İsraildə bəzi yüksək səviyyəli hərbçilər Suriyada Bəşər Əsəd rejiminin yıxılmasının qarşısını almaq üçün Binyamin Netanyahu hökumətinə təzyiq edir. Baki-xeber.com xəbər verir ki, israilli generallar Suriyada 4 ildən çoxdur davam edən müharibədə Əsəd və rejiminin yıxılmaması üçün Netanyahu hökumətinə bəzi təkliflər verdiyi iddia edilir.
İsrail ordusunda və Mossadda çalışan general Eliezer Tsafrir "Əsəd rejimini xilas etmək məcburiyyətindəyik" başlığı ilə qələmə aldığı yazısında, "Əsəd rejimi yıxılsa Suriyada və ətrafındakı bütün ölkələrdə yəhudi düşmənliyi başlayacaq. Bu qaçınılmaz bir sonluqdur" deyə bildirir.
Tsafrir bildirir ki, İsrailin Yaxın Şərqdəki zəmanəti Əsəd rejimidir, İsrail Əsədə birbaşa ya da dolayısı ilə silah yardımı etmək məcburiyyətindədir. Onun sözlərinə görə, Əsəd müdafiə edilməlidir.
Generalın sözlərinə görə İsrail Əsədin İran və Hizbullahla da ittifaqını gözardı etməlidir.
"Haaretz” qəzetində nəşr olunan bir başqa yazıda isə Suriya rejiminin bölgədəki İsrail düşmənlərini nəzarət altına almaq üçün bir vasitə olduğu bildirilir. Qəzetə görə, əgər Əsəd rejimi devrilsə buradakı radikal təşkilatlar İsraili yox etmək üçün əllərindən gələni edəcəklər.
İsrailli jurnalist Jacky Hugi də yazır ki, İsrail Əsədin arxasında durmalıdır: "İsrailin tək zəmanəti Əsəd rejimidir. Buna görə də İsrailin Əsəd rejiminə dəstək verməlidir".
