ABŞ dövlət katibi Con Kerri bildirir ki, İran dünya gücləri ilə nüvə razılaşmasının əsas öhdəliyini icra edəndən sonra iqtisadi sanksiyalar "bir neçə günə yüngülləşdirilə bilər”. Kerri bildirib ki, İran bir neçə saata Arak nüvə reaktorunu dayandırmalıdır.
İran bu öhdəliyi həftəsonunadək bitirəcəyini bildirir.
"Reuters” diplomatik mənbələrə istinadla xəbər verir ki, BMT-nin nüvə agentliyinin yanvarın 15-də İranın sazişə əməl etdiyini təsdiqləyəcəyi gözlənilir.
Tehran artıq digər əsas tələbləri yerinə yetirib, Fordou və Natanzda sentrifuqaların sayını kəskin azaldıb, tonlarla az zənginləşdirilmiş uran materialını Rusiyaya göndərib.
