Rusiya Almaniya parlamentinin deputatı və Almaniya-Ukrayna parlament qrupunun rəhbəri Karl-Georg Vellmannı ölkəyə buraxmayıb.
Bunu Vellmannın özü "Reuters” agentliyinə müsahibəsində deyib: "Mayın 24-ü axşam saat 9:30 radələrində çatdım və pasport nəzarətində saxlandım. 2 saat yarım gözlədikdən sonra mənə dedilər ki, 2019-ci ilədək ölkəyə girə bilmərəm və növbəti reyslə evə dönməliyəm. Növbəti reys isə səhər saat 7-də idi. Heç bir açıqlama vermədilər".
Vellman deyir ki, o mayın 25-də Federasiya Şurasının xarici məsələlər üzrə komitəsinin rəhbəri, Rusiya prezidenti Vladimir Putinin bir neçə müşaviri və Almaniya üzrə ekspertlərlə görüşməli idi. Bunların hamısı rəsmi görüşlər idi, müxalifətlə elə bir görüş nəzərdə tutulmurdu.
