24/09/2020 08:32
728 x 90

Səudiyyə şahzadəsi Salmanla bağlı ŞOK İDDİA… “Amazon” və “Washington Post”un sahibinin telefonunu kim “sındırıb”…

img

Səudiyyə Ərəbistanı şahzadəsi Məhəmməd bin Salmanın “Amazon” şirkətinin və “Washington Post” qəzetinin sahibi, milyarder Ceff Bezosun mobil telefonu haker hücumu ilə müdaxilə etdiyi iddia edilir.

Baki-xeber.com xəbər verir ki, Bezosun telefonuna Səudiyyə şahzadəsi Məhəmməd bin Salmana aid WhatsApp hesabından göndərilən video ilə hücum olunduğu ehtimal edilir.

“The Guardian” qəzeti yazır ki, 2018-ci ilin mayında şahzadə Salman tərəfindən “WhatsApp” vasitəsilə göndərilən bir video mesajla eyni vaxtda Amazon” şirkətinin və “Washington Post” qəzetinin sahibi Bezosun telefonuna haker hücumu həyata keçirilib.

Qəzetin hadisəni araşdıran mütəxəssislərə istinadn edərək, Bezosun şəxsi telefonuna bin Salmanın şəxsi hesabından göndərilən mesajın çox ehtimalla ziyan verici kod daşıdığını bildirib.

Qəzet 1 may 2018-ci ildə göndərilən mesajdan sonra Bezosun hesabından çox sayda məlumatın götürüldüyünü iddia edib. Xəbərdə bu olaydan sonra, səudiyyəli jurnalist Camal Qaşıqçının İstanbulda vəhşicəsinə öldürüldüyün, 9 ay sonra isə ABŞ-da nəşr olunan “National Enquirer” bulvar qəzetində Bezosun şəxsi həyatı ilə bağlı xəbərlərin yayımlanmağa başlanmasına diqqət çəkilir.

Sözügedən bulvar qəzetinin sahibi iş adamı Devid Pekerlə bin Salman arasında yaxın münasibətlərin olduğu da qeyd edilir.

Keçən il yanvarın əvvəlində Bezos və həyat yoldaşı Makenzinin 25 illik evlilikdən sonra boşanmaları haqqında məlumat yayılıb. Medianın yaydığı xəbərlərə görə, Bezos “National Enquirer” tabloidinin onunla keçmiş televiziya aparıcısı Loren Sançez arasında olan romantik əlaqə ilə bağlı jurnalist “araşdırması” apardığına dair məlumat əldə edib.

“National Enquirer” isə bildirib ki, Bezosun Makenzi ilə boşanması barədə ictimaiyyətə elan verilməsindən 48 saat əvvəl tabloidin nümayəndələri “Amazon” şirkətinin sahibi ilə əlaqə saxlayaraq onun haqqında toplanmış dosye haqqında ona məlumat veriblər.

Bezos bir müddət öncə açıq şəkildə çox sayda düşməninin olduğunu bildirib. Xüsusilə, onun sözlərinə görə, “bəzi dairələrdə” ona məxsus “Washington Post” qəzetinin jurnalist Camal Qaşıqçının qətlini necə işıqlandırmasından narazı olanlar var idi. Xatırladaq ki, jurnalistin qətlində Səudiyyə Ərəbistanı günahkar bilinir.

Bundan əlavə, Bezosu şəxsən dəfələrlə tənqid etmiş Prezident Donald Trampın “National Enquirer” tabloidinin naşiri ilə dost olduğu məlumdur. Tramp özü tabloidin Bezosla bağlı araşdırması haqqında heç bir şey bilmədiyini deyib.

BMT rəsmiləri isə Səudiyyə Ərəbistanlı hakerlərin Amazon şirkətinin təsisçisi Ceff Bezosun telefonunu sındırdığına dair kifayət qədər sübutların olduğunu və həm krallıq, həm də ABŞ-ın bununla bağlı araşdırma aparmalı olduğunu bildiriblər. Birləşmiş Millətlər Təşkilatı Bezosun təhlükəsizlik qrupu tərəfindən hazırlanmış məhkəmə ekspertizasınının etibarlı olduğunu düşündüyü haqda açıqlama verməyə hazırlaşır.

FTI Consulting şirkətinin hazırladığı hesabatda bildirilir ki, video 2018-ci ilin ortalarında paylaşıldıqdan təxminən bir ay sonra Bezosun telefonundan geniş miqdarda məlumatlar köçürülməyə başlayıb.

Səudiyyə Ərəbistanı artıq bu ittihamlara reaksiya verərək onları “absurd” adlandırıb. “Mediada son zamanlar Ceff Bezosun telefonunun sındırılmasının arxasında Səudiyyə Ərəbistanının dayandığına dair yayılan məlumatlar absurddur. Bütün faktları əldə etmək üçün bu iddiaları araşdırmağa çağırırıq”, – Səudiyyə Ərəbistanının ABŞ-dakı səfirliyi tvitində deyib.

Son xəbərlər