TƏBİB bu az vaxtda yoxlamalara əsas olmuş nələr etdi ki...

Elçin Bayramlı: “TƏBİB-də yoxlamaların aparılması vacibdir, çünki onunla bağlı şikayətlər çoxdur”

img

Mətbuatın yazdığına görə, Hesablama Palatası TƏBİB-də yoxlamalara başlayıb. Yoxlamaların TƏBİB-in fəaliyyəti dövrünü əhatə etdiyi və Palatanın bu dövr ərzində qurumun fəaliyyətini təftiş edəcəyi bildirilir.

Qeyd edilənə görə, Hesablama Palatası ilk dəfədir TƏBİB-də yoxlamalar həyata keçirir.

TƏBİB-də yoxlamaların motivi haqqında hələlik bir məlumat verilmir. Qurumun mətbuat xidmətindən “Bakı-Xəbər”ə bildirdilər ki, bu barədə hər hansı bir açıqlama verə bilməzlər, təftişlə bağlı yalnız Hesablama Palatası danışa bilər.

TƏBİB-də başlayan yoxlamalara səbəb ola biləcək məsələlərə gəlincə, ekspertlər hesab edir ki, bu “Yeni klinika” olayı ilə də bağlı ola bilər. Bundan əlavə, ekspertlərə görə, son zamanlar bu qurumla bağlı xoşagəlməz məlumatlar da dolaşır. Ekspertlər hesab edir ki, yaxın günlərdə yolxamaların səbəbi və nəticələri barədə ictimaiyyətə məlumat veriləcək.

  • “Korrupsiya halları yenə də var”

“Altay” Sosial – İqtisadi Araşdırmalar Mərkəzinin rəhbəri Elçin Bayramlı bildirdi ki, Hesablama Palatası tərəfindən bu qurumda təftiş aparılması təsadüfi deyil.

“TƏBİB-də yoxlamaların aparılması vacibdir, çünki onunla bağlı şikayətlər çoxdur. Düzdür, yeni yaranmış təşkilatdır, ona görə də bu sistemdə ciddi dəyişiklik edə bilməyib. Bu da həm də onunla bağlıdır ki, səhiyyə sistemində qarışıqlıqdı eyni sahədə 3 dövlət orqanı fəaliyyət göstərir- SN, TƏBİB və İcbari Sığorta Agentliyi. Üstəlik də, pandemiya bu sahədə aləmi qatdı bir-birinə. TƏBİB rahat formalaşmağa və bu sahədə yaxşı xidmət qurmağa imkan tapa bilmədi.

Ümumi baxsaq, səhiyyə sektorunda ciddi keyfiyyət dəyişikliyi baş verməyib. Korrupsiya halları yenə də var. Müalicə prosesində problemlər çoxdur. Kadr bazasında da problemlər var”.

E.Bayramlının fikrincə, indiki dövrdə bu sektorun müəkəmməl olması çox vacib idi, indiyədək bu işləri başa çatmadırmaq lazım idi. “Hər halda yenə də çox gec deyil, qısa müddətdə sürətli və cidi islahatlar aparılsa, səhiyyədəki problemlər aradan qalxar. Bu sahədki ki dövlət orqanları bir mərkəzdə cəmləşdirilsə daha yaxşı olar. Bir sahədə 3 təşkilata ehtiyac yoxdur. Belə halda qarışıqlıq yaranır, əhali başa düşmür ki, hansı nə işə baxır, hansı halda hara müraciət etsin və s”-deyə ekspert vurğuladı.

İradə SARIYEVA

Son xəbərlər