Qahirədəki məhkəmə Müsəlman qardaşları hərəkatının 13 tərəfdarına ölüm cəzasını nəzərdə tutan qərar çıxarıb. Onların arasında qrupun dini rəhbəri Məhəmməd Badi də var. Hərəkatın daha 37 fəalına ömürlük həbs cəzası kəsilib.
Ötən il cənab Badi əyalət məhkəməsinin hökmü ilə ömürlük həbs cəzasına məhkum olunmuşdu. 2013-cü ildə prezident Məhəmməd Mуrsinin hakimiyyətdən kənarlaşdırılması ardınca onun rəhbərlik etdiyi hərəkatın yüzlərlə üzvünə ölüm cəzası kəsilib. Hərçənd ki, indiyədək bu hökmlərdən yalnız biri icra olunub. Müsəlman qardaşlarının да Misirdə fəaliyyəti qadağan edilib.
İnsan haqları müdafiəçiləri hökmlərin siyasi motivli olduğunu bildirirlər. Ədliyyənin müstəqilliyini vurğulayan hökumət bu ittihamları rədd edir.
