Sinqapur 2015-ci ildə qızıl yubileyini qeyd etməyə hazırlaşır və bu əlamətdar tarixi qeyd etmək məqsədilə, hökumət, o cümlədən, yeni ildə doğulanlara xüsusi hədiyyələr hazırlayır.
Bu layihənin rəsmi vebsaytında qeyd olunur ki, gələn il doğulan körpələrə "faydalı və mənalı" əşyalar dəstindən ibarət hədiyyələr veriləcək. Hədiyyə dəstinə daxil edilmiş əşyalar cəmiyyət tərəfindən təklif olunmuş ideyalar əsasında seçilib. Həmin dəst daşınan uşaq bələyi, "Mən qızıl yubiley ilində doğulmuşam" cümləsi yazılmış körpənin dəyişik alt və üst paltar və çantası, valideynlərin çəkəcəyi fotolar üçün şəkil albomu və xatirə medalyonundan ibarət olacaq.
Qeyd olunduğuna görə, hədiyyə qutusu "müasir nəslin gələcək nəsilə xoş arzularını əks etdirəcək". Yubiley hədiyyələri Sinqapurun yeni doğulan vətəndaşlarına yanvarın 1-dən təqdim edilməyə başlayacaq.
Hədiyyələr, o cümlədən, ölkədən xaricdə dünyaya gələn yeni vətəndaşlara da veriləcək. "Straits Times” vebsaytının xəbərinə görə, 2015-ci ildə doğulanlar üçün hədiyyələrin sayı hətta arta da bilər, çünki Sinqapurun ən iri bankı da "yubiley körpələrinə" hədiyyə paylayacağını vəd edib. Bankın hədiyyə dəstinə körpə əlcəkləri, "selfie" fotosunun çəkilməsini asanlaşdıran teleskopik mil və pultoplama qutusu daxildir.
Sinqapurda hökumət körpələrə hədiyyəni yubiley ilində payladığı halda, bəzi ölkələrdə yeni doğulan uşaqlara hökumət tərəfindən hədiyyə verilməsi adi hal sayılır.
