Xankəndidə antiterror əməliyyatı – Azərbaycan tarixinə yazılan dönüş nöqtəsi

Tarix: 15.09.2025 / 22:19
Bölmə: Gündəm

"Azərbaycan Respublikasının ərazi bütövlüyünün və suverenliyinin bərpasında həlledici hadisələrdən biri – Xankəndidə 2023-cü ilin sentyabrında həyata keçirilən antiterror tədbirlərindən iki il ötür. Qısa müddətdə aparılan əməliyyat nəticəsində separatçı silahlı birləşmələr tərksilah edildi, qeyri-qanuni rejim fəaliyyətini dayandırdı və ölkəmizin tam suverenliyi təmin olundu". Baki-xeber.com xəbər verir ki, bu sözləri Azərbaycan Respublikası Milli Məclisinin deputatı Elnarə Akimova 2 il əvvəl Xankəndidə keçirilən antiterror əməliyyatının vacibliyindən danışarkən deyib. Onun sözlərinə görə, 2020-ci il Vətən müharibəsindən sonra bölgədə mövcud olmuş separatçı qüvvələrin törətdiyi təxribatlar dövlətin təhlükəsizliyinə ciddi təhdid idi: "Azərbaycan Silahlı Qüvvələri 2023-cü ilin 19-20 sentyabrında lokal xarakterli antiterror tədbirləri ilə Xankəndi və ətraf ərazilərdə separatçılığa son qoydu. Əməliyyatın cəmi bir gün ərzində nəticə verməsi dövlətin gücünü, dəmir iradəsini və regionda yeni reallıqların formalaşmasını təsdiqlədi". Millət vəkili qeyd edtdi ki, əməliyyatdan az sonra dövlət başçısı, Prezident İlham Əliyevin Xankəndiyə səfəri Azərbaycan tarixi üçün dönüş nöqtəsi oldu. "Prezidentin şəhərdə Azərbaycan Bayrağını ucaltması, həmçinin burada dövlət idarələrinin, infrastruktur layihələrinin, sosial obyektlərin açılışlarında iştirakı suverenliyin praktiki bərpasının rəmzinə çevrildi. Bu hadisə yalnız hərbi-siyasi qələbə deyil, həm də milli qürurun ən yüksək ifadəsi idi". Millət vəkili onu da vurğuladı ki, 2024-cü ildə Prezident İlham Əliyevin sərəncamı ilə təsis edilən və qısa müddətdə fəaliyyətə başlayan Qarabağ Universiteti təhsil ocağı deyil, həm də Xankəndinin gələcəyinin, yeni həyatının simvoluna çevrilib. "Prezident bu şəhərə son səfəri zamanı dedi ki, "Xankəndi tələbələr şəhəri olacaq". Bu fikir bölgənin sosial-mədəni inkişaf konsepsiyasının əsasını təşkil edir. Qarabağ Universiteti həm yerli gənclərin, həm də ölkənin müxtəlif bölgələrindən gələn tələbələrin təhsil və mədəni həyat mərkəzinə çevriləcək. Ümumiyyətlə, son iki ildə Azərbaycan dövləti Xankəndi və ümumilikdə Qarabağ regionunda sistemli şəkildə bərpa və reinteqrasiya işləri aparır: - Dövlət idarələri tam fəaliyyətə başlayıb, hüquqi sistem bərpa edilib; - Yeni yollar, sosial obyektlər, məktəblər və səhiyyə müəssisələri inşa olunub; - Qarabağ Universitetinin yaradılması ilə gənclər üçün təhsil və inkişaf imkanları genişlənib; Reinteqrasiya prosesinə cəmiyyətin bütün təbəqələri cəlb edilib, bölgədə sabitlik və normal həyat bərpa olunmaqdadır. Xankəndidə antiterror əməliyyatından iki il sonra Azərbaycan artıq bölgədə dayanıqlı inkişaf mərhələsinə qədəm qoyub. Qısa müddətdə əldə edilən nəticələr ölkəmizin siyasi sabitliyini, hərbi gücünü və diplomatik mövqelərinin möhkəmliyini təsdiqləyir. Xankəndidə Prezidentin iştirakı ilə həyata keçirilən açılışlar, Qarabağ Universitetinin fəaliyyətə başlaması və dövlət simvollarının ucaldılması bu reallığın təsdiqidir: Azərbaycan dövləti suverenliyini tam bərpa edib və Qarabağın bütün şəhərlərində milli bayraq əbədi dalğalanacaq",- deyə E.Hakimova fikrini tamamladı.

DİGƏR XƏBƏRLƏR

Tarix: 04.09.2026 / 14:33

Azərbaycanlı professor “The Guardian”ı fakt qarşısında qoydu - Qarabağla bağlı təhriflərə etiraz olundu

Tarix: 04.09.2026 / 10:41

Azərbaycan Respublikasının Medianın İnkişafı Agentliyi bəyanat yaydı

Tarix: 03.09.2026 / 20:54

Tramp son 100 ildə heç bir Amerika prezidentinin etmədiyini etdi...

Tarix: 31.08.2026 / 11:22

Azərbaycan QHT-ləri beynəlxalq əməkdaşlığı genişləndirir

Tarix: 29.08.2026 / 06:37

Özəldən maraqlı Kılıçdaroğlu açıqlaması - “… günlərini sayır…”

Tarix: 26.08.2026 / 23:33

Rəşid Behbudovun qızı Polad Bülbüloğluna yazdı - “Mənim sevimli quşcuğazım..."

Tarix: 26.08.2026 / 15:54

İsti hava Avropa iqtisadiyyatının və insanlarının axırına çıxır

Tarix: 26.08.2026 / 07:48

İran və Oman Hörmüzdən gəmilər üçün müvəqqəti keçid barədə anlaşdı

Tarix: 24.08.2026 / 06:15

Avropanın 100 diplomatından Fələstin etirazı - İsrailə qarşı sanksiyalar tələb olundu

Tarix: 22.08.2026 / 21:54

“Bakıda Azərbaycan, Özbəkistan və Türkiyə qadınlarını bir araya gətirən Birlik Gecəsi keçirilib

Tarix: 21.08.2026 / 06:47

Trampın əsəbiliyi İran mövzusunda məyusluqdandır - "The Washington Post"…

Tarix: 20.08.2026 / 20:54

Türkiyə "İsrailin tələsinə" düşməyəcək - Burhanəddin Duran

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 06.09.2026 / 10:23

Qarabağda əbədiləşmiş şəhid ruhları, həvəskar "xəttatların” yad əməlləri... - Aydın QULİYEV yazır

Tarix: 03.09.2026 / 21:48

Səfərbərlik rəisi İbrahimovdan super dürüst mövqe - Həqiqi oxuyana, işləyənə güzəşt olacaq...

Tarix: 03.09.2026 / 20:23

Putin 102-ci bazanı da Ermənistandan çıxara biləcəyini açıq dedi - tam aydınlıq içində müəmma...

İnzibati məcəllədə son dəyişikliklər hüquqi fəallığın artırılmasında təsirli rol oynayır...