Misir prezidenti Abdülfettah Sisinin xüsusi dəftərxana müdiri Abbas Kamil və Hərbi Şura üzvü Mahmud Hicazi ilə 2014-cü ilin fevralında reallaşan yığıncağının səs yazısı ortaya çıxıb
Baki-xeber.com xəbər verir ki, Sisinin prezidentliyə namizəd olmadan əvvəlki dövrdə reallaşan görüşün səs yazısında, Sisi ona dəstək verən Körfəz ölkələri ilə qurulacaq əlaqələrlə bağlı məlumat verir. O bildirib ki, Körfəz ölkələrilə eynilə 1990-cı ildə Suriya rejiminə etdikləri kimi al və ver əsasında əlaqə qurmağımız lazımdır.
Yığıncaqda "Körfəz ölkələrində pul düyü kimidir" deyən Sisi Körfəz ölkələrindən istənəcək pulun miqdarını da açıqlayır: "Körfəz ölkələri liderləri öz ölkələrinin büdcələrinin üzərində nəhəng pullara sahibdir... 10 milyard dollar istəyirik... 10 milyard Birləşmiş Ərəb Əmrliklərindən, 10 milyard da Küveytdən ... Ordunun hesabına keçəcək 10 milyard dollara ehtiyacımız var. Pullar Mərkəz Banka köçürüləcək və 2014-ci ilin hesabı bağlanmış olacaq".
Sisinin bu sözlərindən sonra Abbas Kamil gülür. Sisi isə, "Niyə gülürsən əmi? Pul onlarda düyü kimidir" deyir.
Görüşdə Sisinin xüsusi dəftərxana müdiri Abbas, "Yalnız Qətər Mərkəz Bankının ehtiyatı 900 milyard dollardır" deyir və Qətər əmrinin ünvanına nalayiq ifadələr işlədir.
Sisi Abbas Kamilin Səudiyyə Ərəbistanı rəsmisi Xalid Tuveyciri ilə görüşməsini istəyir və deyir: "Ona de ki bizlər ordu hesabına 10 milyard dollar istəyirik. Hər ölkədən də 10 milyard dollar. Allah ondan razı olsun... Onların ABŞ-da da pulları var"
Bunun ardınca onların arasında kiçik bir dialoq yaşanır:
Abbas: Yalnız belə böyük bir pul hesaba necə keçəcək? İşlər belə getsə bir problem yoxdur. Parça-parça göndərilərsə bir problem olmaz. Narahatlığa ehtiyac yoxdur.
Sisi: Yəni hesab açmaq yerinə oradan bizim ofisimiz də var.
Abbas: Birbaşa hesaba keçər.
Sisi: Bax amerikalılar orada necə oynayırlar.
Səudiyyə Ərəbistanı və Birləşmiş Ərəb Əmirlikləri, Misirdə yaşanan hərbi çevriliş və ardından keçirilən seçkilərdə prezident seçilən Sisi rəhbərliyindəki Misirə ən çox maliyyə yardımı edən ölkələrdir.
Qətər isə Müsəlman Qardaşlar qrupundan olan keçmiş prezident Məhəmməd Mursinin devrilməsi və ardından yüzlərlə nümayişçinin öldürülməsinə sərt reaksiya vermişdi. Qətər Misirdə nümayişçilərə qarşı şiddət və Müsəlman Qardaşların terror təşkilatı elan edilməsini də tənqid etmişdi.
Misir rəhbərliyi isə 2014-cü ilin martından Qətər vətəndaşlarına viza tətbiq edib.
