Fransa ifrat sağçı Milli Cəbhəsinin qurucusu Jean-Marie Le Pen bəyan edib ki, hazırda partiyaya rəhbərlik edən qızı Marine onun ölməyini istəyir.
Baki-xeber.com BBC-yə istinadən xəbər verir ki, 86 yaşlı Jean-Marie Le Pen Milli Cəbhənin fəxri sədri vəzifəsini tutur; bu vəzifəni tərk etmək çağırışları o, "ağılsızlıq” kimi rədd edib.
Marine Le Pen atası ilə onun dəfələrlə təkrarladığı nasist qaz kameralarının xırda "tarixi detal” olduğu fikrini yenidən dilə gətirməsindən sonra açıq söz davasına qatılıb.
Jean-Mari Le Pen dekabrda Provence-Alpes-Côte d'Azur bölgəsində keçiriləcək yerli seçkilərdə öz namizədliyini irəli sürmək niyyətindədir, lakin onun qızı bəyan edib ki, partiyanın lideri olaraq onun namizədliyini təcrid edir. Milli Cəbhənin siyasi bürosu namizədlərin irəli sürülməsi məsələsini aprelin 17-də müzakirə edəcək.
Marine Le Pen-in sözlərinə görə, onun atası "yandırılmış torpaq və siyasi qətl strategiyası burumuna girib”.
Marine Le Pen həmçinin atasını müdriklik göstərib özü törətdiyi problemlərdən ibrət almağa və, güman ki, öz siyasi vəzifələrindən əl çəkməyə çağırıb. Partiyanın təsisçisinə ünvanlanan bu çağırışı partiyanın vitse-prezidenti Florian Philippot da təkrar edib.
Ancaq Le Pen bunu eşitmək belə istəmir: "Mənim hələ ki, Milli Cəbhədə malik olduğum nüfuzum Marine üçün böyük qalmaqala və nüfuzunun itirməsinə şərait yaradır, o isə bunu, deyəsən, duymur...
Marine Le Pen mənim ölümümü arzulayır, bu mümkündür, lakin bu işdə mənim köməyimə ümid etməsin”.
Le Pen ailəsində iki nəsil arasında konflikt aprelin əvvəlində Jean-Marie Le Penin müsahibəsindən sonra yenidən qızışıb. Siyasətçi sevimli mövzularına toxunaraq, qaz kameralarının əhəmiyyətinin şişirdirildiyini və nasist işğalı zamanı kollaborasionist hökumətinə başçılıq edən marşal Petainin heç də təsvir edildiyi kimi pis olmadığını deyib.
Le Pen həmçinin Fransada hakimiyyətin "immiqrantların əlində” olduğunu deyə valideynləri İspaniyadan gəlmiş baş nazir Manuel Vallsı misal gətirib və "ağ insanlar dünyasını” xilas etmək üçün Fransanın Rusiya ilə birlik yaratmasının zəruriliyini bildirib.
2017-ci il prezident seçkilərində namizədliyi irəli sürüləcəyi ehtimal olunan Marine Le Pen Milli Cəbhəni açıq-aydın irqçi partiya imicindən azad etməyə çalışır.
Martda məhəlli seçkilərinin birinci turunda Milli Cəbhə səslərin 25 faizini qazanmışdı. Bu, gözlənildiyindən az da olsa, müşahidəçilərin bir çoxu Marine Le Pen strategiyasının bəhrə gətirdiyini düşünürdü.
Jean-Marie Le Penin mübahisəli hərəkətləri
1987-ci il – Holokostu "tarixi detal” adlandırıb.
1977-ci il – parlament seçkiləri kampaniyası zamanı yumruqlarla sosialist Annette Peulvast-Bergeala hücum edib.
2006-cı il – Fransanın müsəlman əhalisi haqqında dediklərinə görə, növbəti dəfə irqçilik zəminində ədavəti qızışdırmaq üçün mühakimə olunub.
2007-ci il – Monde nəşrinə müsahibəsində deyir ki, "irqlərin bərabər olmamasını mübahisə etmək olmaz”.
2015-ci il – yenə Holokost haqqında öz fikirlərini deyir. Qızı onu özünü xatırlatmağa cəhd göstərməkdə açıq ittiham edir.
