Masallıda erkən nikahlar və onun fəsadları mövzusunda tədbir keçirildi

img

Masallı Rayon İcra Hakimiyyətinin təşkilatçılığı, rayon Heydər Əliyev Mərkəzi, Polis şöbəsi, Təhsil şöbəsi, Mərkəzi Rayon Xəstəxanası, Gənclərin İnkişafı və Karyera Mərkəzi, rayonun 11 ümumtəhsil məktəbinin əməkdaşları və şagirdlərin qatıldığı növbəti virtual  tədbir “Yetkinlik yaşına çatmayan qızların ailə-nikah münasibətlərinə cəlb etməsinin acı nəticələri, narkotik vasitələr, tütün məmulatları və alkoqolun insan orqanizminə ziyanı, internet resurslardan düzgün istifadə edilməsi” mövzusunda  idi. Bəri başdan deyim ki, tədbir müasir yeniyetmələrin  həyatında mühüm əhəmiyyət daşıdığına görə yaddaqalan oldu.

Mövzu ətrafında çıxışlarda Masallı RİHB aparatının Hüquq şöbəsinin müdiri Bəxtim Qarayev, RİHB aparatının böyük məsləhətçisi, Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Zamin Məmmədov, Hüquq şöbəsinin məsləhətçisi Azər Bəhmənov, İnformasiya təminatı və təhlil sektorunun aparıcı məsləhətçisi Nəsib Bağırov, rayon Polis şöbəsinin YYÇPİTQ-nın baş inspektoru, polis baş leytenantı Samid Əliyev ötən və cari ildə baş verən hadisələr, onların nəticələri haqqında tutarlı faktlar əsasında ətraflı söhbət açdılar və tədbir iştirakçıların  marağında olan suallara cavab verildi.
Tədbirdə daha sonra erkən nikah, narkotik, tütün və alkoqolun ziyanı, internetdən düzgün istifadə ilə əlaqədar məktəblərdə mütəmadi olaraq izahat işlərin aparmağın, eləcə də erkən yaşda nikaha məcbur etmə halları ilə bağlı rayon icra hakimiyyəti və hüquq-mühafizə orqanlarına dərhal məlumat verilməyin vacibliyi dönə-dönə vurğulandı.

Zəfər ORUCOĞLU
Azərbaycan Jurnalistlər Birliyinin üzvü

Son xəbərlər