti" seçilib. Təşkilat həmçinin Fransanın paytaxtı Parisdə "Bisiness İnitiative Directions" şirkətinin təşkilatçılığı ilə keçirilən tədbirdə "WQC AVARD" mükafatının "Qızıl" kateqoriyasına layiq görülüb". A.Həmzəyev bu uğurlarda media ilə əməkdaşlığın roluna dair konkret misallar çəkib. O, bir qrup fəal debitora "Kred Aqro" BOKT-un diplomlarını və qiymətli hədiyyələrini təqdim edib. Mükafatlandırılanlardan Mətanət Əliyeva, Vəkil İbrahimov, Fərman Həsənov, Həbibə Mirzəcəfər və Yaşar Mirheydərov təşkilatdan aldıqları kreditlərin kiçik sahibkar kimi fəaliyyətlərinin inkişafına necə sərf etmələrindən danışaraq medianın da stimullaşdırıcı rolunun genişlənməsinə ciddi ehtiyacın olduğuna diqqət çəkiblər.

Tədbirdə Sumqayıtda çıxan bir sıra mətbu orqanlara Zərdabi Mətbuat Mərkəzinin diplomları təqdim olunub. Mükafatlandırılan qəzetlərin baş redaktorları Qüdrət Məlikov ("Sumqayıt"), Hüseyn Əzizoğlu ("Araz"), Rafiq Oday ("Möhtəşəm Azərbaycan"), Vüsal Məmmədov ("168-ci saat") və Namiq Məmmədov ("Sabaha inamla") belə yanaşmanın onları sahəni daha geniş işıqlandırmağa sövq etdiyini deyiblər.

Tədbirdə bank-kredit qurumlarının Sumqayıtda fəaliyyət göstərən filiallarının nümayəndələri Elvin Qasımov ("Kred Aqro" BOKT), Cavid Vəliyev ("Bank of Baku"), Jalə Əlişova ("Acceses Bank") və Rüfət Ağayev ("Parabank") layihənin ictimai əhəmiyyətini vurğulayıblar və bu istiqamətdə bir sıra təkliflərini səsləndiriblər.

Xəbər xidməti

DİGƏR XƏBƏRLƏR

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Tarix: 18.06.2026 / 15:31

"Trampla İranın gizli razılaşdıqları başqa bir mətn var" - İddia...

Prezidentin aqrar müşavirəsi liberal iqtisadiyyat yolunda yeni mərhələ açır...