ABŞ və İran arasında müharibəyə doğru gedən gərginlik burulğanına daxil olan ölkələrin sayı artır. Məlum olduğu kimi İranın ABŞ-ı bölgəni tərk etməsi gərəkdiyini bəyan etməsinin ardında Bağdad Amerika qoşunlarının İraqdan çıxarılmasına qərar verib.
Baki-xeber.com xəbər verir ki, öncə ABŞ dövlət katibi Mayk Pompeo dolayısı ilə Bağdadın qərarını tanımadıqlarını, İraq xalqının ABŞ-ın ölkədəki hərbi varlığını dəstəklədiyini bildirib. Ardınca ABŞ prezident Tramp ABŞ qoşunlarının ölkədən çıxarılmasına qərar verən İraqı açıq şəkildə təhdid edib. “İraqı tərk etməyimizi istəsələr və bunu dostcasına etmədikləri təqdirdə onlara əvvəllər heç görmədikləri ağır sanksiyalar tətbiq edərik” – Tramp deyib.
İraq isə Trampın təhdidlərinə Vaşinqtonun gözləmədiyi çox sərt formada reaksiya verib.
İraqın Baş naziri Adil Abdulmehdi, ABŞ-la “ticarət müharibəsində” olan Çin kartını işə salıb və “Çinlə əldə etdiyimiz razılaşmaları tərəddüd etmədən həyata keçirəcəyik” mesajını deyib.
Trampın təhdidindən dərhal sonra Abdulmehdi gözlənilmədən Çinin Bağdaddakı səfirini Baş Nazirlik iqamətgahında qəbul edib. Bu vəziyyət isə dünya mediasında 3-cü Dünya Müharibəsinin ayaq səsləri kimi şərh olunur...
Qeyd edək ki, görüşdə Abdulmehdi ABŞ qüvvələrinin İraqdakı hərbi varlığına da toxunub: “ABŞ İŞİD-lə mübarizəmizdə bizə dəstək verdi, amma İraqın münaqişə meydanı və tərəfi olmasını istəmirik. ABŞ İraq hökumətinin qərarı ilə buradadır və ölkədən çıxarılması qərarını da İraq verdi. İraq hökumətinin gücü Amerikanın marağındadır".
Abdulmehdi, Çinin İraqın vacib və güclü tərəfdaşı olduğunu deyib: “Çinin beynəlxalq aləmdə bizə dəstək olacağını gözləyirik".
Çin səfiri isə İraq hökumətinə dəstəyi davam etdirəcəklərini söyləyib. İki ölkə arasındakı razılaşmanın həyata keçirilməsinin tərəfdarı olduqlarını söyləyən səfir Tao, İraqla təhlükəsizlik və hərbi sahədə əməkdaşlığı artırmaq istədiklərini deyib.
2019-cu ilin sentyabr ayında İraq və Çin arasında enerji, sənaye, neft və bir çox digər sahələrdə 8 müqavilə imzalanmışdı.
TAHİR
