Donbas ərazisində 12 minədək muzdlu silahlı döyüşür. APA-nın "UNİAN”a istinadən verdiyi xəbərə görə, bu barədə "5-ci kanal”a Ukraynanın şərqində keçirilən Antiterror Əməliyyatın rəsmi sözçüsü Andrey Lısenko bildirib.
"Əgər biz Rusiya Federasiyasının ərazisindən gələn muzdluları da nəzərdə tuturuqsa, onda bu göstərici təxminən 12 min təşkil edir. Bu göstəriciyə, yerli əhali arasından müxtəlif yollarla, o cümlədən güc vasitəsilə, cəlb edilən şəxslər də daxildir”, deyə Lısenko vurğulayıb.
Andrey Lısenkonun sözlərinə görə, Rusiya Federal Təhlükəsizlik Xidmətinin bölgəyə çoxlu sayda ezam olunmuş əməkdaşları yeni hücuma hazırlıq məqsədi ilə Donbasda qanunsuz hərbi qruplaşmanın rəhbərliyinə tabe olmayan silahlılar arasında "təmizləmə” tədbirləri həyata keçirir.
