İntiharçı Azərbaycan kişilərinin sayında artım var..

Könül İsmayılova: “Sui-qəsd zamanı kişilər qadınlarla müqayisədə daha qəddar üsullara əl atır”

img

Bir vaxtlar qadınlar ailədaxili münaqişələrə, maddi sıxıntılara, cəmiyyətdə onlara qarşı olan haqsızlıqlara dözməyrək intihar edirdisə, indi intihara meyllilik kişilər arasında daha çox yayılıb.

 

Ümumdünya Səhiyyə Təşkilatının hesablamalarına görə, hər il dünyada 1 milyona yaxın insan intihar edir. Maraqlı məqam intihar edən kişilərin sayının qadınlardan çox olmasıdır.

İsveç universitetlərinin apardığı tədqiqat nəticəsində məlum olub ki, həyatına qəsd edən kişilərin sayı qadınlardan 3 dəfə çoxdur. Bu fakt ölkəmizdə də yaşanır.

Araşdırmalara əsasən, kişilər arasında ən yüksək intihar faizi 30-44 yaşlılardadır. 45-59 yaşlılar arasında intihar halları isə son illərdə kəskin artıb.

  • “Azərbaycan mentalitetinin kişilərin çiyninə qoyduğu yüklərlə yanaşı, informasiya çoxluğu da beyinin yüklənməsinə səbəb olur”

Kişilər arasında intihar hallarının artması barədə danışan psixoloq Könül İsmayılova bildirdi ki, qadınlar həm fizioloji, həm psixoloji baxımdan kişilərdən üstündür.

Onun sözlərinə görə, qadının dözə bildiyini ağrının 1/3-ni kişi çəkərsə, ağrının şokuna düşüb tələf olar. Və ya qadınlar bədəndən itirilən qana qarşı dözümlüdür, amma kişilər o qədər dözümlü deyillər: “Kişinin fiziki güclü olması da tarixən gəlib. Çünki qadınlar daha ağıllı, zirək olublar, fiziki işlərə kişiləri göndəriblər. Hətta indi də baxanda, qadın daha mükəmməl varlıqdır. Qadında 46 xromosom, kişidə isə 45 xromosom var. Kişi qadınlarla müqayisədə zəifdir”.

Həmsöhbətimiz onu da əlavə etdi ki, Azərbaycan mentalitetinin kişilərin çiyninə qoyduğu yüklərlə yanaşı, informasiya çoxluğu da beyinin yüklənməsinə səbəb olur. Bu da sonda kişiləri intihara meylləndirir: “İntiharın ən böyük səbəblərindən biri cəmiyyətin dözümsüzlüyüdür.

Mental adət-ənənələrimiz insana azadlıq vermir, çox sıxır, insanlar istədiyi kimi yaşaya bilmir və kişilərdə genetik zəiflik işə düşür. Nəticə isə onların sonu intiharla bitir”.

Psixoloqun sözlərinə görə, intihar hallarının artmasında medianın da rolu az deyil: “Mediada yayımlanan intihar xəbərləri insanların psixologiyasına güclü təsir edir. Əsasən həssas və psixoloji durumu yerində olmayan insanlar bu cür xəbərlərdən təsirlənir”.

K.İsmaylova son olaraq bildirdi ki, sui-qəsd zamanı kişilər qadınlarla müqayisədə daha qəddar üsullara əl atır.

Günel CƏLİLOVA

Son xəbərlər