Lənkəranda şəhid ailələrinə, Vətən üçün can qoyanlara xüsusi qayğı...

img

30 il yağı tapdağına əsir düşən müqəddəs  Qarabağ torpaqların azadlığı uğrunda başlanan, Ali Baş Komandan İlham Əliyevin rəhbərliyi altında 44 gün müddətinə şanlı zəfərimizlə başa çatan   müharibədə Azərbaycanın ərazi bütövlüyü uğrunda döyüşlərdə Lənkəran rayonundan bir neçə  mədəniyyət işçisi də qəhrəmanlıq göstərərək Vətən yolunda canından keçib.

Onların xatirələri  həmişə əziz tutulur, Lənkəran Regional Mədəniyyət İdarəsi tərəfindən  ailələrinə daimi olaraq  maddi yardımlar göstərilir. Bütün bunlardan başqa, əlamətdar günlərdə bir qayda olaraq mədəniyyət işçiləri şəhid ailələrini ziyarət etməklə, onlara narahatlıq yaradan problemlərinin həlli məqsədilə müvafiq dəstək tədbirləri görürlər.

Bu ilin 29 yanvar tarixindən bugünədək Lənkəran Regional Mədəniyyət İdarəsi tərəfindən  5 nəfər şəhid və 5 nəfər qazi ailəsinin üzvü rayonda fəaliyyət göstərən  müxtəlif  mədəniyyət ocaqlarında işlə təmin edilib. Bundan sonra da Regional İdarənin işçiləri  bu istiqamətdə  mütəmadi olaraq fəaliyyət göstərməyi qarşılarına əsas məqsəd qoyublar.

Zəfər ORUCOĞLU
Azərbaycan Jurnalistlər Birliyinin üzvü

Son xəbərlər