Trampın və Putinin kəşfiyyat səhvləri yanaşı müzakirə olunur...
Putinin Ukrayna ilə bağlı kəşfiyyat səhvi və Trampın kəşfiyyat qurumları ilə gərginliyi müzakirə mövzusuna çevrilib
2022-ci ildə Rusiya Prezidenti Vladimir Putinin Ukraynaya qarşı başlatdığı genişmiqyaslı işğal ərəfəsində yaşananlar hələ də beynəlxalq gündəmin əsas müzakirə mövzularındandır. baki-xeber.com- un məlumatına görə canlı yayımlanan Təhlükəsizlik Şurası iclasında Xarici Kəşfiyyat Xidmətinin rəhbəri Sergey Narışkinin gərgin halda danışması və Putinin ona "Düzgün danış!" deyə sərt irad tutmaşı Rusiya rəhbərliyindəki daxili gərginliyi açıq şəkildə ortaya qoymuşdu.
Narışkin, Donetsk və Luqansk bölgələrinin müstəqil dövlətlər kimi tanınmasına dair dəstəyini çətinliklə ifadə etdikdən sonra, Putin tərəfindən dərhal susdurulmuşdu. Analitiklərə görə, bu hadisə Rusiya kəşfiyyat sistemindəki problemlərin və rəhbərliyə təqdim olunan məlumatların nə dərəcədə siyasi təsirlərlə formalaşdığının bariz nümunəsidir.
Ukraynanın tez bir zamanda təslim olacağına dair Putinin inamı isə onun hakimiyyətdə olduğu dövrdə ən ciddi strateji səhv kimi qiymətləndirilir. Müharibənin gözlənildiyi kimi getməməsi, bir sıra yüksək vəzifəli şəxslərin həbs olunması və kəşfiyyat rəhbərlərinin cəzalandırılması ilə nəticələnib.
Digər tərəfdən, ABŞ-da da oxşar narahatlıqlar yaşanmaqdadır.Prezident Donald Trampın dövründə kəşfiyyat orqanları ilə gərgin münasibətlər bir çox hallarda gündəmdə olub. Tramp, kəşfiyyat hesabatlarını tez-tez rədd edib və onları siyasi ritorikasına uyğunlaşdırmağa çalışıb.
Bəzi ABŞ rəsmiləri, o cümlədən Müdafiə naziri və kəşfiyyat rəhbərləri, Trampın mövqeyini dəstəkləmək üçün “yeni kəşfiyyat məlumatları” tapdıqlarını iddia etsələr də, bu məlumatları ictimaiyyətlə paylaşmaqdan imtina etmişdilər. Mütəxəssislər xəbərdarlıq edirlər ki, istər avtoritar, istərsə də populist liderlərin rəhbərliyi altında kəşfiyyatın siyasi məqsədlərə uyğunlaşdırılması, təhlükəsizlik sisteminin effektivliyini zəiflədir və dövlətin qərarvermə mexanizmini təhrif edir.
Nərgiz QƏHRƏMANOVA
Azərbaycan Universitetinin
Humanitar və sosial elmlər fakültəsinin I kurs tələbəsi
